ஈயோரா பழங்குடி

ஈயோரா Eora
Ea-ora, Iora, and Yo-ra
சிட்னி வடிநில உயிரிமண்டலம்
ஈயோரா தொல்குடியினரின் மூத்த வாங்கல் குலத்தைச் சேர்ந்த பெனிலோங்கின் உருவப்படம்
படிநிலை
மொழிக் குடும்பம்:	பாமா–நியூங்கன்
கிளை மொழி:	இயூவின்–கூரிச்சு
மொழிக்குழு:	யோரா
குழுப் பேச்சுவழக்கு:	தாருக்
பரப்பளவு
உயிரிமண்டலம்:	சிட்னி வடிநிலம்
அமைவிடம்:	சிட்னி
ஆள்கூறுகள்:	34°S 151°E / -34; 151
குறிப்பிடத்தக்க ஆளுமைகள்
பெனிலோங் பரங்கரூ

ஈயோரா (Eora) அல்லது இயூரா (Yura) எனப்படுவோர் ஆத்திரேலியாவில் நியூ சவுத் வேல்ஸ் மாநிலத்தில் வாழும் ஒரு தொல்குடியினத்தவர் ஆவர். ஈயோரா என்பது நியூ சவுத் வேல்சில், இப்போது சிட்னி வடிநிலம் என்று அழைக்கப்படும் கடலோரப் பகுதியில் உள்ள குலங்களைச் சேர்ந்த தொல்குடியின மக்களின் குழுவிற்கு தொடக்ககால ஐரோப்பியக் குடியேறிகள் வழங்கிய பெயர். ஈயோரா மக்கள் தாருக் மக்களுடன் ஒரு மொழியைப் பகிர்ந்து கொள்கின்றனர், இவர்களின் பாரம்பரிய நிலங்கள் இயோராவின் மேற்கில் மேலும் உட்பகுதியில் உள்ளன.

ஆத்திரேலியாவிற்குள் நுழைந்த முதல் வெள்ளையினக் குடியேற்றத்தினருடனான பாலத்துடனான தொடர்பு, பெரியம்மை போன்ற பிற நோய்களின் தொற்றுநோய்களால் ஈயோரா மக்கள்தொகையில் பெரும்பகுதியை விரைவாக அழித்தது. இவர்களின் மொழிகள், சமூக அமைப்பு, வாழ்க்கை முறை, மரபுகள் பெரும்பாலும் இழக்கப்பட்டாலும் அவர்களின் சந்ததியினர் இன்றும் வாழ்கின்றனர்.

கதிரியக்கக்கரிமக் காலக்கணிப்பு சிட்னியிலும் அதைச் சுற்றியுள்ள பகுதிகளிலும் குறைந்தபட்சம் 30,000 ஆண்டுகளுக்கு பின்னைப் பழங்கற்காலத்தில் மனித செயல்பாடுகள் நிகழ்ந்ததாகக் கூறுகிறது. இருப்பினும், சிட்னியின் மேற்கத்திய புறநகர்ப் பகுதிகளான சரளைப் படிவுகளில் காணப்படும் ஏராளமான ஆத்திரேலியத் தொல்குடியினரின் கல் கருவிகள் நிமு 45,000 முதல் 50,000 ஆண்டுகள் என்று தேதியிட்டது, அதாவது மனிதர்கள் நினைத்ததை விட முன்னதாகவே இப்பகுதியில் இருந்திருக்கலாம்.

ஈயோரா இன மக்களின் மொழியில் இருந்து இன்று ஆங்கிலத்திலும் பிற மொழிகளிலும் வழங்கும் சொற்களில் சில: டிங்கோ, வூமெரா ஈட்டி (woomera), வாலபி (wallaby), வாம்பட்டு என்னும் பேரெலிவகை (wombat), வரட்டாச் செடி (waratah), பழுப்பு நிற மோபோக்கு ஆந்தை boobook (owl), கங்காருவிற்கும் வாலபிக்கும் இடைப்பட்ட அளவுடைய வால்லரு என்னும் விலங்கு (wallaroo) ஆகியன.

பென்னெலாங்கு என்னும் பெயருடைய ஈயோரா இனத்தில் இருந்த ஒருவரர் ஆங்கிலேயர்களுக்கும் ஈயோரா இன மக்களுக்கும் இடையே தொடர்பாளராக இருந்துள்ளார். இவர் 1793 மே 24 இல் இங்கிலாந்து மன்னர் மூன்றாம் ஜோர்ஜை (King George III) சந்தித்து இருக்கிறார்.

உசாத்துணைகள்

• Smith, Keith Vincent (2009). "Bennelong among his people". Aboriginal History 33: 7–30. 
• Attenbrow, Val (2010). Sydney's Aboriginal Past: Investigating the Archaeological and Historical Records. Sydney: UNSW Press. ISBN 978-1-74223-116-7.
• Macey, Richard (2007). "Settlers' history rewritten: go back 30,000 years". The Sydney Morning Herald. http://www.smh.com.au/news/national/settlers-history-rewritten/2007/09/14/1189276983698.html. 
• Heiss, Anita; Gibson, Melodie-Jane (2013). Aboriginal people and place. City of Sydney.
• Stockton, Eugene D.; Nanson, Gerald C. (April 2004). "Cranebrook Terrace Revisited". Archaeology in Oceania 39 (1): 59–60. doi:10.1002/j.1834-4453.2004.tb00560.x. 

வெளி இணைப்புகள்

• [1] பரணிடப்பட்டது 2016-09-16 at the வந்தவழி இயந்திரம் ஊமெரா ஈட்டியின் படம் Boy Scouts Beyond the Seas: "My World Tour" by Sir பேடன் பவல், 1913 என்னும் புத்தகத்திலிருந்து