ஆசிய-பசிபிக் பொருளாதாரக் கூட்டமைப்பு

ஆசிய-பசிபிக் பொருளாதாரக் கூட்டமைப்பு
உறுப்பு நாடுகள் பச்சையில் உள்ளன உறுப்பு நாடுகள் பச்சையில் உள்ளன
தலைமையகம்	சிங்கப்பூர்
வகை	பொருளாதார மன்றம்
உறுப்பு நாடுகள்	21 ஆத்திரேலியா புரூணை கனடா சிலி சீனா ஆங்காங் இந்தோனேசியா சப்பான் தென் கொரியா மலேசியா மெக்சிக்கோ நியூசிலாந்து பப்புவா நியூ கினி பெரு பிலிப்பீன்சு உருசியா சிங்கப்பூர் சீனக் குடியரசு தாய்லாந்து ஐக்கிய அமெரிக்கா வியட்நாம்
தலைவர்கள்
• APEC ஹோஸ்ட் பொருளாதாரம் 2023	ஜோ பைடன்
• நிறைவேற்றுப் பணிப்பாளர்	ரெபேக்கா பாத்திமா சாண்டா மரியா
உருவாக்கம்	1989
வலைத்தளம் www.apec.org

படிமம்:APEC2005 Hanbok.jpg

2005 ஏபெக் உச்சி மாநாடு, புசான், தென் கொரியா

படிமம்:APEC2006 Áo Dài.jpg

2006 ஏபெக் உச்சி மாநாடு, ஹனோய், வியட்நாம்

படிமம்:APEC Australia 2007 leaders.jpg

2007 ஏபெக் உச்சி மாநாடு, சிட்னி, ஆஸ்திரேலியா

ஆசிய-பசிபிக் பொருளாதாரக் கூட்டமைப்பு (Asia-Pacific Economic Cooperation, APEC) என்பது பசிபிக் கடலை ஒட்டிய நாடுகளின் பொருளாதாரக் கூட்டமைப்பு ஒன்றியம் ஆகும். பசிபிக் வட்டார நாடுகளின் பொருளாதாரம், வர்த்தகம், மற்றும் முதலீடுகள் போன்றவற்றை இவை ஆராயும். இந்நாடுகள் கூட்டாக உலகின் மொத்தப் பொருளாதாரத்தில் 60% விழுக்காட்டினைத் தன்னகத்தே கொண்டுள்ளன.. இவ்வமைப்பின் தலைமையகம் சிங்கப்பூரில் அமைந்திருக்கிறது.

ஏபெக் நாடுகளின் தலைவர்களின் உச்சி மாநாடு ஆண்டு தோறும் நடைபெறுகிறது. இம்மாநாட்டில் சீன தாய்பெய் தவிர மற்றைய நாடுகளின் அரசுத் தலைவர்கள் கலந்து கொள்வார்கள். சீன தாய்பெய் அமைச்சர் மட்டத்தில் இம்மாநாட்டில் பங்கு பற்றுகிறது. உச்சி மாநாடுகள் சுழற்சி முறையில் ஆண்டுதோறும் ஏபெக் நாடொன்றில் இடம்பெறும். அரசுத் தலைவர்கள் உச்சிமாநாடு இடம்பெறும் நாட்டின் தேசிய உடையில் இம்மாநாட்டில் கலந்து கொள்வது ஒரு சிறப்பம்சமாகும். 2007ம் ஆண்டிற்கான ஏபெக் உச்சி மாநாடு ஆஸ்திரேலியாவில் சிட்னி மாநகரில் செப்டம்பர் 2-9 இல் நடைபெற்றது.

வரலாறு

ஜனவரி 1989 இல் ஆஸ்திரேலியப் பிரதமராக இருந்த பொப் ஹோக் பசிபிக் நாடுகளின் கூடிய பொருளாதாரக் கூட்டுக்கு முதன் முதலில் அழைப்பு விடுத்தார். இதனை அடுத்து ஆஸ்திரேலியத் தலைநகர் கான்பராவில் நவம்பரில் ஆஸ்திரேலிய வெளிவிவகார அமைச்சர் காரெத் எவான்ஸ் தலைமையில் 12 நாடுகளின் அமைச்சர்கள் மட்டக் கூட்டம் நடைபெற்றது.

முதலாவது உச்சி மாநாடு 1993 இல் அமெரிக்க அதிபர் பில் கிளிண்டன் தலைமையில் வாஷிங்டனில் உள்ள பிளேக் தீவில் இடம்பெற்றது. ஏபெக் தலைமையகம் சிங்கப்பூரில் அமைக்கப்பட்டது.

அங்கத்துவ நாடுகள்

தற்போது மொத்தம் 21 நாடுகள் இக்கூட்டமைப்பில் அங்கம் வகிக்கின்றன.

இந்தியா இக்கூட்டமைப்பில் அங்கத்துவத்துக்கு விண்ணப்பித்துள்ளது. ஐக்கிய அமெரிக்கா, ஜப்பான், ஆஸ்திரேலியா ஆகியன இதற்கு ஆதரவு தெரிவித்துள்ளனவாயினும், 2010 இற்குப் பின்னரேயே இக்கோரிக்கை பரிசீலனைக்கெடுக்கப்படும்.

அதனை விட, மொங்கோலியா, லாவோஸ், கொலம்பியா, எக்குவடோர் போன்றவையும் விண்ணப்பித்துள்ளன.

சந்திப்பு இடம்பெற்ற இடங்கள்

வருடம்	#	திகதிகள்	நாடு	நகரம்	இணையத்தளம்
1989	1 வது	நவம்பர் 6–7	ஆஸ்திரேலியா	கான்பரா
1990	2 வது	ஜூலை 29–31	சிங்கப்பூர்	சிங்கப்பூர்
1991	3 வது	நவம்பர் 12–14	தென்கொரியா	சியோல்
1992	4 வது	செப்டெம்பர் 10–11	தாய்லாந்து	பேங்காக்
1993	5 வது	நவம்பர் 19–20	ஐக்கிய அமெரிக்கா	சியாட்டில்
1994	6 வது	நவம்பர் 15–16	இந்தோனேசியா	போகோர்
1995	7 வது	நவம்பர் 18–19	ஜப்பான்	ஒசாக்கா
1996	8 வது	நவம்பர் 24–25	பிலிப்பீன்சு	மணிலா மற்றும் சுபிக்
1997	9 வது	நவம்பர் 24–25	கனடா	வான்கூவர்
1998	10 ஆம் தேதி	நவம்பர் 17–18	மலேசியா	கோலாலம்பூர்
1999	11 ஆம் தேதி	செப்டெம்பர் 12–13	நியூசிலாந்து	ஓக்லாந்து
2000	12 ஆம் தேதி	நவம்பர் 15–16	புருணை	பண்டார் செரி பெகவான்	[2] பரணிடப்பட்டது 2003-03-14 at the Library of Congress Web Archives
2001	13 ஆம் தேதி	அக்டோபர் 20–21	சீனா	சாங்காய்
2002	14 ஆம் தேதி	அக்டோபர் 26–27	மெக்சிக்கோ	லாஸ் கபோஸ்
2003	15 ஆம் தேதி	அக்டோபர் 20–21	தாய்லாந்து	பேங்காக்
2004	16 ஆம் தேதி	நவம்பர் 20–21	சிலி	சாண்டியாகோ	[3]
2005	17 ஆம் தேதி	நவம்பர் 18–19	தென்கொரியா	புசான்
2006	18 ஆம் தேதி	நவம்பர் 18–19	வியட்நாம்	ஹனோய்	[4] பரணிடப்பட்டது 2006-02-25 at the வந்தவழி இயந்திரம்
2007	19 ஆம் தேதி	செப்டெம்பர் 8–9	ஆஸ்திரேலியா	சிட்னி	[5] பரணிடப்பட்டது 2010-11-19 at the வந்தவழி இயந்திரம்
2008	20 ஆம் தேதி	நவம்பர் 22–23	பெரு	லிமா	[6] பரணிடப்பட்டது 2007-10-13 at the வந்தவழி இயந்திரம்
2009	21 ஆம் தேதி	நவம்பர் 14–15	சிங்கப்பூர்	சிங்கப்பூர்	[7]
2010	22 ஆம் தேதி	நவம்பர் 13–14	ஜப்பான்	யோகோஹாமா	[8]
2011	23 ஆம் தேதி	நவம்பர் 12–13	ஐக்கிய அமெரிக்கா	ஹொனோலுலு	[9] பரணிடப்பட்டது 2011-03-26 at the வந்தவழி இயந்திரம்
2012	24 ஆம் தேதி	செப்டெம்பர் 9–10	ரஷ்யா	விளாதிவசுத்தோக்	[10] பரணிடப்பட்டது 2021-06-26 at the வந்தவழி இயந்திரம்
2013	25 ஆம் தேதி	அக்டோபர் 5–7	இந்தோனேசியா	பாலி	[11]
2014	26 ஆம் தேதி	நவம்பர் 10–11	சீனா	பெய்ஜிங்
2015	27 ஆம் தேதி	நவம்பர் 18–19	பிலிப்பீன்சு	பாசாய்
2016	28 ஆம் தேதி	நவம்பர் 19–20	பெரு	லிமா
2017	29 ஆம் தேதி	நவம்பர் 10–11	வியட்நாம்	தா நாங்
2018	30 ஆம் தேதி	நவம்பர் 17–18	பப்புவா நியூ கினி	மார்சுபி துறைமுகம்
2019	31 ஆம் தேதி (ஆரம்பத்தில்)	நவம்பர் 16–17 (ரத்து செய்யப்பட்டது)	சிலி	சாண்டியாகோ
2020	31 ஆம் தேதி (தாமதமாகிறது)	நவம்பர் 20	மலேசியா	கோலாலம்பூர் (ஆன்லைனில் ஹோஸ்ட் செய்யப்பட்டது)
2021	32 ஆம் தேதி	ஜூலை 16 மற்றும் நவம்பர் 12	நியூசிலாந்து	ஓக்லாந்து (ஆன்லைனில் ஹோஸ்ட் செய்யப்பட்டது)
2022	33 ஆம் தேதி	நவம்பர் 18–19	தாய்லாந்து	பேங்காக்
2023	34 ஆம் தேதி	நவம்பர் 15–17	ஐக்கிய அமெரிக்கா	சான் பிரான்சிஸ்கோ
2024	35 ஆம் தேதி	நவம்பர் 10–16	பெரு	குசுக்கோ

வெளி இணைப்புகள்

• ஏபெக் இணையத்தளம்
• ஏபெக் 2007, சிட்னி இணையத்தளம் பரணிடப்பட்டது 2010-11-19 at the வந்தவழி இயந்திரம்