கமாயா அருவி

கமாயா அருவி
வெய்ன் அருவி
பிலிப்பீன்சு, பதான், மாரிவெல்சில் உள்ள கமாயா கடற்கரையில் காணப்படும் மூன்று அருவிகளில் சிறிய அருவி
அமைவிடம்	மாரிவெல்சு, பதான், லூசோன், பிலிப்பீன்சு
வகை	பஞ்ச்பவுல்; குதிரைவால்
மொத்த உயரம்	3.152 m (10.3 அடி)
வீழ்ச்சி எண்ணிக்கை	2
நீளமான வீழ்ச்சியின் உயரம்	3.152 m (10.3 அடி)
சராசரி அகலம்	2.3 அடிகள் (0.70 m)
சராசரிப் பாய்ச்சல் வீதம்	1.30 மீ³ (45.91 அடி³) / வினாடி

கமாயா அருவி (Camaya Falls) என்பது பிலிப்பைன்சின் பதான் தீபகற்ப மாகாணத்தின் தென்மேற்குப் பகுதியில் உள்ள மாரிவெல்ஸ் நகரில் கமாயா கடற்கரையில் அமைந்துள்ள மூன்று அருவிகளின் தொகுப்பாகும். இவற்றில் மிகச் சிறிய அருவியானது 10.3 அடி (3.1 மீ) உயரம் உடையதாகும். இந்த அருவி கமாயா கடற்கரையில் காணப்படுகின்ற, இயற்கையான ஈர்ப்பினைக் கொண்ட, எளிதில் அணுகக்கூடிய இடமாகவும் அமைந்துள்ளது. இந்த இடம் தற்போது கடற்கரையோர மகிழ் ஓய்விடமாக ஒரு தனியார் குடியிருப்புச் சமூகத்தால் வளர்ந்து வரக்கூடிய அமைவிடமாகத் திகழ்கிறது.

தாவரங்கள் மற்றும் விலங்கினங்கள்

அருவிகள் அமைந்துள்ள மவுண்ட் மாரிவெலஸ் காட்டில் பல நெடுவாற்கோங்கு மர வகைகள், ஆர்க்கிடுகள்-கொடிகள் மற்றும் சாங் குபாட் உள்ளிட்ட பிற தாவர இனங்கள் உள்ளன. மரத்தின் தண்டுகளில் வளரும் பல்வேறு வகையான பூஞ்சைகள் ஆவணப்படுத்தப்பட்டுள்ளன.

கமாயா அருவி அமைந்துள்ள காட்டை நோக்கிச் செல்வதற்கான குறிப்பலகை

மூன்று அருவிகள் அமைந்துள்ள மவுண்ட் மாரிவெலஸின் சரிவுகளில் பல ஆச்சரியப்படத்தக்க விலங்குகள் வசிக்கின்றன. மிகவும் குறிப்பிடத்தக்கவை பின்வருமாறு ஜப்பானிய சிட்டுக்குருவி, ஆபத்தான பிலிப்பைன் கழுகு (பொதுவாக "குரங்கு உண்ணும் கழுகு" என்று அழைக்கப்படும் பிடெகோபாகா ஜெஃபெரி, பிலிப்பைன் கழுகு ஆந்தை, செம்பழுப்பு இருவாச்சி (புசெரோஸ் ஹைட்ரோகோராக்ஸ்), ஆபத்தான மாபெரும் தங்க-முடிசூட்டப்பட்ட பறக்கும் நரி (ஆசெரோடான் ஜுபடுஸ்) இது பிலிப்பைன்ஸில் மட்டுமே காணப்படுகிறது. பிலிப்பைன்ஸ் மான் (காட்டு ஆடுகள் மற்றும் நண்டு உண்ணும் குரங்குகள் என்று சிலரால் தவறாக அறிவிக்கப்பட்டது) சமீபத்தில் இப்பகுதியில் காணப்பட்டன.