சிங்கராயர் தாவீது: திருத்தங்களுக்கு இடையிலான வேறுபாடு

யாழ்ப்பாணம் [[தும்பளை]]யைப் பிறப்பிடமாகக் கொண்ட தாவீது அடிகள் யாழ்ப்பாணம் [[யாழ் சம்பத்தரிசியார் கல்லூரி|புனித பத்திரிசியார் கல்லூரி]]யில் ஆரம்ப, மற்றும் இடைநிலைக் கல்வியைக் கற்று பின்னர் லண்டன் மெட்ரிக்குலேஷன் சோதனையில் சித்தி அடைந்து அதன் பின் லண்டன் பல்கலைக்கழக இளங்கலைமாணிப் பரீட்சையில் தோற்றி சிறப்புத்தரத்தில் சித்தியடைந்தார்.<ref name="thinakkural">[http://www.thinakkural.com/articles/5511-library.html யாழ்.பொதுநூலகம் தீயில் பொசுங்கிய செய்தி எமனாக வந்து பறித்துச் சென்ற அடிகளாரின் உயிர்]{{Dead link|date=ஜனவரி 2022 |bot=InternetArchiveBot }}, தினக்குரல், சூன் 9, 2011, பார்த்த நாள்: சூன் 11, 2011</ref>.

புனித பேர்னாட் குருத்துவக் கல்லூரியில் சேர்ந்து அங்கு குருத்துவக் கல்வியை முடித்த பின் [[1931]] [[திசம்பர் 19]] இல் [[கொழும்பு]] பேராயரினால் குருவாகத் திருநிலைப்படுத்தப்பட்டு அப்போஸ்தரிக்க பணியாளனாக குருத்துவப் பணியை ஆரம்பித்தார். தன் தந்தையார் படிப்பித்த யாழ்ப்பாணம் புனித பத்திரிசியார் கல்லூரிலேயே [[1936]] தொடக்கம் [[1967]] ஆசிரியராகப் பணியாற்றினார்.<ref name="thinakkural"/>

நல்லூர் [[சுவாமி ஞானப்பிரகாசர்|சுவாமி ஞானப்பிரகாசரின்]] உந்துதலால் [[சமஸ்கிருதம்|சமஸ்கிருத]] மொழியைக் கற்று புலமை அடைந்து அதில் முதுகலைமாணிப் பட்டத்தினை லண்டன் பல்கலைக்கழகத்தில் பெற்றுக் கொண்டார். அதனைத் தொடர்ந்து கீழைத்தேசத்தில் முக்கியமாக வாழும் மொழிகளையும் மேலைத்தேசத்தில் முக்கிய வாழும் மொழிகளையும் கற்கத் தொடங்கினார். அதனைத் தொடர்ந்து [[தமிழ் மொழி]]யை மையமாக வைத்து மற்றைய மொழிகளோடு ஒப்பீடு ஆய்வு செய்து, சுவாமி ஞானப்பிரகாசர் ஆரம்பித்து வைத்த ஒப்பீட்டுச் சொற்பிறப்பியல் அகராதிகளைப் பின்பற்றி தானும் ஒப்பீட்டுச் சொற்பிறப்பியல் அகராதிகளை [[1970]] ஆம் ஆண்டு தொடக்கம் பல பாகங்களாக வெளியிட்டுள்ளார். அவற்றை விடத் தனி நூல்களையும் எழுதி வெளியிட்டுள்ளார். அவற்றுள் ஒன்று "We stand for...' என்பதாகும்.<ref name="thinakkural"/>

ஆசிரியப் பணியில் இருந்து ஓய்வு பெற்றபின் தன் வாழ்க்கையில் இறுதிக் காலத்தில் தான் கற்பித்த பத்திரியார் கல்லூரியிலேயே மேல்மாடியில் ஓர் அறையில் தங்கி இருந்தார். [[1981]] [[மே 31]]-[[சூன் 1]] நள்ளிரவில் [[யாழ்ப்பாணப் பொது நூலகம்]] [[யாழ் பொது நூலகம் எரிப்பு, 1981|எரியூட்டப்பட்ட]] செய்தியைக் கேள்வியுற்ற பின் அடிகளார் உறக்கத்திற்குச் சென்றார். நித்திரைக்குச் சென்ற அவர் அடுத்தநாள் 1981 சூன் 2 விடியற்காலை காலமானார். நூலகம் எரியூட்டப்பட்ட செய்தியைக் கேட்ட அதிர்ச்சியினாலேயே அடிகளார் உயிர் நீத்தார் என்று சுட்டிக்காட்டப்பட்டது.<ref name="thinakkural"/>