ஜாலவராளி

ஜாலவராளி இராகம் கருநாடக இசையின் 39ஆவது மேளகர்த்தா இராகம் ஆகும். அசம்பூர்ண பத்ததியில் 39ஆவது இராகத்திற்கு தாலிவராளி என்ற பெயர் கொடுக்கப்பட்டுள்ளது.

இலக்கணம்

ஜாலவராளி சுரங்கள் C யிலிருந்து தொடக்கம்

ஆரோகணம்:	ஸ ரி1 க1 ம2 ப த1 நி3 ஸ்
அவரோகணம்:	ஸ் நி3 த1 ப ம2 க1 ரி1 ஸ

• ரிஷி என்றழைக்கப்படும் 7ஆவது வட்டத்தில் (சக்கரத்தில்) 3 ஆவது மேளம்.
• இந்த இராகத்தில் ஷட்ஜம், சுத்த ரிஷபம் (ரி₁), சுத்த காந்தாரம்(க₁), பிரதி மத்திமம்(ம₂), பஞ்சமம், சுத்த தைவதம்(த₁), காகலி நிஷாதம் (நி₃) ஆகிய சுரங்கள் வருகின்றன.
• இது ஒரு விவாதி மேளம்.
• இதன் மத்திமத்தை சுத்த மத்திமமாக மாற்றினால் இராகம் கானமூர்த்தி (03) ஆகும்.
• கிரக பேதத்தின் வழியாக எந்த மேளகர்த்தா இராகமும் தோற்றுவிக்காது (மூர்ச்சனாகாரக மேளம் அல்ல).

உருப்படிகள்

வகை	உருப்படி	இயற்றியவர்	தாளம்
கிருதி	அனாத ரக்ஷகா	கோடீஸ்வர ஐயர்	ஆதி
கிருதி	மாதவ தய்ய	மங்களம்பள்ளி பாலமுரளிகிருஷ்ணா	ஆதி