பச்சையம்

பச்சையம் (Chlorophyll - கிரேக்க சொல் மூலம்: chloros = பச்சை, phyllon = இலை) என்பது தாவரங்கள், பாசி வகைகள், சிலவகை பாக்டீரியாக்கள் ஆகியவற்றிலுள்ள ஒரு பச்சை வர்ண ஒளிச்சேர்க்கை நிறமி ஆகும். ஒளிச்சேர்க்கையின் முதல்படியாக பச்சையத்தின்மீது ஒளி விழுகிறது. இதன் மூலம் அது அயனாக்கம் (ionise) ஆகிறது. இதில் விளையும் வேதியியல் ஆற்றலை ஏ.டி.பி மூலக்கூறுகள் (molecules) உள்வாங்கி, பின்னர் அதைப்பயன்படுத்தி கரியமில வாயுவையும் நீரையும் காபோவைதரேட்டு மற்றும் ஒட்சிசனாக வேதிமாற்றம் செய்கின்றன. மின்காந்த அலை நிறமாலையின் (spectrum) சிவப்பு மற்றும் நீல நிறக்கதிர்களை அதிகம் உள்வாங்குவதால் பச்சையம் பச்சை வண்ணம் கொண்டுள்ளது.

படிமம்:Leavessnipedale.jpg பச்சையம் இலைகளுக்குப் பச்சை நிறத்தைக் கொடுப்பதுடன், ஒளித்தொகுப்பில் பயன்படுத்துவதற்கான ஒளியையும் உறிஞ்சுகிறது.

படிமம்:Clorofila 3.jpg தாவர உயிரணுக்களில் உள்ள பச்சையமணிகளில் பச்சையம் உயர் செறிவாகக் காணப்படுகின்றது.

படிமம்:Chlorofilab.png Absorption maxima of chlorophylls against the spectrum of white light.

படிமம்:AYool SEAWIFS annual.png SeaWiFS-derived average sea surface chlorophyll for the period 1998 to 2006.

அணு அமைப்பு

பச்சையம் ஒரு குளோரின் நிறமியாகும். அது ஹீம் போன்ற போர்ஃபிரின் நிறமிகளை ஒத்த அணு அமைப்பைக் கொண்டுள்ளது. குளோரின் வளையத்தின் மத்தியில் ஒரு மெக்னீசியம் அயன் (ion) உள்ளது. பலவகை பக்கச் சங்கிலிகள் இருந்தாலும், பொதுவாக ஒரு நீண்ட ஃபைடில் (phytyl) சங்கிலி இருக்கும். இயற்கையில் இது பல வடிவங்களில் அமைந்துள்ளது:

	பச்சையம் a	பச்சையம் b	பச்சையம் c1	பச்சையம் c2	பச்சையம் d
மூலக்கூறு வேதியியல் வாய்ப்பாடு	C55H72O5N4Mg	C55H70O6N4Mg	C35H30O5N4Mg	C35H28O5N4Mg	C54H70O6N4Mg
C3 குழு	-CH=CH2	-CH=CH2	-CH=CH2	-CH=CH2	-CHO
C7 குழு	-CH3	-CHO	-CH3t	-CH3	-CH3
C8 குழு	-CH2CH3	-CH2CH3	-CH2CH3	-CH=CH2	-CH2CH3
C17 குழு	-CH2CH2COO-Phytyl	-CH2CH2COO-Phytyl	-CH=CHCOOH	-CH=CHCOOH	-CH2CH2COO-Phytyl
C17-C18 பிணைப்பு	ஒற்றை	ஒற்றை	இரட்டை	இரட்டை	ஒற்றை
காணப்படுவது	எங்கும்	பொதுவாக நிலச் செடிகளில் மட்டும்	பல்வேறு பாசிகளில்	பல்வேறு பாசிகளில்	சில சிவப்புப் பாசிகளில்

படிமம்:Chlorophyll structure.png பச்சையம் a, b மற்றும் d ன் பொது வரைபடம்

படிமம்:Chlorophyll c.png பச்சையம் c1 மற்றும் c2 ன் பொது வரைபடம்

இன்றியமையாமை

பச்சையும் வெண்மையும் கொண்ட இலை ஒன்றிலிருந்து மாவுச் சத்தை நீக்கிவிட்டு அந்த இலையை சிறிது நேரம் வெயிலில் வைத்திருக்க வேண்டும். அதன்பின் அயோடின் கரைசல் கொண்டு ஆய்வு செய்தால் மாவுச் சத்து பச்சையான இடங்களில் மட்டுமே இருப்பதைக் காணலாம். இதன்மூலம் ஒளிச்சேர்க்கைக்கு பச்சையம் இன்றியமையாதது என அறியலாம்.

இவற்றையும் பார்க்கவும்

• பசுங்கனிகம்