பரட்டென்பு
பரட்டென்பு (talus, astragalus அல்லது ankle bone) கணுக்காலில் உள்ள சிறிய எலும்புகளில் ஒன்றாகும்.[1] உடலின் எடை கால்கள் வழியே இந்த எலும்பின் மூலம் பாதத்திற்கு எடுத்துச் செல்லப்பபடுகிறது. இப்பரட்டென்பிற்கு தலை, கழுத்து, உடல் என முப்பகுதிகள் உண்டு. தலைப்பகுதி உள்ளும் கீழும் இருப்பதால் எப்பக்கத்தை சார்நதது என அறிய உதவுகிறது. இந்த எலும்பில் எந்தவித தசையும் இணைக்கப்படாதது, இதன் தனி தன்மையாகும்.[2]
| பரட்டென்பு Talus bone | |
|---|---|
 வலது பாதத்தின் உடற்கூறியல் | |
 பக்கவாட்டு மற்றும் முன்பக்கத்திற்கு இடையே ஒரு கோணத்தில் பார்க்கப்படுகிறது | |
| விளக்கங்கள் | |
| அடையாளங்காட்டிகள் | |
| இலத்தீன் | Os talus, Astragalus |
பரட்டென்பு தலையின் முன்பகுதி நேவிகுலர் எலும்புடனும், பாதப்பகுதி மூன்றாகப் பிரிக்கப்பட்டு குதிகால் எலும்புடனும் மூட்டு உண்டாக்கும். கழுத்தில் பல்வேறு இணையங்களும் மூட்டு உறைகளும் இணைக்கப்பட்டுள்ளன. இதன் உடல் 6 பகுதிகளைக் கொண்டது. மேற்பகுதி நளக எலும்புடனும், வெளிப்பகுதி சரவென்பின் கீழ்வெளி முளியுடனும், உட்பகுதி நளக எலும்பின் கீழ் உட்முளியுடன் பின்பகுதியில் பின், பரட்டென்பு மற்றும் சரவென்பு இணைக்கும் இணையங்களுடனும் இணைக்கப்பட்டிருக்கும். கீழே உள்ள பாதப்பகுதி குதிகால் எலும்புடனும், முற்பகுதி கழுத்துடனும் இணைக்கப்பட்டிருக்கும்.
மேற்கோள்கள்
- ↑ "tālus".. (1879). ஒக்ஸ்போர்ட் பல்கலைக்கழகப் பதிப்பகம்.
- ↑ Platzer (2004), p 216
உசாத்துணைகள்
- பொது உரிமைப் பரப்பில் இருக்கும் ஹென்றி கிரேயின் மனித உடற்கூற்றியல் (20-ம் பதிப்பு, 1918) நூல்.
- Platzer, Werner (2004). Color Atlas of Human Anatomy, Vol. 1: Locomotor System (5th ed.). Thieme. ISBN 3-13-533305-1.
- Thieme Atlas of Anatomy: General Anatomy and Musculoskeletal System. Thieme. 2006. ISBN 1-58890-419-9.
வெளி இணைப்புகள்
