பிட்டு

2024-12-24T20:10:42Z

2401:4900:1CE0:521E:49DD:B039:99AD:B2CC:

{{about|உணவு|இருமி பற்றிய கட்டுரைக்கு|பிட்}}
{{Infobox prepared food
| name = பிட்டு
| image = [[File:Puttu.jpg|250px]]
| caption = குழாய்புட்டு. பிட்டுக் குழலில் இட்டு அவிக்கப்படுவது
| alternate_name = புட்டு
| country = [[இந்தியா]]
| region = இந்தியா ([[கேரளம்]], [[இலட்சத்தீவுகள்]], [[புதுச்சேரி]], [[தமிழ்நாடு]]), <br>[[இலங்கை]]
| creator = [[கேரளம்]]
| course =
| served =
| main_ingredient = [[அரிசி மா]], [[தேங்காய்]],[[உப்பு ]]
| variations = [[இலங்கைப்பிட்டு ]]
| calories =
| other =
}}

[[படிமம்:Pittu-ta.jpg|300px|thumb|right|பிட்டுக் குழலில் பிட்டு அவித்தல்]]

'''பிட்டு''' அல்லது '''புட்டு''' என்பது ஒருவகை உணவுப் பண்டம். இதை [[அரிசி]] மாவு, [[தேங்காய்|தேங்காய்த்]] துருவல் கொண்டு செய்கின்றனர். அரிசி மாவைக் கொதித்த நீரில் குழைத்துப் பின்னர் சிறு சிறு துண்டுகளாக ஆக்கிய பின்னர் அதனுடன் தேங்காய்த் துருவலையும் சேர்த்து நீராவியில் இட்டுப் பிட்டு அவிக்கின்றனர். அரிசி மாவு தவிர, சிறு தானிய வகைகளில் ஒன்றான [[குரக்கன்]] மாவும் பிட்டு சமைப்பதற்குப் பயன்படுகின்றது. ஒடியல் பிட்டு என்னும் ஒருவகைப் பிட்டு, [[பனங்கிழங்கு|பனங்கிழங்கைக்]] காயவிட்டுப் பெறப்படும் [[ஒடியல்|ஒடியலின்]] மாவினால் செய்யப்படுகின்றது. தற்காலத்தில் பிட்டு மென்மையாக இருப்பதற்காக அரிசி மாவுடன் [[கோதுமை]] மாவையும் கலந்து பிட்டு அவிக்கும் வழக்கம் உண்டு. தமிழ் நாட்டில் கூடுதலாக பிட்டு சமைப்பதில்லை என்றாலும், [[இலங்கை]]யிலும், [[கேரளம்|கேரளாவிலும்]] இதைச் சமைத்து மிகவும் விரும்பி உண்கின்றனர். [[இலங்கைத் தமிழர்|இலங்கைத் தமிழர்கள்]], பெரும்பாலும் யாழ்ப்பாணத்தில் காலை, [[இரவு]] உணவுகளுக்கு விரும்பி உண்ணும் உணவுகளில் பிட்டும் ஒன்றாகும். தமிழ்நாட்டுத் தமிழர்களுக்குத் [[தோசை|தோசையும்]], [[இட்லி|இட்டிலியும்]] போல, இலங்கைத் தமிழர்களுக்குப் பிட்டும், [[இடியப்பம்|இடியப்பமும்]] அதிகம் உண்ணப்படும் உணவுப் பண்டங்களாக உள்ளன. தென்கிழக்காசிய நாடுகளிலும் ''புட்டு'' உணவு காணக் கிடைக்கிறது. [[இந்தோனேசியா]]வில் இதனைப் '''புத்து''' என்கின்றனர்.

==அவித்தல் முறை==
மரபு வழியாகப் பிட்டு அவிப்பதற்கு இரண்டு முறைகள் உள்ளன. ஒரு முறையில் பிட்டுக் கலவையைப் பனையோலையினால் செய்யப்பட்ட கூம்பு வடிவான [[நீற்றுப் பெட்டி]]யில் இட்டு அவிக்கின்றனர். மற்ற முறையில் பிட்டு அவிப்பதற்கு [[மூங்கில்|மூங்கிலால்]] செய்யப்படும் பிட்டுக் குழல்கள் பயன்படுகின்றன. இம் முறையில் அவிக்கப்படும் பிட்டு "குழற்பிட்டு" எனப்படுகின்றது. குழற்பிட்டுச் செய்யும்போது மாவுத் துண்டுகளும் தேங்காய்த் துருவலும் ஒன்றாகக் கலக்கப்படுவது இல்லை. முதலில் சிறிதளவு தேங்காய்த் துருவலைக் குழலில் இட்டுப் பின்னர் அதன்மேல் ஏறத்தாழ 2 தொடக்கம் 3 அங்குல அளவுக்கு மாவுத் துண்டுகளை இடுவர். இவ்வாறு மாறிமாறிக் குழல் நீளத்துக்கு நிரப்பி அவிப்பது வழக்கம். இவ்வகைப் பிட்டு ஏறத்தாழ 2 அங்குல [[விட்டம்]] கொண்ட சிறிய உருளை வடிவத் துண்டுகளாக அமையும். தற்காலத்தில், பிட்டுக் கலவையை [[பருத்தி]]த் துணியில் இட்டு இட்டிலிச் சட்டியிலோ, அவிக்கும் பாத்திரத்திலோ இட்டும் அவிக்கும் வழக்கம் உள்ளது.<ref name="செய்முறை">{{cite web | url=http://tamil.webdunia.com/article/indian-food-recipes/%E0%AE%95%E0%AF%81%E0%AE%B4%E0%AE%BE%E0%AE%AF%E0%AF%8D-%E0%AE%AA%E0%AF%81%E0%AE%9F%E0%AF%8D%E0%AE%9F%E0%AF%81-108071900020_1.htm | title=செய்முறை | accessdate=ஆகத்து 22, 2015}}</ref>
[[படிமம்:Neettuppeddi.jpg|300px|thumb|right|பிட்டு அவிக்கப் பயன்படும், பனையோலையால் செய்யப்பட்ட ஒரு வகை நீற்றுப்பெட்டி]]

== பிட்டு வகைகள் ==
=== செய்முறை வாரியாக ===
* குழற்பிட்டு ([[மூங்கில்]]புட்டு )
* நீத்துப்பெட்டிப் புட்டு
* பிடிப் புட்டு
* புட்டுக் கலவை

=== இடுபொருள் வாரியாக ===
* அரசிமாப் புட்டு
* [[குரக்கன்]] புட்டு
* வெள்ளைப் பிட்டு (வெள்ளை மா)
* கீரைப் பிட்டு
* வெங்காயப் புட்டு
* பிட்டுக் கலவை (மரக்கறி, மாமிசம்)
* அலுவாப்பிட்டு
* ஆலங்காய்ப்பிட்டு
* சீனிப்பிட்டு
* மணிப்பிட்டு
* பாற்பிட்டு
* [[ஒடியற்பிட்டு]]
* ஆட்டாமாப் புட்டு
* சுறாப் புட்டு

== ஊட்டச்சத்து ==
இடுபொருட்களைப் பொறுத்து புட்டின் ஊட்டச்சத்து வேறுபடுகிறது. ஒப்பீட்டளவில் குரக்கன், ஒடியல் மா புட்டுக்கள் வெள்ளைப் புட்டை விட ஊட்டச்சத்து மிக்கவை. பொதுவாக எல்லா வகைப் புட்டுக்களும் புட்டு மாசத்து நிறைந்த உணவு ஆகும். எனவே நிறைய ஆற்றலை வழங்கக் கூடியவை.

==இவற்றையும் பார்க்கவும்==
* [[தமிழர் சமையல்]]

==சான்றுகள்==
{{reflist}}
*[https://www.keralatourism.org/tamil/kerala-food/kerala-food.php?id=125 புட்டு மற்றும் கடலை கறி], கேரள சுற்றுலாத்துறை இணையப் பக்கம்
*[http://www.dinakaran.com/Cooking_Detail.asp?Nid=1438&Cat=502 கோதுமை ரவை புட்டு] {{Webarchive|url=https://web.archive.org/web/20150920214222/http://www.dinakaran.com/Cooking_Detail.asp?Nid=1438&Cat=502 |date=2015-09-20 }}, நாளிதழ்:தினகரன், நாள்: திசம்பர் 26, 2012.

{{இந்திய உணவு வகைகள் பிராந்திய வாரியாக}}
[[பகுப்பு:உணவு வகைகள்]]
[[பகுப்பு:பிட்டு]]
[[பகுப்பு:கேரள சமையல்]]
[[பகுப்பு:தமிழர் சமையல்]]

தமிழர்விக்கி - பயனர் பங்களிப்புக்கள் [ta]

பிட்டு