பொரி

2024-12-13T19:08:49Z

2401:4900:1CE1:A741:49DD:B039:99AD:B2CC:

[[File:Puffed Rice BNC.jpg|thumb|250px|Puffed Rice]]
'''பொரி''' என்பது [[நெல்]]லிலிருந்து தயாரிக்கப்படும் ஒரு உணவு திண்பண்டமாகும். இதை சாதாரணமாக ''வெள்ளை பொறி'' என்றும் அழைக்கப்படுகிறது. மேலும் [[இந்தியா]] மற்றும் [[தமிழகம்|தமிழக]]த்தில் பண்டிகைகளிலும், விழாக்களிலும், சிற்றுண்டியாகவும் பயன்படுத்தப்படுகிறது. [[அருணகிரிநாதர்|அருணகிரிநாதரின்]] [[திருப்புகழ்|திருப்புகழில்]] [[விநாயகர்]] பூசையில் பொரி பயன்படுத்தியதாக குறிப்புகள் உள்ளன. மேலும் இதை [[வங்காள மொழி]]யில் முரி, [[கன்னடம்|கன்னடத்தில்]] கள்ளெ புரி, [[தெலுங்கு|தெலுங்கில்]] மரமரலு, [[மராத்தி]]யில் சிர்முரே என இந்தியாவெங்கும் பல பெயர்களில் இப்பொருள் அழைக்கப்படுகிறது.<ref name="Juliano">{{cite book |last1=Juliano |first1=Bienvenido O. |title=Rice in human nutrition |date=1993 |publisher=International Rice Research Institute, FAO |url=http://www.fao.org/3/t0567e/T0567E0k.htm#Expanded%20(puffed,%20popped)%20rice%20products}}</ref><ref>{{cite web |title=Bào Chǎo Mǐ Huā – Puffed Rice – 爆炒米花 |url=https://sh-streetfood.org/bao-chao-mi-hua-puffed-rice-%E7%88%86%E7%82%92%E7%B1%B3%E8%8A%B1/ |website=Movable Feasts |access-date=14 November 2020}}</ref><ref name="Edo Okoshi">{{cite web |title=Okoshi, Osaka's confectionary|url= http://kansai-odyssey.com/okoshi-osaka/ |website=Kansai Odyssey |date= 2 May 2018 |access-date=24 May 2021}}</ref>

==பயன்பாடு==
[[File:Masala Puffed rice.jpg|right|thumb|250px| மசாலா கலந்த கார பொரி]]
பொரி தமிழகத்தில் பண்டிகைக் காலங்களில் கடவுளுக்குப் படைக்கப்படுகிறது மேலும் [[பொரி உருண்டை]] போன்ற பலவித திண்பண்டப் பொருட்களின் தயாரிக்கவும் பயன்படுகிறது. [[கேரளம்]] மற்றும் [[தமிழ்நாடு]] ஆகிய பகுதிகளில் பிரசாதமாகவும் சில கோயில்களில் வழங்கப்படுகிறது. [[சபரிமலை]]க்கு இருமுடி கட்டிக்கொண்டு செல்லும் பக்தர்கள் சர்க்கரையுடன் பொரியும் சேர்த்து எடுத்துச் செல்கிறார்கள்.

உலகெங்கிலும் சிற்றுண்டிகளில் பொரி கலந்து உண்கிறார்கள். வட இந்தியாவில், பேல் பூரி, சாட் போன்ற கலவை உணவு வகைகளில் பொரி முக்கிய பதார்த்தமாகப் பயன்படுகிறது.
[[File:Mudhi.jpg|thumb|பரிபடா என்ற தின்பண்டத்தில்.]]

==தயாரிப்பு முறை==
செடியிலேயே நன்கு முற்றிய நெற்கதிர்களை நீரில் சில நிமிடங்கள் ஊறவைக்கப்படுகிறது. பிறகு நீரிலிருந்து எடுத்து 8-10 மணி நேரம் உலரவைக்கப்படுகிறது. அதன் பின்னர் 190-210°செ வெப்ப நிலையில் 40-45 நிமிடங்கள் சூடான மணலுடன் சீராக வறுக்கப்படுகிறது. நெல்லின் உள்ளே அடர்ந்த மாவுப்பொருள் உள்ளது. நீரின் [[கொதிநிலை]]க்கு மேலான வெப்பத்துக்கு சுடும்போது நெல்லின் உறுதியான புறப்பொருளுக்கு உள்ளே[[அழுத்தம்|உயர் அழுத்த]] [[நீராவி]] உருவாகிறது. கூடவே மாவுப்பொருளின் [[மூலக்கூறு|மூலக்கூறுகளும்]] உடைந்து நீரோடு வேதி இயக்கத்தில் உருகுகிறது. இந்நிலையில் நெல் மணி வெடிக்கிறது. அப்போது உள்ளிருக்கும் மாவுப்பொருளும் [[புரதம்|புரதப்பொருளும்]] [[காற்று]] நிறைந்த நுரைக்[[கூழ்மம்|கூழ்மமாகி]] வெளிவருகிறது. வெளிவந்த கூழ்மம் அடுத்த விநாடி குளிர்ந்து திடமாகி மொறுமொறுப்பான வெண்மையான பொரியாக மாறுகிறது. பின்னர் சலித்து மணலையும் உமியையும் நீக்கி பயன்பாட்டுக்கு வருகிறது. நவீன முறைகளில், மின்சமையற்கலங்களிலும் பொரிக்கப்படுகிறது.

==மேற்கோள்கள்==
{{reflist}}

[[பகுப்பு:உணவுகள்]]

தமிழர்விக்கி - பயனர் பங்களிப்புக்கள் [ta]

பொரி