தமிழர்விக்கி - பயனர் பங்களிப்புக்கள் [ta]

சீறாப் புராணம்

2024-11-06T12:12:34Z

42.104.129.234: ஆதாரம் இல்லாத கட்டுரை எழுத்துக்கள்

தமிழில் எழுதப்பட்ட தலைச்சிறந்த [[இசுலாமிய தமிழ் இலக்கியம்|இசுலாமிய இலக்கியம்]] '''சீறாப் புராணம்''' ஆகும். இந்நூல் இறைதூதர் [[நபி]]கள் நாயகத்தின் வாழ்க்கை வரலாற்றை மையமாகக் கொண்டு தமிழ்மரபுகளைப் பின்பற்றி எழுதப்பட்ட ஒரு காவியம். இதனை இயற்றியவர் 17-ஆம் நூற்றாண்டில் வாழ்ந்த [[உமறுப் புலவர்]] ஆவார்.

இதன் ஆசிரியரான உமறுப்புலவர், இந்நூலை முழுவதும் முடிப்பதற்கு முன்பே இயற்கை எய்திய காரணத்தால், இதன் தொடர்ச்சியாக '''சின்னசீறா''' என்னும் நூலினை '''பனு அகமது''' படைத்துள்ளார்.

==சீறாப்புராண அமைப்பு==
இரண்டு பாகங்களில் அமைந்துள்ளது. முதற்பாகத்தில் 45 படலங்களும், இரண்டாவது பாகத்தில் 47 படலங்களும் என நூல் முழுவதும் 92 (45+47) படலங்கள் இடம்பெற்றுள்ளன. இந்நூலில் 5027 பாடல்கள் அமைந்துள்ளன.
===முதற்பாகம்===
முதற்பாகமானது இரண்டு காண்டங்களாக அமைந்துள்ளது. இப்பாகத்தில் மொத்தம் 45 படலங்கள் உள்ளன. அவை கீழ்க்கண்டவாறு பிரிந்துள்ளன.
====1.விலாதத்துக் காண்டம் (பிறப்பியல் காண்டம்)====
முதலாவதாக அமைந்துள்ள இதில், மொத்தம் 24 படலங்கள் உள்ளன....................
#கடவுள் வாழ்த்துப் படலம்
#நாட்டுப் படலம்
#தலைமுறைப் படலம்
#நபியவதாரப் படலம்
#அலிமா முலையூட்டுப் படலம்
#இலாஞ்சனை தரித்த படலம்
#புனல் விளையாட்டுப் படலம்
#புகைறா கண்ட படலம்
#பாதை போந்த படலம்
#சுரத்திற் புனலழைத்த படலம்
#பாந்தள்வதைப் படலம்
#நதிகடந்த படலம்
#புலிவசனித்த படலம்
#பாந்தள் வசனித்த படலம்
#இசுறாகாண் படலம்
#கள்வரை நதிமறித்த படலம்
#சாமு நகர் புக்க படலம்
#கரம் பொருத்து படலம்
#ஊசாவைக் கண்ட படலம்
#கதீசா கனவு கண்ட படலம்
#மணம் பொருத்து படலம்
#மணம்புரி படலம்
#கஃபத்துல்லா வரலாற்றுப் படலம்

====2.நுபுவ்வத்துக் காண்டம் (செம்பொருள் காண்டம்) ====
இரண்டாவதாக அமைந்துள்ள இதில், மொத்தம் 21 படலங்கள் உள்ளன.

நபிப்பட்டம் பெற்ற படலம்

#தொழுகை வந்த வரலாற்றுப் படலம்
#தீனிலைக்கண்ட படலம்
#உமறுகத்தாபீமான் கொண்ட படலம்
#உடும்பு பேசிய படலம்
#உத்துபா வந்த படலம்
#அபீபு மக்கத்துக்கு வந்த படலம்
#மதியையழைப்பித்த படலம்
#தசைக் கட்டியைப் பெண்ணுருவமைத்த படலம்
#அபீபு ராஜா வரிசை வரவிடுத்த படலம்
#ஈமான் கொண்டவர்கள் அபாசா ராச்சியத்துக்குப் போந்த படலம்
#மானுக்குப் பிணை நின்ற படலம்
#ஈத்தங்குலை வரவழைத்த படலம்
#ஒப்பெழுதித் தீர்ந்த படலம்
#புத்து பேசிய படலம்
#பிராட்டியார் பொன்னுலகு புக்க படலம்
#பருப்பதராசனைக் கண்ணுற்ற படலம்
#அத்தாசீமான் கொண்ட படலம்
#சின்களீமான் கொண்ட படலம்
#காம்மாப் படலம்
#விருந்தூட்டுப் படலம்

===இரண்டாம் பாகம் ===
இப்பாகத்தில் இறுதிக்காண்டமான, இசிறத்துக்காண்டம்('''ஹிஜிறத்துக் காண்டம்'''-செலவியல் காண்டம் <small>)</small> அமைந்துள்ளது. இக்காண்டம், மொத்தம் 47 படலங்களைப் பெற்றுள்ளது.அவை வருமாறு;-
#ஈமான் கொண்ட படலம்
#மதீனத்தார் வாய்மை கொடுத்த படலம்
#யாத்திரைப் படலம்
#விடமீட்ட படலம்
#சுறாக்கத்துத் தொடர்ந்த படலம்
#உம்மி மகுபதுப் படலம்
#மதீனம்புக்க படலம்
#கபுகாபுப் படலம்
#விருந்திட்டீமான் கொள்வித்த படலம்
#உகுபான் படலம்
#சல்மான் பாரிசுப் படலம்
#ககுபத்துல்லாவை நோக்கித் தொழுத படலம்
#ஓநாய் பேசிய படலம்
#வத்தான் படைப் படலம்
#பாத்திமா திருமணப் படலம்
#சீபுல் பகுறுப் படலம்
#புவாத்துப் படலம்
#அசீறாப் படலம்
#பத்னுன்ன குலாப் படலம்
#பத்றுப் படலம்
#சவீக்குப் படலம்
#குதிரிப் படலம்
#தீயம்றுப் படலம்
#அபிறாபிகு வதைப் படலம்
#அசனார் பிறந்த படலம்
#அபூத்தல்ஹா விருந்துப் படலம்
#உகுதுப் படலம்
#அமுறாப் படலம்
#ககுபு வதைப் படலம்
#சுகுறாப் படலம்
#பதுறு சுகுறாப் படலம்
#உசைனார் பிறந்த படலம்
#தாத்துற் றஹ்ஹாக்குப் படலம்
#சாபிர் கடன் றீர்த்த படலம்
#முறைசீக்குப் படலம்
#கந்தக்குப் படலம்
#உயை வந்த படலம்
#பனீ குறைலா வதைப் படலம்
#லுமாமீமான் கொண்ட படலம்
#செயினபு நாச்சியார் கலியாணப் படலம்
#ஒட்டகை பேசிய படலம்
#மழையழைப்பித்த படலம்
#அந்தகன் படலம்
#கவுலத்தை விட்டுக் கூட்டின படலம்
#உமுறாவுக்கு போன படலம்
#சல்மா பொருத படலம்
#உறனிக் கூட்டத்தார் படலம்

==ஆதாரம்==
*சீறாப்புராணம் (மூலமும் பொழிப்புரையும்), உரையாசிரியர்:மகாமதி சதாவதானி [[செய்குத்தம்பி பாவலர்|செய்குத் தம்பிப் பாவலர்]]
*[https://www.tamilvu.org/ta/library-l4410-html-l4410con-141975/ சீறாப்புராணம் ]

{{தமிழ்க் காப்பியங்கள்}}

[[பகுப்பு:இசுலாமியத் தமிழ்க் காப்பியங்கள்]]
[[பகுப்பு:17 ஆம் நூற்றாண்டுத் தமிழ் நூல்கள்]]

சீதக்காதி

2024-11-06T12:09:29Z

42.104.129.234: ஆதாரம் இல்லாத கட்டுரைகள் எழுத்துக்கள்

'''சீதக்காதி''' பதினேழாம் நூற்றாண்டில் தென் [[தமிழ்நாடு|தமிழ்நாட்டில்]] வாழ்ந்த புகழ் பெற்ற [[வள்ளல்]] ஆவார். இவர் பெயர் 'ஷெய்க் அப்துல் காதர்' என்றும் அழைக்கப்பெறும்.

== வரலாறு ==
இவரின் தந்தையார் 'மவ்லா சாகிப்' என்ற 'பெரியதம்பி மரக்காயர்' ஆவார். தாயார் 'முஹம்மது பாத்திமா நாய்ச்சியார்'. இத்தம்பதியருக்கு மூன்று [[பிள்ளை]]கள். சீதக்காதி இரண்டாவது பிள்ளை, அதாவது நடுவிலவர். இவரின் முன்பிறந்தவர் பட்டத்து மரக்காயர் என்ற 'முகம்மது அப்துல் காதிறு'; இவரின் தம்பியார் 'ஷைகு இப்றாகீம் மரக்காயர்' ஆவார். சீதக்காதியின் முன்னோர்கள் மரக்கல ஆயர் மரபில் வந்தவர்கள், அதாவது [[கப்பல்|கப்பலில்]] வெளிநாடு சென்று கடல் வாணிகம் செய்தவர்கள்; சீதக்காதியின் தாயைப் பெற்ற பாட்டனார் 'வாவலி மரக்காயர்' ஆவார். இவர் இறந்த நாள் கி.பி.1614ஆம் ஆண்டு நவம்பர் 25ஆம் நாள் ஆகும்.இதனைக் கீழக்கரையில் உள்ள வாவலிமரக்காயரின் கல்லறையில் எழுதியுள்ள குறிப்பிலிருந்து அறியலாம்; அதில் கொல்லம் 790 ஆம்ஆண்டு ஆனந்தவருடம் கார்த்திகைமாதம் 26 ஆம்தேதி வெள்ளிக்கிழமை எனக் குறிப்பிடப்பட்டுள்ளது.

== ஊர் ==
இவர் பிறந்து வளர்ந்த ஊர் பற்றிய பல்வேறு கருத்துக்கள் நிலவுகின்றன. அவர் பிறந்து, வளர்ந்து, வாழ்ந்தது [[கீழக்கரை]] என்றும், [[காயல்பட்டினம்]] என்றும் இருவேறு கருத்துக்கள் பேசப்படுகின்றன. காயல் என்ற பெயரில் [[பழையகாயல் ஊராட்சி|பழையகாயல்]], [[புன்னக்காயல் ஊராட்சி|புன்னைக்காயல்]], [[கீழக்கரை]], [[காயல்பட்டினம்]] என்ற நான்கு ஊர்கள் உண்டு. அவற்றுள் [[கீழக்கரை]] என்பதே சீதக்காதியின் ஊர் என்பர் ஆய்வாளர்<ref>முகம்மது ஹுசைன் நயினார்,'''சீதக்காதி வரலாறு''', மதராஸ்:சுல்தானா அப்துல்லாஹ் வெளியீடு,1953.</ref> [[கீழக்கரை|கீழக்கரைக்குத்]] தென்காயல் என்றும் வேறு ஒரு பெயர் உண்டு.அந்த நகருக்குப் பௌத்திரமாணிக்கம், அனுத்தொகைமங்கலம், செம்பிநாடு, நினைத்தது முடித்தான் பட்டினம், வகுதை, வச்சிரநாடு முதலிய பெயர்களும் உண்டு என்பர் ஆய்வாளர்.

== காலம் ==
இவர் வாழ்ந்த காலம் பதினேழாம் நூற்றாண்டின் பிற்பகுதி; தோராயமாகக் கி.பி.1650-1720 என்பர்.
சீதக்காதி ஒரு [[தமிழர்]]. [[இசுலாம்]] சமயத்தவர்; புகழ்பெற்ற வள்ளல். இந்து-முசுலீம் என்று வேற்றுமை பாராட்டாது அனைவரையும் சமமாகக் கருதி ஆதரித்தவர்; தமிழ்ப் புலவர்களை ஆதரித்துப் போற்றிய பெருமகனார்.
சீதக்காதி வாழ்ந்த காலத்தில் வாழ்ந்த இசுலாமியப் பெரியார் 'சதக்கத்துல்லா வலி' ஆவார்; இவர் இசுலாமியப் பேரறிஞர்; மார்க்கக் கல்வியைப் பரவச் செய்தவர். இவர் சீதக்காதியின் நண்பரும் குருவும் ஆவார்.
[[இராமநாதபுரம்|இராமநாதபுரத்தை]] ஆண்ட [[இரகுநாத கிழவன்|கிழவன்சேதுபதி]] இவரின் நெருங்கிய நண்பர். கிழவன் சேதுபதிக்குச் சீதக்காதி மதியுரை அமைச்சர் போன்று விளங்கினார். கிழவன் சேதுபதி அவர்களின் இயற்பெயர் 'விசய இரகுநாதத் தேவர்' என்பதாகும்; இவர் 1692 ஆம் ஆண்டில் [[மதுரை|மதுரையின்]] கீழ் உள்ள தொடர்பை அறுத்துக்கொண்டு தனியாட்சி நடத்தத் தொடங்கினார். அப்பொழுது பாதுகாப்பிற்காக [[இராமநாதபுரம்|இராமநாதபுரக்]] கோட்டையும் அரண்மனையும் புதிதாக விரிவாக்கிப் பெரும் பாதுகாப்புடன் கட்டப்பட்டன. அதற்குப் பொன்னும், பொருளும் கொடுத்து உதவியவர் சீதக்காதி என்பர் <ref>ஆய்வறிஞர்(2.மு.உ.நயினார்,1953.)</ref>

கிழவன் சேதுபதி, சீதக்காதியை உரிமை பாராட்டி அவருக்கு 'விசயரகுநாதப் பெரியதம்பி' எனத் தன்பெயரைச் சூட்டி மகிழ்ந்தார்.

== செய்தக்காதி(சீதக்காதி)நொண்டிநாடகத்தில் ==
இந்நிலம்புகழ்ப்ர தாபன் விசய/
இரகுநாத பெரிய தம்பி மகீபன்,
கன்னாவு தாரனையன் புகழ்பாடி நொண்டி/
களரிக்கு ளாடக்கங் கணங்கட்டி னானே.(1)

-எனச் சீதக்காதி, 'விசயஇரகுநாத பெரியதம்பி' எனப் புகழப்படுவதைக் காணலாம்.

அக்காலத்தே [[டில்லி]]யை ஆண்ட முகலாயப்பேரரசர் [[அவுரங்கசீப்]] சீதக்காதியின்பால் பெருமதிப்புக் கொண்டவர்.

== செல்வவளம் ==
இவர் பரம்பரையாகப் பெரும் செல்வமிக்க வணிகக்குடும்பத்தில் தோன்றியவர்; அன்றியும் இவரே கப்பல் வணிகம் செய்து பெரும்பொருளீட்டினார்.அக்காலத்தில் இங்கு வணிகம் செய்யவந்த ஆங்கிலக் கம்பெனி யாருக்குச் சீதக்காதியார் எழுதிய கடிதக்குறிப்புக்கள் உண்டு. அதில் "கும்பெனியாருக்கு எவ்வளவு மிளகு தேவையாயிருந்தாலும்தம்மால் அனுப்பமுடியும்" என்று அவர் எழுதிய கடிதக்குறிப்புஉண்டு.எனவே,அக்கால மிளகுவணிகம் முழுவதும் இவர்மூலமாகவே நடந்து வந்தது என்பர் ஆய்வறிஞர்.எனவே வணிகத்தின் மூலம் வானளாவிய செல்வத்தை ஈட்டினார்.ஈட்டிய செல்வத்தினை அனைவருக்கும் வழங்கிச் "செல்வத்துப் பயனே ஈதல்" என்ற கொள்கைக்கு ஓர் எடுத்துக்காட்டாய்த் திகழ்ந்தார்.

== இலக்கியங்கள் ==
பெரும்கொடைவள்ளலான இவர்மீது பல சிற்றிலக்கியங்களும், தனிப்பாடல்களும் எழுந்துள்ளன. அவை:

*1.செய்தக்காதி நொண்டிநாடகம்.
*2.செய்தக்காதி மரக்காயர் திருமணவாழ்த்து- ஆசிரியர் உமறு கத்தாப் புலவர்.
*3.சீதக்காதி பேரில் தனிப்பாடல்கள்.(படிக்காசுப்புலவர், நமச்சிவாயப்புலவர், தாசி முதலியோர் பாடியவை).

== வள்ளல்தன்மை ==
நபிகள்நாயக மான்மியத்தைச் '[[சீறாப் புராணம்|சீறாப்புராணம்]]' மூலமாக, உலகிற்குப் பரப்பப் பொருள்வளம் மிக்க சீதக்காதி பெரிதும் உதவினார். ஆனால் சீறாப்புராணத்தில் இவர் பற்றிக் குறிப்பிடப்படவில்லை. அபுல்காசிம் என்பவர் பற்றிய குறிப்புண்டு; மார்க்கப் பேரறிஞர் சதக்கத்துல்லா வலி பற்றிய குறிப்புண்டு; வள்ளல் சீதக்காதியை ஏன் அவர் சுட்டவில்லை என்பது குறித்துத் தமிழ் இலக்கிய உலகில் பல்வேறு விவாதங்கள் எழுந்ததுண்டு.
'செத்துங் கொடுத்தான் சீதக்காதி` என்று இன்றும் தமிழ் உலகில் வழங்கிவரும் முதுமொழி ஒன்றே அவரின் வள்ளன்மையை உலகுக்குப் பறைசாற்றும். இவரின் சிறப்பே, வறுமையில் வாடுவோர், செல்வர், புலவர்கள்,பாமரர் போன்ற அனைவருக்கும் -சாதி,மதம், இனம் பாராது வந்தோர்க்கெல்லாம்- இல்லையென்னாமல் வாரிவாரி வழங்கியமையே.
== பஞ்சகாலத்தில் ==
அவர் காலத்தில் மிகப்பெரும் பஞ்சமொன்று வந்தது. அதில் ஏராளமானோர் உண்ண உணவின்றி மடிந்தனர். விலைவாசி உச்சக்கட்டத்தினை அடைந்தது. அத்தகைய பஞ்ச காலத்தில் ஏழை எளியோருக்கு எவ்விதத் தடையும் இல்லாமல் உணவு வழங்கி உதவினார் சீதக்காதி. இதனை,

ஓர்தட்டிலே பொன்னும் ஓர்தட்டிலே நெல்லும் ஒக்கவிற்கும்

கார்தட்டிய பஞ்ச காலத்திலே தங்கள் காரியப்பேர்

ஆர்தட்டினும் தட்டு வராமலே அன்ன தானத்துக்கு

மார்தட்டிய துரை மால் சீதக்காதி வரோதயனே

-என்ற படிக்காசுப்புலவரின் பாடல் நமக்குப் படம் பிடித்துக் காட்டுகின்றது. சீதக்காதி இறந்தபின் [[படிக்காசுப்புலவர்]] பாடிய பாடல் படிப்போர் உள்ளத்தினை உருக்குவதாம்.

இவரின் மகள்வழிச் சந்ததியார் இன்னும் தமிழகத்தில் [[கீழக்கரை|கீழக்கரையில்]] வாழ்ந்துவருகின்றனர்.
இவ்வாறு சீரும் சிறப்பும் பெற்ற சீதக்காதி வள்ளல் மிகப்பெரும் புகழ்வாழ்வு வாழ்ந்து மறைந்தாலும் இன்றும் [[தமிழர்]] நெஞ்சங்களில் வாழ்ந்துகொண்டுள்ளார்.

== சீதக்காதி வள்ளல்மேல் பாடிய தனிப்பாடல்கள் ==
*படிக்காசுப்புலவர் பாடியவை

=== <span lang="en" dir="ltr">பாடல்</span>: 1. ===

:நேசித்து வந்த கவிராசர் தங்கட்கு நித்தநித்தம்/
:பூசிக்கு நின்கைப் பொருளொன்றுமே, மற்றைப் புல்லர் பொருள்/
:வேசிக்கும், சந்து நடப்பார்க்கும், வேசிக்கு வேலைசெய்யும்/
:தாசிக்கும் ஆகும் கண்டாய் சீதக்காதி தயாநிதியே.

=== பாடல்: 2. ===

:ஓர்தட்டிலே பொன்னும், ஓர்தட்டிலே நெல்லும் ஒக்கவிற்கும்/
:கார்தட்டிய பஞ்ச காலத்திலே, தங்கள் காரியப்பேர்/
:ஆர்தட்டினும் தட்டு வாராமலே அன்ன தானத்துக்கு/
:மார்தட்டிய துரை,மால் சீதக் காதி வரோதயனே.

=== பாடல்: 3. ===

:கஈயாத புல்லர் இருந்தென்ன, போயென்ன எட்டிமரம்/
:காயாதிருந்தென்ன, காய்த்துப் பலனென்ன கைவிரித்துப்/
:போய்,யாசகம்என உரைப்போர்க்குச் செம்பொன் பிடிபிடியாய்/
:ஓயாமல் ஈபவன், மால்சீதக் காதி ஒருவனுமே.

=== பாடல்: 4. ===

:காய்ந்து சிவந்தது சூரிய காந்தி, கலவியிலே/
:தோய்ந்து சிவந்தது மின்னார் நெடுங்கண், தொலைவில் பன்னூல்/
:ஆய்ந்து சிவந்தது பாவாணர் நெஞ்சம் அனுதினமும்/
:ஈந்து சிவந்தது மால் சீதக்காதி இருகரமுமே.

== மேற்கோள்கள் ==
{{Reflist}}

[[பகுப்பு:தமிழ்நாட்டில் வாழ்ந்த வள்ளல்கள்]]
[[பகுப்பு:தமிழ் முசுலிம் நபர்கள்]]
[[பகுப்பு:இசுலாமியத் தமிழ் இலக்கியம்]]

உமறுப் புலவர்

2024-11-06T12:07:22Z

42.104.129.234:

'''உமறுப் புலவர்''' (4 திசம்பர் 1642 - 28 சூலை 1703)<ref name="Hindu">{{Cite web |url=http://www.thehindu.com/todays-paper/tp-national/tp-tamilnadu/article1939400.ece |title=Umaru Pulavar memorial inaugurated |date=30 அக்டோபர் 2007 |publisher=[[தி இந்து]] |archive-url=https://archive.today/20151007075625/http://www.thehindu.com/todays-paper/tp-national/tp-tamilnadu/article1939400.ece |archive-date=7 அக்டோபர் 2015|access-date=7 அக்டோபர் 2015 |url-status=live }}</ref><ref name="TNT">{{Cite web |url=https://tamilnadu-favtourism.blogspot.com/2016/06/umaru-pulavar-memorial-ettayapuram.html |title=Umaru Pulavar Memorial, Ettayapuram |date=24 சூன் 2016 |website=Umaru Pulavar Memorial, Ettayapuram |archive-url=https://web.archive.org/web/20170909091928/https://tamilnadu-favtourism.blogspot.com/2016/06/umaru-pulavar-memorial-ettayapuram.html |archive-date=9 செப்டம்பர் 2017 |url-status=|access-date=7 அக்டோபர் 2019}}</ref> [[முகம்மது நபி]] அவர்களின் வரலாற்றை அடியொற்றித் [[தமிழ் இலக்கியம்|தமிழ் இலக்கிய]] மரபிற்கேற்பச் [[சீறாப் புராணம்]] என்ற காப்பியத்தைப் பாடியவர்.

== வாழ்க்கைக் குறிப்பு ==
உமறுப்புலவர் [[தூத்துக்குடி மாவட்டம்]], நாகலாபுரத்தைச் சேர்ந்தவர். இவரின் தந்தை சேகு முதலியார் என அழைக்கப்பெற்ற செய்கு முகம்மது அலியார் ஆவார். [[எட்டயபுரம்|எட்டயபுர]] மன்னன் வெங்கடேஸ்வர எட்டப்ப பூபதியின் அவைப் புலவராக விளங்கிய [[கடிகைமுத்துப் புலவர்|கடிகைமுத்துப் புலவரிடம்]] உமறு தமிழ் பயின்று புலமை பெற்றார். தம் ஆசானுக்குப் பின் எட்டயபுர மன்னனின் அவைப்புலவராகப் பொறுப்பேற்றார். ஆண்டுதோறும் இவரது பிறந்தநாளை அரசு விழாவாக மாவட்ட அளவில் தூத்துக்குடி மாவட்டம் [[எட்டயபுரம்|எட்டயபுரத்தில்]] கொண்டாட 2018 ஆம் ஆண்டு தமிழக அரசு அறிவிப்பை வெளியிட்டது.<ref>{{cite news |title=அரசு சார்பில் உமறுப்புலவர் பிறந்த நாள் விழா: முதல்வருக்கு பாராட்டு |url=https://www.dinamani.com/tamilnadu/2018/oct/17/%E0%AE%85%E0%AE%B0%E0%AE%9A%E0%AF%81-%E0%AE%9A%E0%AE%BE%E0%AE%B0%E0%AF%8D%E0%AE%AA%E0%AE%BF%E0%AE%B2%E0%AF%8D-%E0%AE%89%E0%AE%AE%E0%AE%B1%E0%AF%81%E0%AE%AA%E0%AF%8D%E0%AE%AA%E0%AF%81%E0%AE%B2%E0%AE%B5%E0%AE%B0%E0%AF%8D-%E0%AE%AA%E0%AE%BF%E0%AE%B1%E0%AE%A8%E0%AF%8D%E0%AE%A4-%E0%AE%A8%E0%AE%BE%E0%AE%B3%E0%AF%8D-%E0%AE%B5%E0%AE%BF%E0%AE%B4%E0%AE%BE-%E0%AE%AE%E0%AF%81%E0%AE%A4%E0%AE%B2%E0%AF%8D%E0%AE%B5%E0%AE%B0%E0%AF%81%E0%AE%95%E0%AF%8D%E0%AE%95%E0%AF%81-%E0%AE%AA%E0%AE%BE%E0%AE%B0%E0%AE%BE%E0%AE%9F%E0%AF%8D%E0%AE%9F%E0%AF%81-3021771.html |accessdate=7 August 2022 |publisher=தினமணி}}</ref>

== சீறாப்புராணம் இயற்றல் ==
{{main|சீறாப் புராணம்}}

வள்ளல் சீதக்காதியின் வேண்டுகோளின்படி '''உமறுப்புலவர்''' சீறாப்புராணத்தை எழுதத் தொடங்கினார். நூல் முற்றிலும் நிறைவடையும் முன்னரே சீதக்காதி இறந்து விட்டார். பின் அபுல் காசிம் என்ற வள்ளலின் உதவியால் '''சீறாப்புராணம்''' (3 காண்டம் + 92 படலம் + 5027 பாடல்கள்) நிறைவு பெற்றது. உமறுப்புலவர் அபுல் காசீம் அவர்களை நூலின் பல இடங்களில் நினைவு கூர்ந்து போற்றுகிறார்.

உமறுப்புலவர் '''முதுமொழிமாலை''' என்ற எண்பது பாக்களால் ஆகிய நூலையும் படைத்தளித்துள்ளார்.

== மேற்கோள்கள் ==
{{Reflist}}

[[பகுப்பு:1642 பிறப்புகள்]]
[[பகுப்பு:1703 இறப்புகள்]]
[[பகுப்பு:இசுலாமியத் தமிழறிஞர்கள்]]
[[பகுப்பு:தமிழ்ப் புலவர்கள்]]
[[பகுப்பு:இந்திய முஸ்லிம்கள்]]