ஒளியாண்டு என்பதற்கான மூலத்தைப் பார்

{{Unit of length
|m=9460730472580800
|accuracy=4
}}
'''ஒளியாண்டு''' என்பது [[ஒளி]] ஓர் [[ஆண்டு|ஆண்டில்]] செல்லும் தொலைவைக் குறிக்கும் ஒரு நீள வானியல் அலகு ஆகும். இது [[விண்வெளி]]யில் உள்ள [[விண்மீன்]]கள் முதலான விண்பொருட்ளுக்கு இடையேயான தொலைவுகளை அளக்க [[வானியல்|வானியலில்]] பயன்படுத்தும் அலகு.

[[வானியல்|வானியலில்]] அளக்கப்படும் தொலைவுகள் (தூரங்கள்) மிகவும் பிரம்மாண்டமானவை. விண்மீன்கள், விண்மீன்களின் கூட்டங்களாகிய [[விண்மீன் குழாம்|விண்மீன் திரள்கள்]] ([[நாள்மீன்பேரடை]]கள்) மற்றும் அண்டவெளியில் பரந்துகிடக்கும் விண்பொருட்களிடைத் தொலைவுகளை அளவிட [[மீட்டர்]], [[கிலோமீட்டர்]] போன்ற சாதாரண நீள அலகுகள் போதாது. இதனாலேயே மிக மிகப் பெரும் தொலைவுகளைக் குறிப்பதற்காக '''ஒளியாண்டு''' எனப்படும் புதிய நீள அலகு உருவாக்கப்பட்டது. ஒளியாண்டு என்பது ஒரு கால அளவல்ல;

ஒளியானது ஒரு வினாடி நேரத்தில் சுமார் 3 லட்சம் கிலோ மீட்டர் தூரத்தைக் கடந்து செல்லக்கூடியது. ஒளி ஓராண்டுக் காலத்தில் கடந்து செல்லக்கூடிய தூரமே ஒளியாண்டு தூரம் ஆகும். அந்த கணக்குப்படி ஒளியாண்டு தூரம் என்பது 9 லட்சத்து 46 ஆயிரம் கோடி  கிலோ மீட்டர் தொலைவு ஆகும்

== வரைவிலக்கணம் ==
ஒளியாண்டில் குறிக்கப்பெறும் ஆண்டானது ஒரு [[ஜூலியன் ஆண்டு|ஜூலியன் ஆண்டாகும்]]. ஒரு ஜூலியன் ஆண்டில் ஒவ்வொன்றும் 86400 [[நொடி]]கள் (செக்கன்கள்) கொண்ட நாட்கள் 365.25 உள்ளன. ஒளியாண்டின் துல்லியமான வரையறை பின்வருமாறு கூறப்படும்:

ஒளித்துகளாகிய ஓர் [[ஒளியன்]] (''photon''), எவ்வித [[ஈர்ப்பு]]ம் இல்லாமல் எவ்வித விசைப்புலங்களுக்கும் உட்படாமல், தன்னியல்பால் [[அணு]]க்கள் இல்லாப் புறவெளியில் ஓரு ஜூலியன் ஆண்டுக்காலம் செல்லும் தொலைவே ஓர் '''ஒளியாண்டு''' எனப்படுகின்றது.

[[ஒளியின் வேகம்]] ஒரு நொடிக்கு (செக்கனுக்கு) 299,792,458 [[மீட்டர்]]களாகும். எனவே ஓர் ஆண்டில் ஒளி பயணம் செய்யும் தொலைவு, அண்ணளவாக 9.46 [[அறிவியற் குறியீடு|×]] 10<sup>15</sup> [[மீட்டர்|மீ]] = 9.46 [[பேட்டா]] மீட்டர் ஆகும்.

ஒளியாண்டோடு தொடர்புள்ள அலகுகளான '''ஒளி-நிமிடம்''', '''ஒளி-நொடி''' என்பன ஒளி, வெற்றிடத்தில் முறையே ஒரு [[நிமிடம்]], ஒரு [[நொடி]] (செக்கன்) என்னும் கால இடைவெளிகளில் செல்லும் தொலைவைக் குறிக்கின்றன. ஒரு ஒளி-நிமிடம் 17,987,547,480 மீட்டர்களுக்குச் சமனானது. ஒளி-நொடி 299,792,458 மீட்டர்களாகும்.

== சில துணுக்குத் தகவல்கள் ==

* [[சூரியன்|சூரியனி]]ல் இருந்து ஒளி [[பூமி]]க்கு வந்துசேர 8.32 நிமிடங்கள் எடுக்கிறது. அதாவது, ஒரு [[வானியல் அலகு|வானியல் அலகை]] ([[சூரியன்|சூரியனுக்கும்]] [[பூமி|பூமிக்கும்]] இடையான தூரம்), ஒளி பயணிப்பதற்கு ஏறத்தாழ 499 [[விநாடி|விநாடிகள்]] (8.32 நிமிடங்கள்) எடுத்துக் கொள்கிறது.<ref>''[http://www.iers.org/MainDisp.csl?pid=46-25776 IERS Conventions (2003)] {{Webarchive|url=https://web.archive.org/web/20140419043412/http://www.iers.org/MainDisp.csl?pid=46-25776 |date=2014-04-19 }}'', Chapter 1, Table 1-1.</ref>
* மாந்தைன் மிக மிகத் தொலைவான [[விண்வெளிப் பயணம்|விண்வெளி ஆய்வுப்பயணம்]], [[வொயேஜர் 1]], [[ஜனவரி]] [[2004]] ல், 12.5 ஒளி-மணித் தொலைவில் இருந்தது.
* பூமிக்கு மிக அண்மையிலுள்ள (சூரியனன்றி) விண்மீனான [[புரொக்சிமா செண்டோரி]] (Proxima Centauri) 4.22 ஒளியாண்டுகள் தொலைவில் உள்ளது.
*[[பால் வழி]] என்றழைக்கப்படும், விண்மீன் திரளின் ([[நாள்மீன்பேரடை]]) குறுக்களவு 100,000 ஒளியாண்டுகளாகும்.
* நாம் கண்ணாலும், தொலைநோக்கிகளாலும், பிற துணைக்கருவிகளாலும் உணரக்கூடிய [[அண்டம்]] அண்ணளவாக 15,000,000,000 ஒளியாண்டுகள் ஆரம் அல்லது [[ஆரை]]யைக் (radius) கொண்டது. இந்த ஆரத்தின் (ஆரையின்) நீளமானது ஒரு நொடிக்கு ஓர் ஒளி-நொடி வீதம் அதிகரித்துச் செல்லுகிறது.

==ஒளியாண்டுகளில் தூரங்கள்==

{| class="wikitable"
|+'''தூர அளவீட்டு பெறுமானத்தின் அடிப்படயில் நிலைகள்'''
!அளவீடு (ஒளியாண்டுகளில்)
!அளவு
!உதாரணம்
|-
|10<sup>−9</sup>
|{{val|40.4|e=-9|u=ly}}
|[[நிலா]]விலிருந்து தெறிப்படைந்த சூரிய ஒளி [[புவி]]யை அடைய 1.2 தொடக்கம் 1.3 செக்கன்கள் எடுக்கின்றது. ({{gaps|350|000}} தொடக்கம் {{gaps|400|000}} கிலோமீட்டர் தூரம் ஒளி பயணிக்கின்றது).
|-
|rowspan=2|10<sup>−6</sup>
|{{val|15.8|e=-6|u=ly}}
|ஒரு [[வானியல் அலகு]] (புவிக்கும் சூரியனுக்கும் இடையிலான சராசரித் தூரம்). இத்தூரத்தை ஒளி 499 நொடிகளில் (8.32 நிமிடங்கள்) கடக்கின்றது.
|-
|{{val|127|e=-6}} ly
|[[ஹியூஜென்ஸ் (விண்கலம்)|ஹியூஜென்சு]] விண்கலம் சனியின் துணைக்காளான [[டைட்டன் (துணைக்கோள்)|டைட்டனில்]] தரையிறங்கி, 1.2 பில்லியன் கிமீ தூரத்தில் உள்ள புவிக்கு படிமங்களை அனுப்பியது.
|-
|10<sup>−3</sup>
|{{val|1.95|e=-3|u=ly}}
|புவியிலிருந்து மிக அதிக தூரத்திலுள்ள செய்ம்மதியான [[வொயேஜர் 1]] புவியிலிருந்து 17 ஒளி மணித்தியலங்கள் தூரத்தில் உள்ளது {{As of|December 2012|lc=on}}. இச்செய்ம்மதி இதன் தற்போதைய வேகமான 17&nbsp;km/s ({{gaps|38|000}}&nbsp;mph) இல் தொடர்ந்து செல்லுமானால் புவியிலிருந்து ஒரு ஒளியாண்டு தூரத்தையடைய இன்னமும் {{gaps|17|500}} வருடங்கள் எடுக்கும். நாசா அறிவியலாளர்கள் ஜூன் 15, 2012, கூறிய கருத்துப்படி வொயேஜர் 1 செய்ம்மதி 2015க்குள் சூரியக் குடும்பத்தை விட்டு விலகும் என எதிர்பார்க்கப்படுகின்றது.
|-
|rowspan=7| 10<sup>0</sup>
|{{val|1.6|e=0|u=ly}}
|[[ஓர்ட் முகில்]] எனப்படும் வானியல் பொருட் கூட்டம் அண்ணளவாக இரண்டு ஒளியாண்டுகள் விட்டமுடையது.
|-
|{{val|2.0|e=0|u=ly}}
|சூரிய ஈர்ப்பு ஆதிக்கத்தின் உச்ச வரம்பு {{gaps|125|000}}&nbsp;AU). 
|-
|{{val|4.22|e=0|u=ly}}
|சூரியனுக்கு மிக அருகிலுள்ள நட்சத்திரமான [[புரொக்ஸிமா சென்டாரி]] கிட்டத்தட்ட 4.22 ஒளியாண்டுகள் தூரத்திலுள்ளது.
|-
|{{val|8.60|e=0|u=ly}}
|சூரியனை விட இரண்டு மடங்கு பெரியதும் 25 மடங்கு பிரகாசமானதுமான இரவு நேரத்தில் தெரியும் மிகப் பிரக்காசமான நட்சத்திரமான் [[சிரியஸ்]] அமைந்துள்ள தூரம். இது எமக்கு அருகிலிருப்பதால் இதனை விடப் பிரகாசமான நட்சத்திரங்களைக் காட்டிலும் பிரகாசமாகத் தென்படுகின்றது.
|-
|{{val|11.90|e=0|u=ly}}
|வாழ்க்கைத் தகமையுடைய கிரகம் எனக் கருதப்படும் சூரியக் குடும்பத்தை சாராத [[HD 10700 e]] கிரகம் அமைந்துள்ள தூரம். இது புவியை விட 6.6 மடங்கு பெரியதுடன் அதன் 'சூரியனின்' வாழ்தகமைப் பிரதேசத்தின் மத்தியிலுள்ளது. 
|-
|{{val|20.5|e=0|u=ly}}
|வாழ்க்கைத் தகமையுடைய கிரகம் எனக் கருதப்படும் முதலில் கண்டறியப்பட்ட சூரியக் குடும்பத்தை சாராத [[கிளீசு 581 ஜி]] கோள் அமைந்துள்ள தூரம். இது [[புவி]]யை விட மூன்று அல்லது நான்கு மடங்கு பெரியதுடன், [[கிளீஸ் 581]] நட்சத்திரத்தின் வாழ்தகமைப் பிரதேசத்தின் மத்தியிலுள்ளது.
|-
|{{val|310|e=0|u=ly}}
|சிரியஸுக்கு அடுத்ததாக மிகப் புவியிலிருந்து அவதானிக்கும் போது மிகப்பிரகாசமான நட்சத்திரமான [[கனோபஸ்]] அமைதுள்ள தூரம். இது உண்மையில் சூரியனை விட 15000 மடங்கு பிரகாசமானதெனக் கருதப்படுகின்றது.
|-
|rowspan=3| 10<sup>3</sup>
|{{val|26|e=3|u=ly}}
|[[பால் வழி|பால்வெளி]] மண்டலத்தின் மையம் கிட்டத்தட்ட 26000 ஒளியாண்டுகள் தூரத்திலுள்ளது.
|-
|{{val|100|e=3|u=ly}}
|பால்வெளியின் விட்டம் கிட்டத்தட்ட {{gaps|100|000}} ஒளியாண்டுகளாகும்.
|-
|{{val|165|e=3|u=ly}}
|மனிதனாலறியப்பட்ட மிகப் பிரகாசமான விண்மீனான [[R136a1]] அமைந்துள்ள தூரம். இது சூரியனை விட 8.7 மில்லியன் மடங்கு பிரகாசமானது.
|-
|rowspan=4| 10<sup>6</sup>
|{{val|2.5|e=6|u=ly}}
|[[அந்திரொமேடா பேரடை]] அமைந்துள்ள தூரம்.
|-
|{{val|3|e=6|u=ly}}
|வெற்றுக் கண்ணுக்குப் புலப்படும் மிகத் தொலைவான விண்பொருளான [[டிரையான்கியூலம் விண்மீன் மண்டலம்]] அமைந்துள்ள தூரம்
|-
|{{val|59|e=6|u=ly}}
|மிக அருகிலுள்ள விண்மீன் மண்டலத் திரளான [[விர்கோ கொத்து விண்மீன்கூட்டம்]] கிட்டத்தட்ட 59 மெகா ஒளியாண்டுகள் தூரத்திலுள்ளது.
|-
|{{val|150|e=6}} – {{val|250|e=6|u=ly}}
|[[பெரிய அட்ராக்டர்]] 150 தொடக்கம் 250 மெகா மெகா ஒளியாண்டுகள் தூரத்திலுள்ளது.
|-
|rowspan=3| 10<sup>9</sup>
|{{val|1.2|e=9|u=ly}}
|[[ஸ்லோன் பெருஞ்சுவர்]] ([[பெருஞ்சுவர் (வானியல்)|பெருஞ்சுவர்]] அல்ல) கிட்டத்தட்ட ஒரு கிகா ஒளியாண்டு தூரத்தில் உள்ளது.
|-
|{{val|2.4|e=9|u=ly}}
|மிகப் பிரகாசமான [[துடிப்பண்டம்]] 3C 273 அமைந்துள்ள தூரம்.
|-
|{{val|45.7|e=9|u=ly}}
|புலப்படும் அண்டத்தின் ஆரை
|}

==தொடர்புடைய அலகுகள்==

ஒளியாண்டுடன் தொடர்புபட்ட பல அலகுகள் இன்றுவழக்கத்தில் உள்ளன. உதாரணமாக வானியலில் பயன்படுத்தப்படும் ஒளி வினாடியானது {{gaps|299|792|458}} மீற்றர்கள் அல்லது ஒரு ஒளியாண்டின் {{frac|{{gaps|31|557|600}}}} பகுதியாகும்

== உசாத்துணைகள் ==

<references/>

{{வானியல் அலகுகள்}}

[[பகுப்பு:அலகுகள்]]
[[பகுப்பு:நீள அலகுகள்]]
[[பகுப்பு:வானியல் அலகுகள்]]
[[பகுப்பு:வானியல்]]
[[பகுப்பு:வானியற்பியல்]]
{{நேரம்|state=expanded}}