imported>BalajijagadeshBot: பராமரிப்பு using AWB

2019-05-31T17:13:53Z

பராமரிப்பு using AWB

புதிய பக்கம்

எண்ணிக்கை அளவைக் குறிப்பிடுவது எண். அளவு காட்டாமல் மிகுதியைக் குறிப்பிடும் எண்ணுப்பெயர்களும் தமிழில் இருந்தன. அவற்றைத் தொல்காப்பியர் ''''அல்பெயர் எண்'''' என்று குறிப்பிடுகிறார். ஐ அம் பல் என வரும் இறுதி - எனபது அவர் நூற்பா (393)
==எண்==
நாம் 'ஏழு' என்று வழங்கும் எண் தொல்காப்பியர் காலத்தில் 'ஏழ்' என்று வழங்கப்பட்டது. 'ஏழ்' என்னும் சொல்லை அவர் புள்ளி மயங்கியலில் வைத்துப் புணர்ச்சிவிதி கூறுகிறார். ஏழன் உருபு (=ஏழாம் வேற்றுமை உருபு)-(388) எழு கழஞ்சு (389) எழுபஃது (390) ஏழாயிரம் (391) ஏழ் நூறாயிரம் (392) ஏழ் தாமரை, ஏழாம்பல், ஏழ் வெள்ளம் (393) ஏழகல் (394) இப்படி ஏழ் எண்ணுக்கு 7 நூற்பாக்கள் வருகின்றன.
==அல்பெயர் எண்==
'ஐ'யில் முடியும் தாமரை, 'அம்'மில் முடியும் வெள்ளம், 'அல்'லில் முடியும் ஆம்பல் ஆகிய எண்ணுப்பெயர்கள் அளவிட முடியாத பேரெண்களைக் குறிப்பவை என்பது தொல்காப்பியம் தரும் விளக்கம்.<ref>தொல்காப்பியம் - புள்ளி மயங்கியல் - ஐ அம் பல் என வரூஉம் இறுதி அல் பெயர் எண்ணும் ஆயியல் நிலையும். நூற்பா 98</ref>

==விளக்கம்==
இதனைப் பத்தின் அடுக்காக எண்ணிப் பார்ப்பதும் முறையானதாகப் படுகிறது. ஒன்று = 1 பத்து = 10 நூறு = 102 ஆயிரம் = 103 பத்தாயிரம் = 104 நூறாயிரம் = 105 பத்து நூறாயிரம் = 106 கோடி = 107 தாமரை (=கோடிகோடி) = 1014 வெள்ளம் (=கோடிதாமரை) = 1021ஆம்பல் (=கோடிவெள்ளம்) = 1028
==பரிபாடலில் அல்பெயர் எண் (=செய்குறி ஈட்டம்) ==
இந்த எண்களைக் கீரந்தையார் பாடல் (பரிபாடல் 2) செய்குறி ஈட்டம் என்று குறிப்பிடுகிறது. இந்தப் பாடலில் கால ஊழியின் தொன்முறை விளக்கம் காட்டப்படுகிறது.
# தொன்முறை இயற்கையின் பசும்பொன் உலகும், மண்ணும் பாழ்பட எழுந்த விசும்பின் ஊழி
# கரு வளர்ந்த வானத்தில் உருவம் அறியப்படாத ஒன்றன் ஊழி
# உந்துவளி கிளர்ந்த ஊழி
# செந்தீச் சுடரிய ஊழி
# பனியொடு தண்பெயல் தலைஇய ஊழி
# மூழ்கிய வெள்ளத்தில் நிலம் மீண்டும் பீடுயர்பு தோன்றிய ஊழி
இந்த ஊழிக் காலங்கள் தோன்றுகையில் எந்த அளவு இடைவெளிக் காலம் நீண்டது என்பதற்கு அல்பெயர் அளவை எண்களும் அவற்றிற்குத் தரப்பட்டுள்ளன.
{| class="wikitable"
|-
! வரிசை எண் !! ஊழி !! ஊழி தோன்றுவதற்கு எடுத்துக்கொண்ட காலம். (செய்குறி ஈட்ட அளவையில்)
|-
| 1 || பாழ்பட்டு விசும்பு எழுந்த ஊழி || நெய்தல் அளவு காலம்
|-
| 2 || விசும்பில் கரு வளந்த ஊழி || குவளை அளவு காலம்
|-
| 3 || வளி ஊழி || ஆம்பல் அளவு காலம்
|-
| 4 || தீ ஊழி || சங்கம் அளவு காலம்
|-
| 5 || பனிமழை ஊழி || கமலம் அளவு காலம்
|-
| 6 || நிலம் தோன்றிய ஊழி || வெள்ளம் அளவு காலம்
|}

==மேலும் காண்க==
* [[நால்வகை ஊழியெண்]] [[7ஆம் பத்து]] - பாடல் 63

==மேற்கோள்==

{{Reflist}}

[[பகுப்பு:தமிழ்க் கணிதம்]]

அல்பெயர் எண் - திருத்த வரலாறு

imported>BalajijagadeshBot: பராமரிப்பு using AWB