imported>Ravidreams: கலைக்களஞ்சியத் தன்மையற்ற பகுதி நீக்கம்.

2025-03-30T16:25:16Z

கலைக்களஞ்சியத் தன்மையற்ற பகுதி நீக்கம்.

புதிய பக்கம்

[[File:ఉగాది పచ్చడి.jpg|உகாதி பச்சடி|thumb|right]]
'''உகாதி''' ('''Ugadi''') அல்லது '''யுகாதி''' ([[தெலுங்கு மொழி|தெலுங்கு]]: ఉగాది, [[கன்னடம்]]: ಯುಗಾದಿ) என்பது தெலுங்கு மற்றும் கன்னடப் புத்தாண்டு தினத்தைக் கொண்டாடும் பண்டிகை ஆகும்.<ref>{{cite book|author=Karen-Marie Yust|title=Nurturing Child and Adolescent Spirituality: Perspectives from the World's Religious Traditions|url=https://books.google.com/books?id=_dWh0l-iXHUC&pg=PA228|year=2006|publisher=Rowman & Littlefield|isbn=978-0-7425-4463-5|pages=228–229}}</ref> [[மகாராஷ்டிரம்|மகாராஷ்டிர]] மக்கள் இதே நாளை ''குடிபாட்வா''(गुढीपाडवा) எனவும் [[சிந்தி மொழி|சிந்தி]] மக்கள் ''சேதி சந்த்'' எனவும் பலவாறாகக் கொண்டாடுகின்றனர். உகாதி ஒவ்வோர் ஆண்டும் [[கிரெகொரியின் நாட்காட்டி|ஆங்கில]] நாட்காட்டியின்படி [[மார்ச்சு]] அல்லது [[ஏப்ரல்]] மாதத்தில் கொண்டாடப்படுகிறது. [[இந்து]] [[சூரியசந்திர நாட்காட்டி]]யின்படி, உகாதி சைத்ர ([[சித்திரை]]) மாதத்தின் முதல் நாளாக கருதப்படுகிறது.<ref name=dalal427>{{cite book|author=Roshen Dalal|title=Hinduism: An Alphabetical Guide|url=https://books.google.com/books?id=DH0vmD8ghdMC |year=2010|publisher=Penguin Books|isbn=978-0-14-341421-6|page=427}}</ref>
இது தமிழ் மாதங்களின் படி, பங்குனி / சித்திரை மாத வளர்பிறை பிரதமை அன்று ரேவதி - அஷ்வினி நட்சத்திரத்துடன் கூடும் நாள் ஆகும்.

== உகாதி கொண்டாட்டம்==
சைத்ர மாதத்தின் முதல் நாள் வசந்த காலத்தின் பிறப்பைக் குறிப்பதால், இந்நாள் மேலும் முக்கியத்துவம் பெறுகிறது.

உகாதி அன்று, மக்கள் அதிகாலையில் எழுந்து எண்ணெய் குளியல் செய்து புத்தாடை அணிந்து கொள்வார்கள். வீட்டில் வண்ணக்[[கோலம்]] இடுவார்கள். மாவிலைத் தோரணங்களால் வீட்டை அலங்கரிப்பார்கள். உறவினர்களுக்கும் நண்பர்களுக்கும் பரிசுப் பொருட்கள் கொடுத்தும் வாங்கியும் மகிழ்வார்கள். இந் நாளில் தனித்துவமான உகாதி பச்சடி செய்து விருந்தில் பரிமாறுவார்கள். மேலும் அன்றைய தினம் கோயிலுக்குச் சென்று வழிபடுவார்கள்.<ref name="Jagannathan2005p77"/><ref name="Fowler1997p72">{{cite book|author=Jeaneane D. Fowler|title=Hinduism: Beliefs and Practices|url=https://books.google.com/books?id=RmGKHu20hA0C&pg=PA72|year=1997|publisher=Sussex Academic Press|isbn=978-1-898723-60-8|pages=72–73}}{{Dead link|date=ஜனவரி 2023 |bot=InternetArchiveBot }}</ref><ref name=narayanan18>{{cite journal | last=Narayanan | first=Vasudha | title=Y51K and Still Counting: Some Hindu Views of Time | journal=Journal of Hindu-Christian Studies | publisher=Butler University | volume=12 | issue=1 | year=1999| pages=17–18 | doi=10.7825/2164-6279.1205 | doi-access=free }}</ref> உகாதி அன்று பல்வேறு இசை நிகழ்ச்சிகள், கலை நிகழ்ச்சிகள், தெலுங்கு சாகித்ய நிகழ்ச்சிகள் மற்றும் விருது வழங்குதல் ஆகியவை உகாதி நாளன்று நடைபெறும்..<ref>{{cite book|author=K.V. Raman|title=Sri Varadarajaswami Temple, Kanchi: A Study of Its History, Art and Architecture|url=https://books.google.com/books?id=myK8ZYEIu4YC&pg=PA97|year=2003|publisher=Abhinav Publications|isbn=978-81-7017-026-6|pages=97–98}}</ref>

== சொற்பிறப்பு ==

உகாதி என்கிற சொல் [[சமசுகிருதம்]] மொழியிலிருந்து வந்ததாக கருதப்படுகிறது. சமசுகிருதத்தில் "யுக" என்ற சொல்லுக்கு வயது என்றும், "அடி" என்ற சொல்லுக்கு தொடக்கம் என்கிற பொருள் காணப்படுகிறது. "ஓர் ஆண்டின் தொடக்கம்" என்கிற பொருளில் "உகாதி" என்கிற சொல் வந்துள்ளதைக் காணலாம்.<ref name=narayanan18/> உகாதி [[சித்திரை]] மாதத்தின் சுத்த பாட்டிமை தினத்தில் வருகிறது. பெரும்பாலும், இப் பண்டிகை, ஆங்கில நாட்காட்டியின் படி, மார்ச்சு மாதக் கடைசியில் அல்லது ஏப்ரல் மாத முதல் வாரத்தில் வருகிறது.<ref name=dalal427/><ref name="Jagannathan2005p77">{{cite book|author=Maithily Jagannathan|title=South Indian Hindu Festivals and Traditions|url=https://books.google.com/books?id=xcIrkKUJH9QC&pg=PA77 |year=2005|publisher=Abhinav Publications|isbn=978-81-7017-415-8|pages=77–78}}</ref>
[[கருநாடகம்|கர்நாடக]] மாநிலத்தில் இது "யுகாதி" என்றும் ஆந்திரா மற்றும் தெலுங்கானா மாநிலத்தில் "உகாதி" என்றும் அழைக்கப்படுகிறது.

==உகாதி பச்சடி==
உகாதி அன்று அறுசுவை கூடிய பதார்த்தமாக ''உகாதி பச்சடி'' செய்யப்படுகிறது. இது உகாதி அன்று செய்யப்படவேண்டிய மிக முக்கியமான பதார்த்தமாகும். இந்த உகாதி பச்சடி வேப்பம்பூ, மாங்காய், [[புளி]], [[வெல்லம்]] மற்றும் [[உப்பு]] ஆகியவற்றை சேர்த்து செய்யப்படுகிறது. இதனால், இப் பச்சடியில் இனிப்பு, காரம், கசப்பு, உவர்ப்பு போன்ற சுவைகள் கலந்துள்ளன. இது, வருகிற புத்தாண்டு அனைத்து மகிழ்ச்சி, துக்கம் முதலிய அனைத்தையும் உடைய ஒன்றாக இருக்கும் என்பதை குறிக்கிறது. இந்தப் பதார்த்தத்தை [[கன்னடம்|கன்னட மொழியில்]] ''பேவு பெல்லா'' (ಬೇವು-ಬೆಲ್ಲ) என அழைப்பர்.<ref name=narayanan18/>

=== பிற உணவு வகைகள் ===
[[File:Coconut holige.jpg|thumb|200px| ஒப்பட்டு(ಒಬ್ಬಟ್ಟು) அல்லது [[பூரண போளி]]/[[பூரண போளி]] -[[ஆந்திரப் பிரதேசம்]], [[தெலங்காணா]], [[கருநாடகம்]], மற்றும் [[மகாராட்டிரம்]] மாநிலங்களில் உகாதி அன்று செய்யப்படும்.]]

[[கருநாடகம்]], [[ஆந்திரப் பிரதேசம்]] மற்றும் [[தெலங்காணா]] வில் உகாதி அன்று செய்யப்படும் சிறப்பு உணவு வகை [[பூரண போளி]] ஆகும்.
இது மைதா மாவு, வெல்லம் மற்றும் தேங்காய் பயன்படுத்தி செய்யப்படும் சுவையான சிற்றுண்டி ஆகும். மக்கள் இதனுடன் [[நெய்]], பால் கலந்து உண்ணும் பழக்கம் உள்ளது.

==தமிழ் நாட்டில் உகாதி==
[[தமிழ் நாடு|தமிழ் நாட்டில்]] உகாதி, தமிழ்நாட்டை தாயகமாக கொண்ட [[தெலுங்கு மொழி]] பேசுவோராலும் [[ஆந்திரா]]வில் இருந்து இங்கு குடியேறியவர்களாலும் கொண்டாடப்படுகிறது. தமிழக தெலுங்கு பேசுவோர் பெரும்பாலும், உகாதி பச்சடி போன்ற உகாதியுடன் தொடர்புடையவற்றை செய்து வழிபாடு நடத்தி உகாதியை கொண்டாடுவர்.

==தொடர்புடைய விழாக்கள்==
[[மகாராட்டிரம்]] மாநில இந்துக்களால் இந்த நாள் [[குடீ பாடவா]] ({{lang-mr|गुढी पाडवा}}) என்று கொண்டாடப்படுகிறது. .

[[சிந்து மாகாணம்]], சிந்தி இன மக்கள் இதனை சேட்டி சந்த் என்று கொண்டாடுகிறார்கள்.<ref>{{cite news | url=http://www.hindu.com/2005/04/04/stories/2005040402650300.htm | location=Chennai, India | work=The Hindu | title=Ugadi a time to rejoice | date=4 April 2005 | access-date=1 நவம்பர் 2019 | archivedate=6 ஏப்ரல் 2005 | archiveurl=https://web.archive.org/web/20050406060740/http://www.hindu.com/2005/04/04/stories/2005040402650300.htm | deadurl=dead }}</ref>

[[மணிப்பூர்]] வாழ் மக்கள் இதனை "சாஜிபு நொங்மா பன்பா" எனக் கொண்டாடுகின்றனர்.

பாலி மற்றும் [[இந்தோனேசியா]] வாழ் இந்துக்கள் இதனை நைபி என்று கொண்டாடுகின்றனர்.

==மேற்கோள்கள்==
{{reflist}}

{{இந்து விழாக்கள்}}

[[பகுப்பு:இந்து சமய விழாக்கள்]]
[[பகுப்பு:இந்தியப் புத்தாண்டுகள்]]
[[பகுப்பு:கர்நாடகப் பண்பாடு]]
[[பகுப்பு:தெலங்காணா விழாக்கள்]]
[[பகுப்பு:கருநாடக விழாக்கள்]]
[[பகுப்பு:ஆந்திரப் பிரதேச விழாக்கள்]]

உகாதி - திருத்த வரலாறு

imported>Ravidreams: கலைக்களஞ்சியத் தன்மையற்ற பகுதி நீக்கம்.