imported>Selvasivagurunathan m: removed Category:விண்வெளித் திட்டங்கள் using HotCat

2023-09-03T12:03:19Z

removed Category:விண்வெளித் திட்டங்கள் using HotCat

புதிய பக்கம்

'''உலூனா 16''' ''(Luna 16)'' என்பது சோவியத் உலூனாத் தட்டத்தின் ஒரு பகுதியாக நிலாவில் இறங்க அனுப்பிய ஆளில்லாத விண்கலமாகும்.இது முதலில் நிலாத்தரையில் இறங்கி, நிலா மண் பதக்குறைப் புவிக்குக் கொணர்ந்த எந்திரன்வகை ஆய்கலமாகும்.<ref>{{cite book |last=Burrows |first=William E. |title=This New Ocean: The Story of the First Space Age |year=1999 |publisher=[[Modern Library]] | pages=432 |isbn=0-375-75485-7}}</ref><ref>{{cite book|url=https://www.nasa.gov/sites/default/files/atoms/files/beyond-earth-tagged.pdf|title=Beyond Earth: A Chronicle of Deep Space Exploration, 1958–2016|page=1|last1=Siddiqi|first1=Asif A.|lccn=2017059404|isbn=9781626830424|publisher=NASA History Program Office|edition=second|year=2018|id=SP2018-4041|series=The NASA history series|location=Washington, DC}}</ref> அப்போது 101 கிராம் (3.56 அவுன்சு) பதக்கூறு வளமைக் கடற்பகுதியில் இருந்து புவிக்குக் கொணரப்பட்டது. இதுவே சோவியத் ஒன்றியம் முதன்முதலாக வெற்றிகரமாக நிலாமண்ணைக் கொணர்ந்த தடவையாகும். உலக அளவில் இது நிலாமண்ணை கொணர்ந்த மூன்றாந் தடவையாகும்.

== பருந்துப் பார்வை ==
விண்கலம் இரண்டு இணைக்கப்பட்ட அட்டங்களைக் கொண்டிருந்தது - ஒரு இறங்கு கட்டத்தின் மேல் ஒரு ஏற்றக் கட்டம் பொருத்தப்பட்டது. இறங்கு கட்டம் நான்கு நீண்ட இறங்கும் கால்கள் கொண்ட ஒரு உருளை வடிவ உடல் ஆகும். இதில் எரிபொருள் தொட்டிகள், ஒரு இறங்கும் வீவாணிக் கருவி, இரட்டை இறங்கு இயந்திர தொகுப்பு ஆகியன அமைந்தன.

ஒரு முதன்மை இறங்கு இயந்திரம் ஒரு துண்டிப்புப் புள்ளியை அடையும் வரை விண்கலத்தை மெதுவாக்க பயன்படுத்தப்பட்டது, இது உயரம், வேகத்தின் அடிப்படையில் கலத்தில் உள்ள கணினியால் தீர்மானிக்கப்பட்டது. துண்டிக்கப்பட்ட பிறகு, இறுதி தரையிறக்கத்திற்கான குறைந்த உந்துதல் தாரைப் பொறிகளின் ஒரு தொகுப்பால் தரப்ப்பட்டது. இறங்கு கட்டம் ஏற்றக் கட்டத்திற்கான ஏவுதளமாகவும் செயல்பட்டது.

ஏறுதல் கட்டம் வட்டமான மேற்புறமுள்ள ஒரு சிறிய உருளையாகும். இது ஒரு உருளை வடிவ மூலக்கூறால் மூடப்பட்ட மண் பதக்கூறு கொள்கலனை மறு நுழைவு பெட்டகத்துக்குள் கொண்டு சென்றது.

விண்கலத்தின் இறங்கு கட்டத்தில் தொலைக்காட்சி ஒளிப்படக் கருவி, கதிர்வீச்சு, வெப்பநிலை கண்காணிக்கும் தொலைத்தொடர்பு கருவிகள், நிலா மண் பதக்கூறைத் திரட்டுவதற்காக துளையிடும் எந்திரம் கொண்ட நீட்டிக்கக்கூடிய கை ஆகியவை பொருத்தப்பட்டன.

== பணி விவரம் ==
உலூனா 16 தானியங்கி நிலையம் ஆரம்ப பூமி சுற்றுப்பாதையில் இருந்து சந்திரனை நோக்கி ஏவப்பட்டது, செப்டம்பர் 13 அன்று ஒரு நடு - போக்கு திருத்தத்திற்குப் பிறகு, இது செப்டம்பர் 17,1970 அன்று 111 கிமீ வட்டத்திற்குள் நிலாவில் நுழைந்தது.
சந்திர ஈர்ப்பு இந்த சுற்றுப்பாதையில் இருந்து ஆய்வு செய்யப்பட்டது. செப்டம்பர் 18 மற்றும் 19 ஆகிய தேதிகளில் இரண்டு சுற்றுப்பாதை மாற்றங்கள் செய்யப்பட்டு பின்னர், பெருநிலவு 15.1 கிமீ ஆக குறைக்கப்பட்டது, அதே போல் தரையிறங்குவதற்கான சாய்வும் மாற்றப்பட்டது. செப்டம்பர் 20 அன்று 05:1 ஒபொ நேரத்துக்கு நிலாவண்மையில் முதன்மை ஒடுக்கம் இயந்திரவழி செலுத்தப்பட்டது. கலம் நிலா மேற்பரப்பில் இறங்கத் தொடங்கியது. ஆறு மணித்துளிகளுக்குப் பிறகு 05:18 மணிக்கு விண்கலம் அதன் இலக்கு பகுதியில் 0′41 ' தெற்கு அகலாங்கு 56′18 ' கிழக்கு நெட்டாங்கில் மரெ ஃபெகண்டிட்டீசு ( வளமைக்கடல்) வடகிழக்கு பகுதியில் சுமார் 100 கிலோமீட்டர் வெப் பள்ளத்திற்கு மேற்கிலும் இலாங்கிரெனசு பள்ளத்திற்கு வடக்கிலும் 150 கிமீ தொலைவில் பாதுகாப்பாகவும் மென்மையாகவும் தரையிறங்கியது.

சூரியன் சுமார் 60 மணி நேரத்திற்கு முன்பே மறைந்து விட்டதால் நிலா இரவு பக்கத்தில் தரையிறங்கிய முதல் விண்கலம் இதுவாகும். முதன்மை இறக்கு இயந்திரம் 20 மீட்டர் உயரத்தில் துண்டிக்கப்பட்டு , தரையிறங்கும் தாரைப் பொறிகளால் 2 மீட்டர் உயரத்தில் 2.4 மீட்டர் / நொடிக்கும் குறைவான வேகத்தில் துண்டிக்கப்பட்டன. அதைத் தொடர்ந்து செங்குத்து கட்டற்ற வீழ்ச்சியால் தரையிறங்கும்போது விண்கலத்தின் பொருண்மை 1,880 கிலோகிராம் ஆகும். தரையிறங்கிய ஒரு மணி நேரத்திற்குள் 06:03 மணிக்கு ஒரு தானியங்கித் துரப்பணம் நிலா மேற்பரப்பில் ஊடுருவி மண் பதக்கூறுகளைத் திரட்டியது. ஏழு மணித்துளிககள் துளையிட்ட பிறகு , துரப்பணம் 35 சென்டிமீட்டர் ஆழத்தில் நிறுத்தப்பட்டது , பின்னர் அதன் பதக்கூறைத் திரும்பப் பெற்று , விண்கலத்தின் மேற்புறத்திற்கு ஒரு வளைவில் தூக்கி , நிலாப் பொருளை முதன்மை விண்கலப் பேருந்தில் பொருத்தப்பட்ட ஒரு சிறிய கோளப் பெட்டகத்தில் இட்டது. துரப்பணம் குழாயில் உள்ள நிலாத்தரைப் படிவு(ரெகோலித்) நெடுவரிசை பின்னர் மண் பதக்கூறு கொள்கலனுக்கு மாற்றப்பட்டது.

செப்டம்பர் 21 அன்று 07:43 ஒபொநே மணிக்கு நிலா மேற்பரப்பில் 26 மணி 25 நிமிடங்களுக்குப் பிறகு விண்கலத்தின் மேல்கட்டம் நிலாவில் இருந்து ஏவப்பட்டது. உலூனா 16 இன் கீழ்கட்டம் நிலாவின் மேற்பரப்பில் இருந்தது. அது ''நிலா'' வெப்பநிலை, கதிர்வீச்சு தரவுகளைத் தொடர்ந்து அனுப்பியது. மூன்று நாட்களுக்குப் பிறகு , செப்டம்பர் 24 அன்று , ஒரு நேரடி ஏற்றம் நடுத்தர திருத்தங்களமேதும் இல்லாமல் கடந்து சென்ற பிறகு , பெட்டகம் அதன் 101 கிராம் நிலா மண்ணுடன் நொடிக்கு 11 கிலோமீட்டர் வேகத்தில் புவியின் வளிமண்டலத்தில் மீண்டும் நுழைந்தது. 1970 செப்டம்பர் 24 அன்று கசகசுத்தானில் உள்ள ஜெசுகாசுகன் நகருக்குத் தென்கிழக்கே 80 கிலோமீட்டர் தொலைவில் 05:25 மணிக்கு இந்த பெட்டகம் வான்குடை மூலம் கீழே இறங்கியது. இருண்ட பசால்ட்டுப் பொருளின் பகுப்பாய்வு அமெரிக்க அப்பல்லோ 12 திட்டத்தால் மீட்கப்பட்ட மண்ணுடன் நெருக்கமான ஒற்றுமையைக் குறித்தது.

செருமனியில் உள்ள போச்சம் ஆய்வகத்தின் கூற்றுப்படி , வலுவான நல்ல தரமான தொலைக்காட்சி படங்கள் விண்கலத்தால் திருப்பி அனுப்பப்பட்டன. உலூனா 16 சோவியத்துகளுக்கு அவர்களின் ஆழமான விண்வெளி ஆய்வுத் திட்டத்தில் ஒரு மைல்கல் வெற்றியாக இருந்தது - இந்தப் பணி ஒரு வேற்று கோளின் மேற்பரப்பில் இருந்து மண் பதக்கூறுகளை முழுமையாக தானியங்கிமுறையில் மீட்பு செய்தது.

27 செமீ ஆழத்திலிருந்து 0.48 கிராம் பொருள் பதக்கூறு பிரிட்டனுக்கு அனுப்பப்பட்டது.<ref name="pillingersamp">{{Cite journal|last=Pillinger|first=Colin Trevor|last2=Gowar|first2=A.P|date=4 January 1977|title=The separation and subdivision of two 0.5g samples of lunar soil collected by the Luna 16 and 20 missions|url=https://royalsocietypublishing.org/doi/10.1098/rsta.1977.0003|journal=Philosophical Transactions of the Royal Society of London. Series A, Mathematical and Physical Sciences|volume=284|issue=1319|pages=137–143|bibcode=1977RSPTA.284..137P|doi=10.1098/rsta.1977.0003}}</ref>

== பெருமை ==
{| class="wikitable" align="right" style="font-size:smaller"
!உலூனா
திட்டம்
!கொணர்ந்த
பதக்கூறு
!ஆண்டு
|-
| '''உலூனா 16'''
| align="right" |{{Convert|101|g|oz|abbr=on}}<ref>{{Cite web|url=https://nssdc.gsfc.nasa.gov/nmc/spacecraft/display.action?id=1970-072A|title=NASA - NSSDC - Spacecraft – Details|website=nssdc.gsfc.nasa.gov|access-date=8 November 2015}}</ref>
| align="right" |1970
|-
| ''உலூனா 20''
| align="right" |{{Convert|30|g|oz|abbr=on}}<ref>{{Cite web|url=https://nssdc.gsfc.nasa.gov/nmc/spacecraft/display.action?id=1972-007A|title=NASA – NSSDC – Spacecraft – Details|website=nssdc.gsfc.nasa.gov|access-date=8 November 2015}}</ref>
| align="right" |1972
|-
| ''[[உலூனா 24]]''
| align="right" |{{Convert|170|g|oz|abbr=on}}<ref>{{Cite web|url=https://nssdc.gsfc.nasa.gov/nmc/spacecraft/display.action?id=1976-081A|title=NASA – NSSDC – Spacecraft – Details|website=nssdc.gsfc.nasa.gov|access-date=8 November 2015}}</ref>
| align="right" |1976
|-
|}
உலூனா 16 மண்ணின் மூன்று சிறிய பதக்கூறுகள் 1993 ஆம் ஆண்டில் சோதேபியின் ஏலத்தில் 442,500 அமெரிக்க டாலருக்கு விற்கப்பட்டன.<ref name="nytimes">[https://query.nytimes.com/gst/fullpage.html?res=9C0DEFD91139F931A35751C1A963958260&sec=&spon=&pagewanted=all NY Times story, "F.B.I. Revisits Earthly Theft of Moon Rock]</ref> இந்த பத்க்கூறுகள் 29 நவம்பர் 2018 அன்று 855,000 [[அமெரிக்க டாலர்|அமெரிக்க]] டாலர்களுக்கு சோதேபிஸ் நிறுவனத்தால் மறுவிற்பனை செய்யப்பட்டன.<ref>{{Cite web|url=http://www.sothebys.com/en/auctions/ecatalogue/2018/space-and-exploration-n09897/lot.63.html|title=THE ONLY KNOWN DOCUMENTED SAMPLES OF THE MOON AVAILABLE FOR PRIVATE OWNERSHIP|date=29 November 2018|website=Sothebys.com}}</ref>

உலூனா 16 நிலா ஆய்வு விண்கலத்தை நினைவுகூரும் வகையில் 1970 ஆம் ஆண்டில் 10 - கோபெக் [[அஞ்சல் தலை|முத்திரைகள்]] வெளியிடப்பட்டன. இவை மேலும் திட்டத்தின் முதன்மைக் கட்டங்களை காட்டுகின்றன.நிலாவில் மென்மையான தரையிறக்கம் , நிலார மண் பதக்கூறு மீளும் பெட்டகத்தில் நிலாவில் இருந்து ஏவப்பட்டு, வான்குடை உதவியால் புவிக்குக் கொணரப்பட்டு தரையிறங்குதல்.

<gallery mode=packed heights=200px>
File:The Soviet Union 1970 CPA 3951 stamp (Luna 16 in Flight (1970.09.12)).jpg
File:The Soviet Union 1970 CPA 3952 stamp (Luna 16 Leaving Moon (1970.09.20)).jpg
File:The Soviet Union 1970 CPA 3953 stamp (Capsule with Moon Rock Landing on Earth (1970.09.24)).jpg
</gallery>

== மேலும் காண்க ==
* [[உலூனா 25]]
* [[உலூனா 20]]
* [[உலூனா 24]]
* [[லூனா 1]]
* [[லூனா 2]]
* [[லூனா 3]]

== மேற்கோள்கள் ==
{{Reflist}}

== வெளி இணைப்புகள் ==
* [[Lunar Orbiter 4]] image showing the [http://www.lpi.usra.edu/resources/lunar_orbiter/images/aimg/iv_053_h3.jpg landing site of ''Luna 16''] in Mare Fecunditatis.
* [http://www.zarya.info/Diaries/Luna/Luna16.php Zarya – ''Luna 16'' chronology]
* [https://nssdc.gsfc.nasa.gov/nmc/spacecraft/display.action?id=1970-072A NASA NSSDC Master Catalog]

[[பகுப்பு:நிலாவுக்கான பயணத் திட்டங்கள்]]
[[பகுப்பு:லூனா திட்டம்]]
[[பகுப்பு:உருசியா]]
[[பகுப்பு:Coordinates not on Wikidata]]

உலூனா 16 - திருத்த வரலாறு

imported>Selvasivagurunathan m: removed Category:விண்வெளித் திட்டங்கள் using HotCat