imported>Gowtham Sampath: உரை திருத்தம்

2025-07-22T01:11:01Z

*உரை திருத்தம்*

புதிய பக்கம்

'''ஓய்மானாடு''' என்பது [[சோழ நாடு|சோழநாட்டுக்கும்]], [[தொண்டை நாடு|தொண்டைநாட்டுக்கும்]] இடையில் பரந்து கிடந்த சங்ககால நாடுகளில் ஒன்றாகும். இதன் கிழக்கில் [[வங்காள விரிகுடா|வங்கக்கடலும்]], மேற்கில் [[திருக்கோயிலூர்|திருக்கோயிலூரைத்]] தலைநகராகக் கொண்ட ''மலாடு'' என்னும் மலையமானாடு ஆகும். [[இடக்கழிநாடு]] எனவும் இதனை வழங்கினர்.

சங்ககாலத்தில் '''ஓய்மானாட்டுத்''' தலைவன் [[நல்லியக்கோடன்]]. இவன் [[ஓவியர் குடி|ஓவியர்]] பெருமகன் என்று போற்றப்படுகிறான்.<ref>சிறுபாணாற்றுப்படை 122</ref>
ஓவியத்தை ஓவச் செய்தி என்பர்.<ref>அகநானூறு 5-20.</ref> மற்றும் ஓவம் என்றும் குறிப்பிடுவர்.<ref>பட்டினப்பாலை 49</ref> ஓவியம் வரைவோரை ''ஓவமாக்கள்'' என்றும் குறிப்பிடுவர்.<ref>புனைவினை ஓவ மாக்கள் ஒள்அரங்கு ஊட்டிய துகிலிகை.</ref> இந்த ஓவியர் > ஓவர் என்னும் சொல்லுக்கும் ஓய்மான் என்னும் சொல்லுக்கும் தொடர்பு இல்லை. காரணம் நாட்டுமக்கள் ஓவியராக விளங்கினர் என்பது சாலாது.

‘ஓ’ என்னும் பெயர்ச்சொல் ஏரி நீரை அடைக்கும் மதகுப் பலகையைக் குறிக்கும்.<ref>துணை செலல் தலைவாய் ஓ இறந்து வரிக்கும் காணுநர் வயாம் கட்கு இன் சேயாறு – மலைபடுகடாம் 475</ref>

ஓய்மானாட்டில் ஏரிகள் அதிகம். எனவே ஏரிகளில் பல மதகுகள் ஓ-பலகையைக் கொண்டிருந்ததால், இதனை ஓய்மானாடு என்றனர். ஓய்மானாட்டின் தலைநகர் [[நன்மாவிலங்கை]]. மாவிலங்கை.<ref>பொருபுனல் தரூஉம் போக்கரு மரபின் தொன் மாவிலங்கை கருவொடு பெயரிய நன்மாவிலங்கை - சிறுபாணோற்றுப்படை 118-120</ref> இந்நாடு ஆழ்ந்த [[அகழி]]களைக் கொண்டும், நெடிய [[மதில்]]களை கொண்டும் விளங்கியது.<sup>புறம் 379</sup> இந்நாடே ''அருவாநாடு'', ''அருவாவடதலை'' நாடு ஆகியவற்றை அடக்கியிருந்ததாக கருதுகின்றனர்.<ref>உ.வே. சாமிநாதய்யர் எழுதிய பத்துப்பாட்டு, புறநானூறு உரை</ref>

== இவற்றையும் காண்க ==
* [[ஓவியர் குடி]]

== மேற்கோள்கள் ==
{{Reflist}}

[[பகுப்பு:சங்க கால ஊர்கள்]]
[[பகுப்பு:சங்ககால அகநாடுகள்]]
[[பகுப்பு:வரலாற்று நாடுகள்]]
[[பகுப்பு:ஓவியர்]]

ஓய்மானாடு - திருத்த வரலாறு

imported>Gowtham Sampath: *உரை திருத்தம்*

imported>Gowtham Sampath: உரை திருத்தம்