imported>Nanjil Bala: கட்டுரையை இணைத்து மேம்படுத்துதல்.

2024-07-13T06:25:13Z

கட்டுரையை இணைத்து மேம்படுத்துதல்.

புதிய பக்கம்

'''கருவூலம்''' (ஆங்கிலம்: [[:en:Treasury|Treasury]]) என்னும் சொல் அரசு-நிதியைப் பாதுகாத்து வழங்கும் இடம் ஆகும். இக்காலத்தில் இது அரசு [[நாணயம்|நாணயங்களைப்]] பேணும் இடமாகத் திகழ்கிறது. இவை தலைமைக் கருவூலம், கிளைக்கருவூலம் என்னும் அமைப்புகளில் இயங்கிவருகின்றன.

==பண்டைக்காலக் கருவூலங்கள்==
பண்டைக்காலங்களில் அரசர்கள் தங்கள் செல்வங்களை நிதியறைகளில் சேமித்து வைத்தனர். அன்னியர்கள் படையெடுத்து வரும் போது இந்த நிதியறைகளில் சேமித்து வைக்கப்பட்டுள்ள செல்வங்களைக் கொள்ளையடித்துச் செல்வர். ஆகவே இந்த நிதியறைகள் மிகுந்த பாதுகாப்புடன் வலிமையானதாக அமைக்கப்பட்டு இருக்கும்.

==சங்ககாலக் கருவூலங்கள்==
தமிழ்நாட்டில் சங்ககாலத்தில் இருந்த கருவூலங்கள் பற்றிய செய்திகளைச் [[சங்க இலக்கியம்|சங்கநூல்கள்]] குறிப்பிடுகின்றன.
* மாந்தை - சேர அரசர்களின் கருவூலம் '''[[மாந்தை (சேரர் துறைமுகம்)|மரந்தை அல்லது மாந்தை]]''' என்னும் துறைமுக நகரத்தில் இருந்தது. [[இமயவரம்பன் நெடுஞ்சேரலாதன்]] கடம்பர்களை வென்று கொண்டுவந்த செல்வத்தையும், இமயம் வரை வென்றதால் அடிபணிந்த மன்னர்கள் கொண்டுவந்து தந்த திறைச் செல்வத்தையும் இங்குப் பாதுகாத்தான்.<ref>சேரலாதன் கடம்பு அறுத்து, இமயத்து வில் பொறித்து, மரந்தை முற்றத்து ஒன்னார் பணிந்து திறை தந்த … நன்கலம் பொன் செய் பாவை வயிரமொடு நிலம் தினத் துறந்த நிதியம் – அகநானூறு 127, நிலம் தினத் துறந்த நிதியம் – மலைபடுகடாம் 575</ref>
* குடந்தை - [[சோழர்]]களில் 'கொற்றச் சோழர்' எனப் போற்றப்பட்டவர்கள் '''[[கும்பகோணம்|குடந்தை]]''' நகரில் அரசுச் செல்வத்தைப் பாதுகாத்தனர்.<ref>கொற்றச் சோழர் குடந்தை வைத்த நாடுதரு நிதியம் - அகம் 60</ref>
* காவிரிப்பூம்பட்டினம் - [[புகார்]]த் துறைமுகத்தில் அரசு விருந்தினர்களைப் பேணுவதற்காகச் அரசுச்செல்வம் வைக்கப்பட்டிருந்தது.<ref>காவிரிப் படப்பைப் பட்டினத்து அன்ன செழுநகர் நல்விருந்து அயர்மார் ஏமுற விழுநிதி - அகநானூறு 205</ref>
* [[மருங்கூர்ப் பட்டினம்]] என்னும் துறைமுகப் பட்டினத்தில் பாண்டியர் தம் கருவூலத்தை வைத்திருந்தனர்.<ref>ஊணூர் உம்பர் விழுநிதி துஞ்சும் … மருங்கூர்ப்பட்டினம் – அகநானூறு 227</ref>
* [[நன்மாவிலங்கை|மாவிலங்கை]] என்னும் தன் தலைநகரில் [[நல்லியக்கோடன்]] என்னும் வள்ளல்-அரசன் தன் கருவூலத்தை வைத்திருந்தான்.<ref>வயவர் தந்த வான்கேழ் நிதியம் … பாண்டிலில் ஏற்றித் தருவான் – சிறுபாணாற்றுப்படை 249</ref>
* [[பாடலி]] என்னும் நகரில் [[நந்தர்|நந்த]] அரசர்கள் [[கங்கை]] ஆற்று நீருக்கடியில் தம் கருவூலத்தை வைத்திருந்தனர்.<ref>நந்தர் சீர்மிகு பாடலி குழீஇ கங்கை நீர்முதல் கரந்த நிதியம் – அகம் 265</ref>
* [[செங்கண்மா]] – அரசன் [[செங்கண்மாத்து வேள் நன்னன் சேய் நன்னன்]] தன் கருவூலத்தை அவனது தலைநகரில் வைத்திருந்தான்.<ref>நிதியம் துஞ்சும் நிவந்து ஓங்கு வரைப்பு – அகநானூறு 378, செங்கண்மாத்து வேள் நன்னன் சேய் நன்னன் ஊர் – மலைபடுகடாம் 478</ref>

==வரலாற்றில் கருவூல அமைப்பு==
கொளடில்யம் எனும் நூல் கருவூலம் (நிதியறை) அமைக்க வேண்டிய அமைப்பைக் குறிப்பிடுகிறது. அதன்படி,
# நிதியறைகள் சதுர வடிவில் அமைந்திருக்க வேண்டும்.
#அதன் நாற்புறமும் நீர்க்கசிவில்லாதபடி பள்ளம் தோண்டி இருக்க வேண்டும்.
#அதன் நாற்புறமும் அடிப்பரப்பும் பெரிய கற்களையும்,பருத்து வயிரம் ஏறிய மரங்களாகிய பஞ்சரத்தையும்
#நிலமட்டத்தோடு ஒத்த மூன்று தளங்களையும் பலவகை உள்ளறைகளையும் கொண்டிருக்க வேண்டும்.மூன்று தளங்களில் நீரும், கல்லும் விரவி இறுக்கப்பட்டு மேல், நடு, கீழ் தளங்களாக இருக்க வேண்டும்.
#பொறிகளால் அமைக்கப்பட்ட ஏணிகளையும், தெய்வப்படிவம் அமைந்த கதவினையும் உடையதாக நிலவறை அமைதல் வேண்டும்.

== அடிக்குறிப்பு ==
{{reflist}}

[[பகுப்பு:பொருளாதார முறைமைகள்]]

கருவூலம் - திருத்த வரலாறு

imported>Nanjil Bala: கட்டுரையை இணைத்து மேம்படுத்துதல்.