14:47, 12 அக்டோபர் 2025 இல் imported>சா அருணாசலம்

2025-10-12T14:47:39Z

புதிய பக்கம்

'''அமராபரணன் சீயகங்கன்''' (இயற் பெயர் : ''திருவேகம்பமுடையான்'') எனபவர் [[கங்கன்|கங்கர்]] பரம்பரையில் வந்த ஓர் அரசன். [[சங்க காலம்|சங்க காலக்]] [[கங்கன்]] வழியில் வந்த [[மேலைக் கங்கர்]] மரபினர் ஆவார். இவர் [[மூன்றாம் குலோத்துங்க சோழன்|மூன்றாம் குலோத்துங்க சோழனுக்கு]] அடங்கிய சிற்றரசனாக இருந்தார். இவரது தலைநகரம் அக்காலத்தில் ''குவளாலபுரம்'' என்று அழைகபட்ட தற்கால [[கோலார்]] நகரமாகும். கங்கர் [[சமணம்|சமண]] மதத்தினர். சீயகங்கன் [[நன்னூல்]] என்னும் இலக்கண நூல் தோன்றக் காரணமாக இருந்தவன். நன்னூல் இயற்றிய ஆசிரியர் [[பவணந்தி முனிவர்|பவணந்தி முனிவரையும்,]] இந்தப் பவணந்தியார் காலத்திலேயே நன்னூலுக்கு உரை எழுதிய [[மயிலைநாதர்|மயிலைநாதரையும்]] பேணிப் பாதுகாத்தவன்.

இவனது மெய்க்கீர்த்தி இவனை ''அமராபரணன்'', ''ஸ்ரீமத் குவளாலபுர பரமேசுரன்'' <ref>குவலாளபுரம் என்னும் ஊர் [[ஜோலார்பேட்டை]]யிலிருந்து [[பெங்களூர்]] செல்லும் வழியில் உள்ளது.,</ref> ''கங்க குலோற்பவன்'', ''சூரநாயகன்'' என்றெல்லாம் பாராட்டுகிறது. இவனுக்குத் திருவேகம்பமுடையான் என்னும் பெயரும் உண்டு எனத் தெரிவிக்கிறது. <ref>மூன்றாம் குலோத்துங்க தேவனுடைய 27ஆம் ஆண்டுக் கல்வெட்டு (கி. பி. 1205)</ref>

சீயகங்கன் மதுராந்தகப் [[பொத்தம்பிச் சோழன்|பொத்தம்பிச் சோழனின்]] மைத்துனன். (மனைவியின் உடன்பிறப்பு). <ref>கங்கன் சங்ககாலத்தில் சோழனை எதிர்த்தான். இவன் [http://en.wikipedia.org/wiki/Western_Ganga_Dynasty மேலைக்கங்கரின்] முன்னோன். கங்கன் வழிவதந்த கங்கர்குல அரசன் சீயகங்கன் கீழைக்கங்கர் வழிவந்தவன். இவன் காலத்தில் சோழர் குடியினரோடு மண உறவு இருந்தது. சங்ககாலத்திலும் சரி, சீயகங்கனின் 13-ஆம் நூற்றாண்டிலும் சரி இந்தக் கங்கர்கள் தமிழர்களே.</ref>

== குடும்பம் ==
அமராபரணன் சீயகங்கனின் மனைவியின் பெயர் அரிய பிள்ளை ஆகும். சீயகங்கனுக்கு ''அருங்குன்றைப் பிள்ளையாரான செயகங்கன்'' (சீயகங்கன்) என்ற மகனும், ''வடவாயில் செல்வியாரான சந்திரகுல மாதேவியார்'' என்ற மகளும் இருந்தனர்.<ref>வேங்கடராமையா, சோழர் கால அரசியல் தலைவர்கள் நூல், பக்கம் 135-139, பதிப்பு பிப்ரவரி, 1977 கட்டுரை, [[s:சோழர் கால அரசியல் தலைவர்கள்/அமராபரணன் சீயகங்கன்|அமராபரணன் சீயகங்கன்]]</ref>

==கருவிநூல்==
* நன்னூல் மூலமும் மயிலைநாதர் உரையும், டாக்டர் உ. வே. சாமிநாதையர் குறிப்புரையுடன் அவரது மகன் கலியாண சுந்தரையர் பதிப்பு, 1946 டி. ஏ. கோபிநாதையர் 'செந்தமிழ்' இதழ் நான்காம் தொகுதி மேற்கோள்.
*[[மு. அருணாசலம்]], தமிழ் இலக்கிய வரலாறு, பதின்மூன்றாம் நூற்றாண்டு, 2005
==அடிக்குறிப்புகள்==
{{Reflist}}

==வெளியிணைப்பு==
[http://vaiyan.blogspot.in/2018/04/kongu-mandala-sathagam-46.html சீயகங்கன் பற்றிய கொங்கு மண்டலச் சதகப் பாடல்]

[[பகுப்பு:மேலைக் கங்கர்கள் மரபு]]

சீயகங்கன் - திருத்த வரலாறு

14:47, 12 அக்டோபர் 2025 இல் imported>சா அருணாசலம்