imported>SelvasivagurunathanmBOT: /* மேற்கோள்கள் */ clean up and re-categorisation per CFD using AWB

2025-11-15T19:55:36Z

மேற்கோள்கள்: clean up and re-categorisation per CFD using AWB

புதிய பக்கம்

{{Taxobox
| color = lightgreen
| name = ''Solanum torvum''
| image = Solanum torvum at Kampung Bukit Jagong 20230629 173035.jpg
| image_width = 240px
| regnum = [[தாவரம்]]
| divisio = [[பூக்கும் தாவரம்]]
| classis = [[மெய்யிருவித்திலையி]]
| subclassis = Asteridae
| ordo = [[கத்தரி வரிசை]]
| familia = [[கத்தரிக் குடும்பம்]]
| genus = ''[[கத்தரிப் பேரினம்]]''
| species = '''''S. torvum'''''
| binomial = ''Solanum torvum''
}}
'''சுண்டை''' அல்லது '''பேயத்தி''', '''மலைச்சுண்டை''', '''கடுகி''', '''அமரக்காய்''' (''Solanum torvum'') என்பது மூலிகை மருத்துவத்திலும் சமையலிலும் பயன்படும் ஒரு செடியாகும். பொதுவாக 2 முதல் 3 மீட்டர் உயரம் வரை வளர்கிறது. [[மூச்சுத் தொகுதி|மூச்சுக் குழாய்]] நோய்கள், [[வயிற்றுப் புழுக்கள்]], [[பேதி]] போன்றவற்றைக் கட்டுப்படுத்தப் பயன்படுகிறது. [[சமையல்|சமையலிலும்]] [[வத்தல்|வத்தலாகவும்]], [[வத்தல் குழம்பு]] செய்யவும் பயன்படுத்தப்படுகிறது. இதில் கசப்புத் தன்மை மிகுந்தளவில் உள்ளது. சுண்டைக்காய் சாப்பிடுவதன் மூலம் [[குடல் புழு|குடலில் உள்ள புழுக்கள்]] இறந்து விடும், [[நீரிழிவு நோய்|சர்க்கரைநோய்]] போன்றவைக் கட்டுப்படும். மேலும் உடலுக்கு தேவையான [[நோய் எதிர்ப்பாற்றல் முறைமை|எதிர்ப்பு சக்தி]]யும் கிடைக்கிறது.{{சாதே}}
== விளக்கம் ==
சுண்டையானது ஓரளவு வளரும் பெருஞ்செடி வகையான முட்கள் கொண்ட தாவரம் ஆகும். இதன் இலைகள் அகன்று விரிந்தும் சிறிய பிளவுகள் தென்படுவதாகவும் இருக்கும். இது வெள்ளை நிறப் பூக்களைக் கொண்டதாகவும், கொத்துக் கொத்தாகக் காய்க்கும் காய்களைக் கொண்டதாகவும் இருக்கும்.<ref>{{cite web | url=http://tamil.thehindu.com/general/health/article24298296.ece | title=செரிமானச் சிகரம் சுண்டைக்காய்! | publisher=தி இந்து தமிழ் | work=கட்டுரை | date=30 சூன் 2018 | accessdate=1 சூலை 2018 | author=டாக்டர் வி. விக்ரம் குமார்}}</ref>
== சுண்டை வகைகள் ==
பொதுவாக சுண்டைக்காயில் இருவகை உண்டு.
#காட்டுச் சுண்டை (ஸொலானம் ப்யூபிஸென்ஸ்)
#நாட்டுச் சுண்டை (ஸொலானம் டார்வம்)<ref name=trop>{{ cite web |url=http://www.tropicos.org/Name/29600147 |title=Name - ''Solanum torvum'' Sw. synonyms |work=Tropicos |publisher=[[Missouri Botanical Garden]] |location=[[Saint Louis, Missouri]] |access-date=February 19, 2010}}</ref><ref name=GRIN>{{GRIN | access-date = 23 November 2020}}</ref><ref>{{Cite book|url=http://horizon.documentation.ird.fr/exl-doc/pleins_textes/divers12-08/010052239.pdf|title=Les espèces exotiques envahissantes de Nouvelle-Calédonie|last=Hequet|first=Vanessa|year=2009|pages=17, 46|language=fr}}</ref>

காட்டுச் சுண்டை மலைக்காடுகளில் தானாக வளர்ந்து மிகுதியாகக் காணப்படுவது. நாட்டுச்சுண்டை வீட்டுத் தோட்டங்களிலும், கொல்லைப் புறங்களிலும் வளர்க்கப்படும். காட்டுச்சுண்டை கசப்பாகவும், நாட்டுச் சுண்டை கசப்பு குறைந்தும் இருக்கும். எனினும் இவை இரண்டும் ஒரே தன்மையான மருத்துவப் பயன்களையே தர வல்லன.

== மருத்துவ குணங்கள் ==
சுண்டையின் இலைகள், வேர், காய் என முழுச்செடியும் மருத்துவ குணம் உடையது. இலைகள் [[குருதிப்பெருக்கு]]க்கும், காய்கள் [[கல்லீரல்]] மற்றும் [[கணையம்]] தொடர்பான நோய்களுக்கும் மருந்தாகின்றன.

சுண்டையில் [[புரதம்]], [[கல்சியம்]], [[இரும்புச்சத்து]] ஆகியவை மிகுதியாக உள்ளன. இவை உடல் வளர்ச்சியில் முதன்மைப் பங்கு வகிக்கின்றன. வாரம் இருமுறை சாப்பிடுவதன் மூலம் இரத்தம் சுத்தி அடைகின்றது. அத்தோடு [[மலச்சிக்கல்]], [[அஜீரணம்]] முதலானவற்றையும் போக்கக் கூடியது. சுண்டைக்காயோடு [[மிளகு]]ம் [[கறிவேப்பிலை]]யும் சேர்த்து [[வடிசாறு]] (கஷாயம்) செய்து சிறுகுழந்தைகளுக்கு கொடுத்துவந்தால் [[மூலக்கிருமி]], மலத்துவாரத்தில் உள்ள [[பூச்சிக்கடி]] முதலானவை நீங்கும்.

=== அகத்தியர் பாடல் ===
<poem>நெஞ்சின் கபம்போம் நிறைகிருமி நோயும்போம்
விஞ்சுவா தத்தின் விளைவும்போம் - வஞ்சியரே
வாயைக் கசப்பிக்கும் மாமலையில் உள்ள சுண்டைக்
காயைச் சுவைப்பவர்க்குக் காண் </poem>
என்று சுண்டைக்காயின் பெருமை பற்றி [[அகத்தியர்]] [[குணப்பாட பாடல்|குணப்பாட பாடலில்]] கூறப்பட்டுள்ளது.

சுண்டைக்காய் வற்றல் (Dried Turkey berries) பற்றி மற்றொரு வெண்பா

<poem>பித்தவரோசகம்போம் பேராப்புழுச்சாகும்
உற்றகிறாணியும்போம் உட்பசியாம் – சத்தியமாய்
பண்டைக்குதவாமம் பற்றுமிங்கியாரையுந்தான்
சுண்டைக்காய் வற்றலுண்ணச் சொல். </poem>
== மேற்கோள்கள் ==
{{Reflist}}

[[பகுப்பு:கத்தரியினங்கள்]]
[[பகுப்பு:தமிழ்நாட்டின் தாவரங்கள்]]

சுண்டை - திருத்த வரலாறு

imported>SelvasivagurunathanmBOT: /* மேற்கோள்கள் */ clean up and re-categorisation per CFD using AWB