00:23, 4 நவம்பர் 2021 இல் imported>பாஸ்கர் துரை

2021-11-04T00:23:52Z

புதிய பக்கம்

'''ஜனசக்தி (சிங்களத்தில் ஜனசவிய)''' திட்டமானது இலங்கையின் அடிமட்டமக்களின் சமூக நிலையை மேம்படுத்தும் நோக்கம் உள்ளடங்கலான சமூக நல நோக்கங்களுடன் ஆரம்பிக்கப்பட்ட ஓர் வளர்ச்சித் திட்டமாகும்.

1991-ஆம் ஆண்டின் 31-ஆம் இலக்க [[நிதிச்சட்டம்|நிதிச்சட்டத்தின்]] 25-ஆவது பிரிவின் கீழ் [[திறைசேரி]]யினால் ஆரம்பிக்கப்பட்ட நிதி ஏற்பாடுகளின் பிரகாரம் இத்திட்டம் தொடக்கப்பட்டது.

இத்திட்டம் பின்வரும் நோக்கங்களைக் கொண்டது.

* மனித வளத்தை உயர் அளவில் பயன்படுத்துவது
* சமூக பொருளாதாரத்தை மேம்படுத்துவது
* வறியர் வாழ்க்கையை வளப்படுத்துவது.

இத்திட்டத்தின் செயற்பாடுகள் மாவட்ட ரீதியில் செயற்படுத்தப்பட்டபோதும் [[பலநோக்குக் கூட்டுறவுச் சங்கம்|பலநோக்குக் கூட்டுறவுச் சங்கங்களே]] இதிற் கணிசமான பங்களிப்பை நல்கின.

இத்திட்டத்தின் மூலம் சமூகத்தின் [[வறுமைக் கோடு|வறுமைக்கோட்டுக்கு]] கீழுள்ள மக்கள் தேர்ந்தெடுக்கப்பட்டு அவர்களின் வாழ்க்கைத்தரத்தை மேம்படுத்துவதற்காக ரூபா 1000 பெறுமதியான உணவுப்பொருட்பங்கீடும் அவர்கள் எதிர்காலத்தில் சுயமாக செயற்படுவதற்கு வசதியாக சேமிப்பை மேம்படுத்தும் நோக்கத்தோடு ஒவ்வொருகுடும்பமும் ரூபா 458 ஐ [[கூட்டுறவுக் கிராமிய வங்கி]]களில் வைப்பாக இடுவதற்கும் ஏற்பாடு செய்யப்பட்டது.

இவ்வாறு சேமிக்கப்பட்ட தொகை எதிர்காலத்தில் அவர்கள் சிறிய தொழில் ஒன்றை ஆரம்பிப்பதற்கு உதவியாக அமையும் என எதிர்பார்க்கப்பட்டது.

[[பகுப்பு:இலங்கை பொருளாதாரம்]]

ஜனசக்தி - திருத்த வரலாறு

00:23, 4 நவம்பர் 2021 இல் imported>பாஸ்கர் துரை