14:52, 14 அக்டோபர் 2025 இல் imported>Anbumunusamy

2025-10-14T14:52:20Z

புதிய பக்கம்

[[Image:Haryana Tourism restaurant on Damdama Lake.JPG|thumb|தம்தமா ஏரியில் அரியானா சுற்றுலா உணவகம்]]
'''தம்தமா ஏரி''' (''Damdama Lake'') [[இந்தியாவின் மாநிலங்களும் ஆட்சிப்பகுதிகளும்|இந்திய மாநிலமான]] [[அரியானா]]வில் உள்ள [[குர்கான் மாவட்டம்|குர்கான் மாவட்டத்தில்]] [[குருகிராம்|குருகிராமுக்கு]] அருகில் சோனாவில் அமைந்துள்ள ஓர் ஏரி.<ref name=dum2>Rajiv Tiwari, [https://books.google.com/books?id=FBRYCgAAQBAJ&pg=PT117&dq=damdama+lake&hl=en&sa=X&ved=0ahUKEwj15LH7rLvXAhXLPI8KHbHzCK4Q6AEIJDAA#v=onepage&q=damdama%20lake&f=false "Delhi A Travel Guide"], {{ISBN|9798128819703}}.</ref> இது [[அரியானா]]வில் உள்ள சிறிய ஏரிகளில் ஒன்றாகும். 3,000 ஏக்கர் (12.14 கி.மீ. 2) பரப்பளவில், [[1947]] ஆம் ஆண்டில் [[மழைநீர் சேகரிப்பு]]க்காக [[பிரித்தானியர்]]கள் கல்லாலும் மண்ணாலும் கட்டிய [[அணை]]யினால் தம்தமா ஏரி உருவாக்கப்பட்டது.<ref>{{Cite web|url=https://timesofindia.indiatimes.com/travel/destinations/damdama-lake-haryana/as78562213.cms|title = Damdama Lake, Haryana}}</ref> கட்டுக்கரையைக் கொண்டுள்ள இந்த ஏரிக்கான முதன்மை நீர்வரத்து
[[ஆரவல்லி மலைத்தொடர்|ஆரவல்லி மலைத்தொடரின்]] அடிவாரத்தில் உள்ள தாழியில் விழும் பருவகால மழையேயாகும். ஏரியின் நீர்மட்டம் 20 அடி (6. 1 மீ)யாகக் குறையும் போதும் சுற்றுலாப் பயணிகளின் வரத்து உள்ளது. பருவமழையின் போது நீர்மட்டம் 50 அடி (15 மீ) முதல் 70 அடி (21 மீ) வரை உயர்கின்றது. கோடைக்காலங்களில் இந்த ஏரி வறண்டுவிடுகின்றது.<ref name=leo4>[https://www.hindustantimes.com/gurugram/govt-plans-10-acre-lake-in-foothills-of-aravallis/story-G3I2rw4qEsHAeQp5I5uXAI.html Govt plans 10-acre lake in foothills of Aravallis], Hindustan Times, 19 August 2019.</ref>

==நிலவியல்==
தம்தமா ஏரி மலைப்பாங்கான நிலப்பரப்பில் அமைந்துள்ளது, இதன் [[இட அமைப்பியல்]] சீரானதாக இல்லை. அமீபாவைப் போன்ற வடிவில் பல கிளைகளுடன் பரவியவாறு இது அமைந்துள்ளது.

இந்த ஏரியின் [[காலநிலை]] மிதமானது, எனவே ஆண்டின் எல்லாக் காலங்களிலும் சுற்றுலா செல்ல ஏற்றதாக உள்ளது. இருப்பினும் அக்டோபர் முதல் மார்ச் வரையான [[பருவப் பெயர்ச்சிக் காற்று|பருவமழைக் காலம்]] சுற்றுலா செல்ல சிறப்பான காலமாகும். [[கோடை]]க்காலங்களில் இந்தப் பகுதியின் வெப்பநிலை 45 முதல் 47 °C வரை இருக்கின்றது.

==சூழலியல்==
தம்தமா ஏரி, [[சரிஸ்கா தேசியப் பூங்கா]]வில் இருந்து தில்லி வரை நீண்டிருக்கும் வட ஆரவல்லி சிறுத்தைப்புலி காட்டுயிர் தாழ்வாரத்தில் [[ஆரவல்லி மலைத்தொடர்|ஆரவல்லி மலைத்தொடருக்குள்]] அமைந்துள்ள ஒரு முதன்மையான [[உயிரியற் பல்வகைமை]]ப் பகுதியாகும். பறவைகளின் இயற்கையான இல்லமாகத் திகழும் இந்த ஏரியில் உள்ளூர் மற்றும் [[பறவைகளின் வலசை|வலசை]] போகும் பறவைகள் என நூற்றுத்தொன்னூறுக்கும் மேலான பறவையினங்கள் உள்ளன. [[அனாடிடே|நீர்ப் பறவை]], [[நீர்க்காகம்]], [[ஆலா]], [[கொக்கு]], [[மீன் கொத்தி]] போன்றவை இங்கு காணப்படும் பறவைகளில் சிலவாகும்.

==சுற்றுலா==
ஆரவல்லி மலைத்தொடரால் சூழப்பட்டுள்ள இந்த ஏரி, நகர்ப்புறத்தை விடுத்து அமைதியான இடம் நாடுபவர்களுக்கும் சாகச விளையாட்டு விரும்பிகளுக்கும் ஏற்ற சுற்றுலா தளமாகும். இங்கு இழுவைப் படகு, துடுப்புப் படகு, இயந்திரப் படகு மூலம் [[படகோட்டல்|படகோட்டம்]] மேற்கொள்ள முடியும். மேலும் [[பாய்மரப் படகோட்டம்]], மென்படகோட்டம், [[மிதிவண்டி]]யோட்டம், மீன்வேட்டை, [[பாறை]]யேற்றம், [[பள்ளத்தாக்கு|பள்ளத்தாக்கைக்]] கடப்பது போன்ற சாகச விளையாட்டுகளுக்கும் இது பெயர்பெற்றது.

[[தோல் நோய்கள்|தோல் நோய்]]களுக்கான மருத்துவப் பண்புள்ளதாகக் கருதப்படும் சோனாவில் உள்ள [[கந்தகம்|கந்தக]] [[வெந்நீரூற்று]], [[சுற்றுலா ஈர்ப்பு]]த்தளமாகவும், பரத்பூர் மன்னர் கட்டிய சிவன் கோவில் ஒரு சமய ஈர்ப்பு இடமாகவும் உள்ளன.<ref name=trib200>{{Cite web|url=https://www.tribuneindia.com/2000/20000218/haryana.htm|title=The Tribune, Chandigarh, India - Haryana|website=www.tribuneindia.com}}</ref><ref name=HT1>{{cite web |url=https://haryanatourism.gov.in/hotel-detail?serviceid=39 |title=Hotel Detail - BARBET, SOHNA (GURGAON) |access-date= 14 November 2021}}</ref>

==சான்றுகள்==
{{Reflist}}

[[பகுப்பு:அரியானா ஏரிகள்]]
[[பகுப்பு:குர்கான் மாவட்டம்]]
[[பகுப்பு:இந்திய நீர்த்தேக்கங்கள்]]
[[பகுப்பு:துப்புரவு முடிந்த காஞ்சிபுரம் மாவட்ட ஆசிரியர்கள் தொடங்கிய கட்டுரைகள்]]

தம்தமா ஏரி - திருத்த வரலாறு

14:52, 14 அக்டோபர் 2025 இல் imported>Anbumunusamy