imported>Arularasan. G: பாஸ்கர் துரைஆல் செய்யப்பட்ட கடைசித் தொகுப்புக்கு முன்நிலையாக்கப்பட்டது

2022-09-23T14:50:49Z

பாஸ்கர் துரைஆல் செய்யப்பட்ட கடைசித் தொகுப்புக்கு முன்நிலையாக்கப்பட்டது

புதிய பக்கம்

மொழியியல் சொற்களைப் பெயர் என்றும் வினை என்றும் பாகுபடுத்திக்கொள்ளும். தமிழ்மொழியில் இவற்றுடன் [[இடைச்சொல்]], [[உரிச்சொல்]] என்னும் பாகுபாடுகளும் உண்டு.

செய்யுள் ஈட்டிக்கொள்ளும் சொற்கள் என்று தொல்காப்பியம் சொற்களை வேறு வகையிலும் பாகுபடுத்திப் பார்க்கிறது. அவை [[இயற்சொல்]], '''திரிசொல்''', [[திசைச்சொல்]], [[வடசொல்]] என்பன.

இந்தப் பாகுபாடு பெயர்ச்சொற்களுக்கு மட்டுமே உரியது. <br /> வினைச்சொற்களுக்கு இந்தப் பாகுபாடு இல்லை. <ref>தொல்காப்பியம் எச்சவியல் நூற்பா 1 முதல் 7</ref> <ref>நன்னூல் நூற்பா 270 முதல் 274</ref>

==தொகுப்பு விளக்கம்==
# இயற்சொல் - தமிழ்நாட்டில் இயல்பாக வழங்கும் சொல் இயற்சொல்
# திரிசொல் - தமிழ்நாட்டில் இயல்பாக வழங்கும் சொல் சேரி வழக்கில் கொச்சைப்படுதல் உண்டு. அவற்றைச் செய்யுட்கு உரியனவாகத் திரித்துக்கொள்ளும் சொல் திரிசொல்.
# திசைச்சொல் - தமிழ்நாட்டின் அடையும் புடையும் கிடந்த திசைநாட்டார் வழங்கும் சொல் திசைச்சொல்.
# வடசொல் - ஆரிய மொழியில் வழங்கும் சொல் வடசொல்.

==திரிசொல் – தனி விளக்கம்==
திரிசொல் இரண்டு வகைப்படும்<ref> தொல்காப்பியம்</ref>
# ஒருபொருள் குறித்த வேறு சொல்
# வேறுபொருள் குறித்த ஒருசொல்
உரிச்சொல்லிலும் இந்த நிலை உண்டு.

எனவே உரிச்சொல்லுக்கும் திரிசொல்லுக்கும் உள்ள வேறுபாட்டை உணர்ந்துகொள்ள வேண்டும்.

திரிசொல் முழுமையான சொல்லாக இருக்கும். உரிச்சொல் குறைசொல்லாக இருக்கும்.<ref>தெய்வச்சிலையார்</ref>
===ஒருபொருள் குறித்த வேறு சொல்===
# கிள்ளை, தத்தை என்பன கிளியைக் குறிக்கும் வேறு சொற்கள்
# மஞ்ஞை, பிணிமுகம் என்பன மயிலைக் குறிக்கும் வேறு சொற்கள்
# வெற்பு, விலங்கர், விண்டு என்பன மலையைக் குறிக்கும் வேறு சொற்கள்
# மதி, திங்கள் என்பன நிலவைக் குறிக்கும் சொற்கள்

===வேறுபொருள் குறித்த ஒருசொல்===
# உந்தி = கொப்பூழ், யாழ்ப்பத்தல், தேர்த்தட்டு, ஆற்றுச்சுழி
# அளகு = கோழி, கூகை, மயில் ஆகியவற்றின் பெண்ணினத்தைக் குறிக்கும்.
# என்மனார், என்றிசினோர் போன்றவை வினையின் வகைப்பாட்டுத் திரிசொல்

==கருவிநூல்==
# தொல்காப்பியம் சொல்லதிகாரம் இளம்பூரணர் உரை, சைவசித்தாந்த நூற்பதிப்புக் கழக வெளியீடு, 1963
# தொல்காப்பியம் சொல்லதிகாரம் சேனாவரையர் உரை, ஆறுமுகநாவலர் பதிப்பு, 1934
# தொல்காப்பியச் சொல்லதிகாரக் குறிப்பு, டாக்டர் P.S. சுப்பிரமணிய சாஸ்திரி எழுதியது, பிரமோத ஆண்டு, 1932
# தொல்காப்பியம் சொல்லதிகாரம் நச்சினார்க்கினியர் உரை, சைவசித்தாந்த நூற்பதிப்புக் கழக வெளியீடு, 1962
# தொல்காப்பியம் சொல்லதிகாரம் கல்லாடனார் விருத்தி உரையும் பழைய உரையும், சைவசித்தாந்த நூற்பதிப்புக் கழக வெளியீடு, 1964
# தொல்காப்பியம் சொல்லதிகாரம் தெய்வச்சிலையார் உரை, சைவசித்தாந்த நூற்பதிப்புக் கழக வெளியீடு, 1963
==அடிக்குறிப்புகள்==

{{Reflist}}

[[பகுப்பு:சொல்லிலக்கணம்]]

திரிசொல் - திருத்த வரலாறு

imported>Arularasan. G: பாஸ்கர் துரைஆல் செய்யப்பட்ட கடைசித் தொகுப்புக்கு முன்நிலையாக்கப்பட்டது