Thiagalingam: "{{Infobox deity | type = இந்து | Image = Durga, gour tample, narinda, Dhaka, Bangladesh.JPG | Name = துர்க்கை | Devanagari = दुर्गा | Sanskrit_transliteration = {{IAST|Durgā}} | Pali_Transliteration = | God_of = வெ..."-இப்பெயரில் புதிய பக்கம் உருவாக்கப்பட்டுள்ளது

2025-01-09T15:41:08Z

"{{Infobox deity | type = இந்து | Image = Durga, gour tample, narinda, Dhaka, Bangladesh.JPG | Name = துர்க்கை | Devanagari = दुर्गा | Sanskrit_transliteration = {{IAST|Durgā}} | Pali_Transliteration = | God_of = வெ..."-இப்பெயரில் புதிய பக்கம் உருவாக்கப்பட்டுள்ளது

← பழைய திருத்தம்		15:41, 9 சனவரி 2025 இல் நிலவும் திருத்தம்
(வேறுபாடு ஏதுமில்லை)

imported>Arularasan. G: Changed protection settings for "துர்க்கை" ([தொகுத்தல்=நிருவாகிகளை மட்டும் அனுமதிக்கவும்] (02:18, 24 அக்டோபர் 2025 (UTC) மணிக்கு காலாவதியாகிறது) [நகர்த்தல்=நிருவாகிகளை மட்டும் அனுமதிக்கவும்] (02:18, 24 அக்டோபர் 2025 (UTC) மணிக்கு காலாவதியாகிறது))

2024-10-24T02:18:01Z

Changed protection settings for "துர்க்கை" ([தொகுத்தல்=நிருவாகிகளை மட்டும் அனுமதிக்கவும்] (02:18, 24 அக்டோபர் 2025 (UTC) மணிக்கு காலாவதியாகிறது) [நகர்த்தல்=நிருவாகிகளை மட்டும் அனுமதிக்கவும்] (02:18, 24 அக்டோபர் 2025 (UTC) மணிக்கு காலாவதியாகிறது))

புதிய பக்கம்

{{Infobox deity
| type = இந்து
| Image = Durga, gour tample, narinda, Dhaka, Bangladesh.JPG
| Name = துர்க்கை
| Devanagari = दुर्गा
| Sanskrit_transliteration = {{IAST|Durgā}}
| Pali_Transliteration =
| God_of = வெற்றிக்கும் வீரத்துக்கும்
| Weapon = [[திரிசூலம்]], [[சக்கரம்|ஆழி]], [[வாள்]], [[பாசம்]], அங்குசம் இன்னும் பல.
| Mount = [[சிங்கம்]], [[புலி]]
| Mantra = ஓம் ஸ்ரீ துர்க்கையே நம
}}

'''துர்க்கை''' புகழ்பெற்ற தமிழ்த் தெய்வம் ஆகும். துர்க்கை என்னும் சொல்லுக்கு [[சமஸ்கிருதம்|வடமொழியில்]] "வெல்லமுடியாதவள்" என்று பொருள் தமிழில் வெற்றிக்கு உரியவள்.<ref name=EB>{{cite web |title= Durga, |url= http://www.britannica.com/EBchecked/topic/174252/Durga |publisher= Encyclopædia Britannica Online |accessdate=7 October 2009}}</ref> அன்னை துர்க்கைக்கு பல்வேறுபட்ட [[புராணங்கள்|புராணக்]] கதைகள் உள்ள போதும் மகிடாசுரனாம் மேதியவுணனை அழிக்கவே அவள் தோன்றியதாகச் சொல்லப்படுகின்றது. அதனால் அவள் மகிடாசுரமர்த்தினி அல்லது மேதியவுணன்கொல்பாவை என்றும் அழைக்கப்படுவதுண்டு.<ref name=sanatan>{{cite web|url=http://www.sanatansociety.org/hindu_gods_and_goddesses/durga.htm#.U1-IhlfznYQ |title=Hindu Goddesses : Durga - Hindu goddess that kills your demons |publisher=Sanatansociety.org |date= |accessdate=2015-10-22}}</ref>

==பெயர்க்காரணம்==
துர்க்கை துர்+கை துர் என்றால் தீயவை என்று அர்த்தம். தீய செயல்களையும் தீயவர்களையும் தனது கையால் அழிப்பவள். அதனால் துர்கை என்று பெயர் ஆனது. மேலும் இவள் துர்காதேவி, ஆர்த்தி தேவி, ஜோதி தேவி என்றும் அழைக்கப்படுகிறாள்.

* '''துர்காதேவி''' தீய செயல்களை அழிப்பவள் என்பதாகும்.

* '''ஆர்த்திதேவி''' அல்லது ஆராத்திதேவி என்பதாகும் துர்கை தனது உக்கர நிலையில் நெருப்பு வடிவில் ஒளி தருபவளாக மற்ற கடவுளர்களுக்கு ஆராத்தி தீபமாக அருள் வடிவில் ஒளி தருகிறாள் என்று வட மாநிலங்களில் துர்கையை ஆர்த்திதேவி என்று கூறுகின்றனர்.

* '''ஜோதிதேவி''' துர்கை நாம் ஏற்றும் திரி விளக்கில் தீபமாக ஒளிர்கிறாள். எனவே ஜோதிதேவி என்றும் வட மாநிலங்களில் கூறுகின்றனர்.

* மேலும் இந்த துர்கையின் இரண்டு வடிவமான ஆர்த்திதேவி/ஜோதிதேவி உடன் பிறந்த சகோதரிகள் என்றும் நெருப்பும் துர்கையும் ஒன்று என வட இந்திய மாநிலங்களில் கருதப்படுகின்றது.

==தொன்மக் கதைகள்==
{{முதன்மை|மேதியவுணன்}}
[[File:Bagbazar Sarbojanin Arnab Dutta 2010.JPG|right|thumb|[[வங்கம்|வங்கத்து]] துர்க்கா பூசை. இலக்குமி சரஸ்வதி மற்றும் தன் இரண்டு குழந்தைகள் சூழ அருள்தரும் அன்னை, [[கொல்கத்தா]].]]
படைப்பின் ஆரம்பத்தில் உலகங்களையும் ஏனைய [[திருமால்|அரி]]-[[பிரம்மா|பிரமேந்திராதி]] தேவர்களைப் படைத்ததாகவும் சொல்லப்படுகின்றது. அந்நூலும் தேவி மான்மியம் எனும் இன்னொரு நூலும், அத்துர்க்கையானவள், இரம்பன் எனும் [[அரக்கர்|அசுரனின்]] மகனான மேதியவுணனை அழிப்பதற்காக [[மும்மூர்த்திகள்|முத்தேவர்]]களின் உடலிலிருந்தும், ஏனைய [[தேவர்]]களிலிருந்தும் ஒளி வடிவில் மீண்டும் தோன்றியதாகவும் சொல்லப்படுகின்றது. துர்தரன், துன்முகன், புகைக்கணான் (தூம்ரலோசனன்) முதலான மேதியவுணனின் படைத்தளபதிகளைக் கொன்று, இறுதியில் அவனையும் அன்னை வதைத்த கதை, அவற்றில் விரிவாகப் பாடப்படுகின்றது.[[விந்திய மலைத்தொடர்]], மற்றும் [[இமய மலை]]ப் பகுதிகளில் வாழ்ந்த பழங்குடிகளின் போர்த்தெய்வமொன்றே, பிற்காலத்தில் துர்க்கையாக வளர்ச்சி பெற்றிருக்கக் கூடும் என நம்பப்படுகின்றது.<ref>McDaniel, June (2004). ''[https://books.google.com/books?id=caeJpIj9SdkC Offering Flowers, Feeding Skulls: Popular Goddess Worship in West Bengal]''. Oxford University Press. {{ISBN|0-19-516791-0}}. p. 214.</ref>

==தமிழ் மரபு==
{{முதன்மை|கொற்றவை}}
[[File:Durga_Deity_in_Tiruvannamalai.JPG|thumb|left|பழந்தமிழ்க்[[கொற்றவை]]யே பின்னாளில் துர்க்கையாக வளர்ந்தாள். [[திருவண்ணாமலை]]த் துர்க்கை]]
[[பரிபாடல்]], [[திருமுருகாற்றுப்படை]], [[சிலப்பதிகாரம்]] முதலான பழந்தமிழ் இலக்கியங்களில், கொற்றவை என்ற அன்னைத் தெய்வமாக துர்க்கை பற்றிக் குறிப்பிடுகின்றன. காலில் மேதியவுணனின் எருமைத்தலை கிடக்க, இன்றைய துர்க்கையாகவே காட்சியருளும் கொற்றவையை [[சிலப்பதிகாரம்|சிலம்பில்]] காணலாம்.<ref>{{cite book | title=பெண்தெய்வ வழிபாடு தோற்றமும் வளர்ச்சியும் | publisher=டாக்டர். மா. இராசமாணிக்கனார் வரலாற்று மையம் | author=நளினி, மு., கலைக்கோவன், இரா | year=2005 | pages=246}}</ref>

==உருவ இலக்கணம்==
'''சில்ப ரத்னம்''' எனும் நூலின்படி, அவள் முக்கண்ணி, எண்கரத்தி, [[சந்திரன்]] அலங்கரிக்கும் சடா மகுடம் கொண்டவள், வலக்கரங்களில் [[திரிசூலம்]], [[வாள்]], [[சக்கரம்]], [[வில்]] என்பனவும், இடக்கைகளில் பாசம், [[கோடரி]], [[கேடயம்]], அங்குசம் என்பனவும் விளங்க, குருதி வடியும் [[எருமை]]த்தலை காலடியில் கிடக்க சிங்கம் மீது ஒரு காலூன்றி, கம்பீரமாக நிற்பாள். தலை துண்டமான எருமை உடலிலிருந்து, கையில் வாளும் கேடயமும் ஏந்தி, மேதியன் வெளிவந்து, தன்னைப் பாசத்தால் கட்டும் தேவியை எதிர்ப்பான். அன்னையின் மறுகால் அவ்வெருமை உடல்மீது நிற்கும்.<ref name="dur">{{cite book | url= | title=Book Of Durga | publisher=Penguin Books India | author=Chitgopekar, Nilima | year=2009 | pages=127 | isbn=9780143067672}}</ref>

==சிற்பங்கள்==
துர்க்கையின் மிகப்பழைமையான வடிவங்களை கிறிஸ்து காலத்தைய வடமொழி இலக்கியங்களிலும் அதேகாலத் தமிழ் இலக்கியங்களிலும் காணமுடிகின்றது. [[குசான் பேரரசு|குசாணர்]] காலத்திலேயே ([[பொது ஊழி|பொ.மு.]] 30–[[பொது ஊழி|பொ.பி.]] 375) அவளது சிற்பங்கள் முதன்முதலாக கிடைக்கப்பெற்றிருக்கின்றன.<ref>{{cite book | url=https://books.google.lk/books?isbn=0870996134 | title=The Lotus Transcendent: Indian and Southeast Asian Art from the Samuel Eilenberg Collection | publisher=Metropolitan Museum of Art | author=Martin Lerner, ‎Steven Kossak | year=1991 | pages=54 | isbn=0870996134}}</ref> மேதியவுணனை அழிக்கும் கோலத்திலேயே அவள் பெரும்பான்மையாகச் சித்தரிக்கப்படுவதுண்டு.
[[படிமம்:Mahabalipuram Mahishasura 1.jpg|thumb|300px|left|[[மகிடாசுரமர்த்தினி சிற்பம், மாமல்லபுரம்|மாமல்லபுரத்து மேதியவுணன் - அன்னை போர்ச்சிற்பம்]].]]
மத்திய பிரதேசத்திலுள்ள [[குப்தப் பேரரசு|குப்தர்]] கால குகைச் சிற்பமொன்றில் அவள் பன்னிருகரத்தினளாக சித்தரிக்கப்படுகின்றாள்.[[குசான் பேரரசு|குசாணர்]] சிற்பங்களில் காட்டப்படும் சிங்கம், பிற்காலத்தைய [[குப்தப் பேரரசு]]ச் சிற்பங்களில் ([[பொது ஊழி|பொ.பி.]] 240 முதல் 600 வரை) காட்டப்படவில்லை. எனினும் பிற்காலத்தில் சிங்கம், மீண்டும் துர்க்கையின் வாகனமாக ஏற்கப்பட்டிருக்கின்றது. சில இடங்களில் [[புலி]]யும் அவள் ஊர்தியாகச் சொல்லப்படுவதுண்டு. குயராத்தில் "குரபுரை" என்றழைக்கப்படும் புலி வாகனம் கொண்ட பழங்குடித் தெய்வமும்<ref>{{cite book | url=https://books.google.lk/books?id=5_cYAAAAYAAJ | title=The Earth Mother | publisher=Penguin Books | author=Pupul Jayakar | year=1989 | pages=76}}</ref>, [[மத்திய பிரதேசம்|சில மத்திய பிரதேசத்து]] நம்பிக்கைகளும், புலியில் இவர்கின்ற துர்க்கையாக வளர்ந்திருக்கக் கூடும்.

தென்னகத்தில் மிகப்பழைய துர்க்கையின் சிற்பம், [[கர்நாடகா]]வின் சன்னடி பகுதியில் கிடைத்த பொ.பி 3ஆம் நூற்றாண்டு [[சுடுமண் சிற்பம்]] ஆகும்.<ref name="dur"/> அதிலும் மேதியவுணனைக் கொல்பவளாகவே அவள் காட்சியளிக்கிறாள். இன்னும் [[மகாபலிபுரம்|மாமல்லபுரத்து]]ப் புகழ்பெற்ற சிற்பங்களில் ஒன்றான, [[மகிடாசுரமர்த்தினி சிற்பம், மாமல்லபுரம்|தேவிக்கும் - மேதியனுக்கும் இடையிலான போர்க்காட்சி]], வேறெங்கும் காணற்கரிய அரிய சிற்பங்களில் ஒன்றாகும். அதே இடத்தில், சங்கு சக்கரமேந்தி நாற்கரத்தினலாகக் காட்சி தரும் கொற்றவை முன்பு, [[நவகண்டம்|நவகண்டப்]] பலி நிகழும் சிற்பமும், அக்கால வழக்கங்களில் ஒன்றைத் தெளிவாகச் சுட்டிக்காட்டும் சிற்பம்.

==வழிபாடு==
[[File:Durga, Burdwan, 2011.JPG|thumb|left|பரிவார தேவதைககளின் நடுவில் துர்கை]]
துர்க்கையின் முக்கியமான வழிபாட்டுக் காலம், [[நவராத்திரி]]க் காலமே ஆகும். [[மைசூரு தசரா|தசரா]] என்ற பெயரிலும் "துர்க்கா பூசை" என்ற பெயரிலும் அது சிறப்பாகக் கொண்டாடப்பட்டு வருகின்றது. நவராத்திரியின் போது, ஒவ்வொரு நாளும் ஒவ்வொருத்தி என, துர்க்கையின் [[நவதுர்க்கை|ஒன்பது வடிவங்களை]] வழிபடுவது வழக்கம்.<ref>{{cite book |title= Religion & globalization: world religions in historical perspective |last= Esposito |first= John L. |author2=Darrell J. Fasching |author3=Todd Vernon Lewis |year= 2007 |publisher= Oxford University Press |location= |isbn= 0-19-517695-2 |page= 341 |accessdate=}}</ref> தமிழகத்தில் அண்மைக்காலமாக, இராகுகால துர்க்கை வழிபாடு புகழ்பெற்று வருகின்றது.<ref>{{cite book | title=Puratan, Volume 14 | publisher=Department of Archaeology and Museums, Madhya Pradesh | year=2006}}</ref>

நவராத்திரியின் இறுதி நான்கு நாட்களும் ([[விஜயதசமி]]யும் சேர்த்து) துர்க்கா பூசை செய்வது, [[வங்கம்]], [[அசாம்]], [[ஒடிசா]], [[நேபாளம்]] போன்ற இடங்களில் பெருவழக்கு. இந்நாட்களில் அன்னை துர்க்கையை, அவள்தம் குழந்தைகளான [[முருகன்|கார்த்திகேயன்]], [[பிள்ளையார்|கணேசர்]], [[திருமகள்|இலக்குமி]], [[சரசுவதி]] ஆகிய நால்வரும் புடைசூழ வழிபடுவது வங்கத்தில் வழக்கம்.<ref>Kinsley, David (1988). ''[https://books.google.com/books?id=hgTOZEyrVtIC Hindu Goddesses: Vision of the Divine Feminine in the Hindu Religious Traditions].'' University of California Press. {{ISBN|0-520-06339-2}}. p. 95.</ref>
[[தெலுங்கானா]]ப் பகுதியில், நவராத்திரி நாட்களில் "பாதுகாம்மா" என்ற பெயரில் அவளைப் போற்றுவது வழமை. மகிடாசுரமர்த்தினி தோத்திரம், துர்க்கா சப்தசதி முதலான துர்க்கையின் புகழ்பெற்ற துதிப்பாடல்கள் இந்நாட்களில் பாடப்படும்.

[[காசுமீர்|காஷ்மீரில்]] "சாரிகை" என்ற பெயரில் துர்க்கை வழிபடப்படுகின்றாள். [[பட்டீச்சரம் பட்டீஸ்வரர் கோயில்|பட்டீஸ்வரம் துர்க்கை கோயிலும்]], [[விஜயவாடா]]விலுள்ள கனகதுர்க்கை ஆலயமும், [[மைசூர்]] சாமுண்டேஸ்வரி ஆலயமும், [[திருநெல்வேலி]]யில் உள்ள [[மறுகால் குறிச்சி துர்கா மாரியம்மன்]] ஆலயமும் தென்னகத்தில் பிரபலமாக விளங்குகின்ற துர்க்கை ஆலயங்கள் ஆகும்.

== மேலும் காண ==
* [[தேவி மகாத்மியம்]]
* [[தேவி பாகவத புராணம்]]
* [[காளி]]
* [[துர்கா பூஜை]]
* [[சாக்தம்]]

==மேற்கோள்கள்==
<references/>

== மேலதிக வாசிப்புக்கு==
*Amazzone, Laura (2010). ''[https://books.google.com/books?id=PM_TNDu8NHUC Goddess Durga and Sacred Female Power]''. University Press of America, Lanham. {{ISBN|0761853146}}.
* Bandyopadhyay, Pranab (1993). ''Mother Goddess Durga''. United Writers, Calcutta. {{ISBN|81-85328-13-7}}.
* Kinsley, David (1986). ''[https://books.google.com/books?id=hgTOZEyrVtIC Hindu Goddesses: Vision of the Divine Feminine in the Hindu Religious Traditions]''. Motilal Banarsidass Publ., Delhi. {{ISBN|81-208-0379-5}}.
* [[Ramprasad Sen|Sen Ramprasad]] (1720–1781). ''Grace and Mercy in Her Wild Hair: Selected Poems to the Mother Goddess''. Hohm Press. {{ISBN|0-934252-94-7}}.

== வெளி இணைப்புகள் ==
* [http://www.penmai.com/vratham-poojas-traditions/%E0%AE%B0%E0%AE%BE%E0%AE%95%E0%AF%81-%E0%AE%95%E0%AE%BE%E0%AE%B2-%E0%AE%A4%E0%AF%81%E0%AE%B0%E0%AF%8D%E0%AE%95%E0%AF%8D%E0%AE%95%E0%AF%88-%E0%AE%AA%E0%AF%82%E0%AE%9C%E0%AF%88 இராகுகால துர்க்கை வழிபாடு]

{{சாக்தம்}}

[[பகுப்பு:சாக்தம்]]
[[பகுப்பு:பார்வதியின் வடிவங்கள்]]
[[பகுப்பு:இந்து பெண் தெய்வங்கள்]]

துர்க்கை - திருத்த வரலாறு