04:38, 29 சூலை 2024 இல் imported>Ksmuthukrishnan

2024-07-29T04:38:30Z

புதிய பக்கம்

'''தெமாங்கோங்''' அல்லது '''தெமெங்குங்''', [[ஆங்கிலம்]]: ''Tumenggung'' அல்லது ''Temenggong;'' [[மலாய்|மலாய் மொழி]]: ''Temenggung''; [[ஜாவி]]: ''تمڠݢوڠ''; [[சாவகம் (மொழி)|சாவகம்]]: ꦠꦸꦩꦼꦁꦒꦸꦁ; ''Tumenggung''); என்பது பாரம்பரிய [[சாவகம்|ஜாவானிய]], மலாய் இராச்சியங்களில் ஒரு பிரபு பதவியைக் ''(Title of Nobility)'' குறிக்கும் சொல் ஆகும். [[மலாக்கா சுல்தானகம்|மலாக்கா சுல்தானகத்தில்]] தெமாங்கோங் பதவி ஓர் உயர்ந்த பதவியாகும்.<ref>{{Cite book|last=M.Pd|first=Dr Endi Rochaendi|url=https://books.google.com/books?id=UKcPEAAAQBAJ&dq=fungsi+tumenggung&pg=PA62|title=Sebuah Catatan Majalengka Tempo Dulu: Alam, Manusia & Kehidupan|date=2020-12-14|publisher=Media Sains Indonesia|isbn=978-623-6882-64-1}}</ref>

ஒரு சுல்தானகத்தில் ஒரு சுல்தானின் பாதுகாப்பு படையின் தலைவருக்கான இந்தப் பதவி, சுல்தானின் நம்பிக்கைக்கு உரியவர்களுக்கு மட்டுமே வழங்கப்பட்டது. அதாவது தெமாங்கோங் என்பது ஒரு சுல்தானகத்தின் காவல்துறை மற்றும் இராணுவத்தை மேற்பார்வையிடும் பொறுப்புள்ள பதவி.<ref>{{Cite book|last=Graaf|first=Hermanus Johannes de|url=https://books.google.com/books?id=CaQeAAAAMAAJ&q=tumenggung+tentara|title=Puncak kekuasaan Mataram: politik ekspansi Sultan Agung|date=1986|publisher=Grafitipers|isbn=978-979-444-090-2}}</ref>

==பொது==

[[மலாக்கா]]வின் முதல் மன்னரான [[பரமேசுவரா]]வின் ஆட்சிக் காலத்தில் தெமாங்கோங் பதவி உருவாக்கப் பட்டது. அப்போது [[மலாக்கா]] சுல்தானகத்தின் ''(Sultanate of Melaka)'' வாரிசாக இருந்தவருக்கு தெமாங்கோங் பதவி வழங்கப்பட்டது. இந்தத் தெமாங்கோங் பதவி, பின்னர் [[ஜொகூர்]] சுல்தானகத்தின் காலத்திலும் தொடர்ந்தது.<ref name="turnbull">{{cite book|last=Turnbull|first=C.M.|author-link = C. M. Turnbull| title=A History of Singapore: 1819-1975|year=1977|publisher=Oxford University Press|location=Kuala Lumpur|isbn=0-19-580354-X}}</ref>

ஒரு தெமாங்கோங் பதவி ஒரு சுல்தானால் நியமிக்கப்படும் பதவி. ஓர் இராச்சியத்தின் அதன் எல்லைப் பகுதிகளில் உள்ள பிரதேசங்களின் ஆட்சியாளராக ஒரு தெமாங்கோங் நியமிக்கப்படலாம். அந்தப் பிரதேசங்களில் அவர் ஒரு துணை ஆளுநராக செயல்படுவார். [[புரூணை]] சுல்தானகத்தில் தெமாங்கோங் பதவியை வாசீர் ''(Wazir)'' என்று அழைத்தார்கள்.<ref>{{Cite book|url=https://books.google.com/books?id=8xZEDwAAQBAJ&dq=Bahureksa+Kendal&pg=PA25|title=5 Sultan Nusantara Melawan Penjajah: Seri Kepahlawanan Raja-raja Nusantara|date=2017-12-22|publisher=Sang Surya Media}}</ref>

===ஜொகூர்===

[[ஜொகூர் சுல்தானகம்|ஜொகூர் சுல்தானகத்தில்]], தெமாங்கோங் மூவார் ''(Temenggong of Muar)'' என்பவர், ஏறக்குறைய இரண்டு நூற்றாண்டுகளாக [[சிகாமட்]] நகரை மையமாகக் கொண்டு செயல்பட்டு வந்தார்.

இருப்பினும் தெமாங்கோங் ஜொகூர் ''(Temenggong of Johor)'' என்பவர் ஒட்டுமொத்த ஜொகூர் மாநிலத்திற்கும் தலைவராக இருந்தார். இவர் தெமாங்கோங் செரி மகாராஜா ''(Temenggung Seri Maharaja)'' என்று அழைக்கப்பட்டார்.

===தெமாங்கோங் அபு பக்கார்===

தெமாங்கோங் மூவார் என்பவர் [[மூவார்]], [[சிகாமட்]] பகுதிகளுக்குத் தலைவராக இருந்த போதும் அவர் [[ஜொகூர்]] தெமாங்கோங்கின் கட்டுப்பாட்டிற்குள் இருந்தார். 1868-இல், தெமாங்கோங் ஜொகூராக இருந்தவர் தெமாங்கோங் அபு பக்கார் ''(Temenggong Abu Bakar).''

இவர் தன்னை ஒரு மகாராஜாவாக அறிவித்ததுக் கொண்டு, [[ஜொகூர்]] மாநிலத்தின் கட்டுப்பாட்டையும் ஏற்றுக் கொண்டார். 1885-இல், தன்னை ஒரு சுதந்திர ஆட்சியாளராக அறிவித்து, சுல்தான் எனும் பட்டத்தையும் ஏற்றுக் கொண்டார்.

==மலேசியாவில் தற்போதைய பயன்பாடு==

தற்போது மலேசியாவில் மலாய் ஆட்சியாளர்களின் மாநிலங்களிலும் தெமாங்கோங் எனும் பதவி செயல்படுத்தப் படுகிறது. அதன் விவரங்கள்:

{| class="wikitable"
|-
! மாநிலம் !! பதவி பெயர் !! பதவியில்
|-
| [[File:Flag of Johor.svg|22px|border]] '''[[ஜொகூர்]]''' || துங்கு தெமாங்கோங் ஜொகூர் || துங்கு இட்ரிசு இசுகந்தர் இசுமாயில்
|-
| [[File:Flag of Kedah.svg|22px|border]] '''[[கெடா]]''' || துங்கு தெமாங்கோங் கெடா || துங்கு [[டான் ஸ்ரீ]] இந்தான் சபினாசு
|-
| [[File:Flag of Kelantan.svg|22px|border]] '''[[கிளாந்தான்]]''' || துங்கு தெமாங்கோங் கிளாந்தான் || துங்கு முகமது ரிசாம் துங்கு அப்துல் அசிசு
|-
| [[File:Flag of Pahang.svg|22px|border]] '''[[பகாங்]]''' || துங்கு ஆரிப் தெமாங்கோங் பகாங் || துங்கு அப்துல் பாரித் முவாசாம்
|-
| [[File:Flag of Perlis.svg|22px|border]] '''[[பெர்லிஸ்]]''' || துங்கு சரீப் தெமாங்கோங் பெர்லிஸ் || [[டத்தோ ஸ்ரீ]] திராஜா சையத் அமீர் ஜைனால் அபிடின்
|-
| [[File:Flag of Selangor.svg|22px|border]] '''[[சிலாங்கூர்]]''' || துங்கு அரிசு தெமாங்கோங் சிலாங்கூர் || துங்கு டத்தோ செத்தியா முகம்மது யூசோப் ஷா
|-
| [[File:Flag of Terengganu.svg|22px|border]] '''[[திராங்கானு]]''' || துங்கு ஸ்ரீ தெமாங்கோங் ராஜா திராங்கானு || [[டத்தோ ஸ்ரீ]] துங்கு பகாருடின்
|}

==மேற்கோள்கள்==
{{reflist}}

==துணை நூல்கள்==

* R.O. Windstedt, ''Bendaharas and Temenggungs'', Journal of Malayan Branch of Royal Asiatic Society, Vol X part I, 1932

* R.O. Windstedt, ''Early Rulers of Perak, Pahang and Acheh'', Journal of Malayan Branch of Royal Asiatic Society, Vol X part I, 1932

==மேலும் காண்க==

{{மலேசிய வரலாறு}}
{{மலாக்கா வரலாறு}}

[[பகுப்பு:மலாக்கா]]
[[பகுப்பு:மலேசிய வரலாறு]]
[[பகுப்பு:மலேசிய முசுலிம்கள்]]

தெமாங்கோங் - திருத்த வரலாறு

04:38, 29 சூலை 2024 இல் imported>Ksmuthukrishnan