imported>Arularasan. G: Protected "நப்பின்னை" ([தொகுத்தல்=தானாக உறுதியளிக்கப்பட்ட பயனர்களை மட்டும் அனுமதி] (07:37, 10 மார்ச்சு 2026 (UTC) மணிக்கு காலாவதியாகிறது) [நகர்த்தல்=தானாக உறுதியளிக்கப்பட்ட பயனர்களை மட்டும் அனுமதி] (07:37, 10 மார்ச்சு 2026 (UTC) மணிக்கு காலாவதியாகிறது))

2025-03-10T07:37:09Z

Protected "நப்பின்னை" ([தொகுத்தல்=தானாக உறுதியளிக்கப்பட்ட பயனர்களை மட்டும் அனுமதி] (07:37, 10 மார்ச்சு 2026 (UTC) மணிக்கு காலாவதியாகிறது) [நகர்த்தல்=தானாக உறுதியளிக்கப்பட்ட பயனர்களை மட்டும் அனுமதி] (07:37, 10 மார்ச்சு 2026 (UTC) மணிக்கு காலாவதியாகிறது))

புதிய பக்கம்

[[படிமம்:Prasat_Sa_Kamphaeng_Yai-pano-3.jpg|thumb|right|400px| [[விஷ்ணு]] , [[லட்சுமி (இந்துக் கடவுள்)|ஸ்ரீதேவி]], [[பூமாதேவி|பூதேவி]], '''நீளா தேவி(நப்பின்னை)''']]

'''நப்பின்னை''' என்பவள், பழந்தமிழ் [[வைணவம்|வைணவப்]] பாசுரங்களும் [[சைவம்|சைவத்]] திருமுறைகளும் குறிப்பிடும், [[கண்ணன்|கண்ணனின்]] மனைவியாவாள். நப்பின்னை, கண்ணனின் வளர்ப்புத் தாய் [[யசோதை]]யின் தமையனான கும்பக்கோன் மகள். அவளுடன் கண்ணனும், பலராமனும் இணைந்து சிறுவயதில் ஆடும் குரவைக்கூத்தையே சிலப்பதிகாரம் சித்தரிக்கின்றது.<ref>E.A.Edholm and C.Sunesan, (1972) "The seven bulls and Krsna's marriage to Nila/Nappinnai" pp.43-47"</ref> [[மிதிலை]] அரசனான கும்பக்கோன்<ref>Journal of the Institute of Asian Studies, Volume 16 (1996) p.126</ref>, தன் காளைகளை அடக்குபவனுக்கு நப்பின்னை கிடைப்பாள் என்று அறிவித்து வைக்கும் போட்டியில் கண்ணன் கலந்துகொண்டு, [[ஏறுதழுவல்|ஏறுதழுவி]] வென்று, நப்பின்னையை மணம் புரிகின்றான்.

காலத்தாற் பிந்திய [[திருவள்ளுவமாலை]]யின் பாடலொன்றில், இவள் "உபகேசி" என்ற பெயரில் சுட்டப்படுகின்றாள்.<ref>[[திருவள்ளுவமாலை#நல்கூர் வேள்வியார்|நல்கூர் வேள்வியார் பாடல்]]</ref>கண்ணனின் திருவிளையாடல்களையும், தேவியரையும் பற்றிக் கூறும் [[பாகவதம்]], [[மகாபாரதம்]], [[விஷ்ணு புராணம்]] முதலிய நூல்களிலோ, வடநாட்டு இலக்கியங்களிலோ இவள் பற்றிய குறிப்புகளைக் காணக்கிடைக்கவில்லை. எனினும், குறைந்தபட்சச் சான்றுகளின் அடிப்படையில், இவளை, கண்ணனின் [[எண்மனையாட்டி]]யரில் ஒருத்தியான [[நக்னசித்தி]]யாக இனங்காண்பதுண்டு.<ref>[https://books.google.lk/books?id=MKlxmpnstLwC R. K. Das (1964) "Temples of Tamilnad" p.51]</ref>

== தமிழிலக்கியங்களில் நப்பின்னை==
;பழந்தமிழ் இலக்கியங்கள்
சிலப்பதிகாரத்திலும், சீவகசிந்தாமணியிலும் நப்பின்னை பற்றிய குறிப்புகள் காணப்படுகின்றன. கலித்தொகை முதலான சங்க இலக்கியங்கள் அவளை மணக்கக் கண்ணன் ஏறுதழுவிய செய்தியைச் சொல்கின்றன.<ref>Charlotte Vaudeville (1996) "Myths, Saints and Legends in Medieval India" p.44</ref>

;வைணவ இலக்கியங்கள்
[[ஆண்டாள்]] தன் திருப்பாவையிலும்<ref>[[திருப்பாவை]] 19,20</ref>, [[நம்மாழ்வார்]]<ref>பெரிய திருவந்தாதி 48</ref>
"பின்னைமணாளன்" (நம்மாழ்வார் பிர.162) என்றும், [[திருமழிசையாழ்வார்]] "பின்னைகேள்வ" (மழிசையாழ்வார் பிர.850) என்றும், இன்னும் பலவிதமாகவும்,
[[நாலாயிர திவ்வியப் பிரபந்தம்]] பலவாறாகக் கண்ணனையும் நப்பின்னையையும் போற்றிப் புகழ்கின்றது.<ref>[https://thiruvonum.wordpress.com/2015/08/08/%E0%AE%B8%E0%AF%8D%E0%AE%B0%E0%AF%80-%E0%AE%AA%E0%AE%BE%E0%AE%9A%E0%AF%81%E0%AE%B0%E0%AE%AA%E0%AF%8D-%E0%AE%AA%E0%AE%9F%E0%AE%BF-%E0%AE%B8%E0%AF%8D%E0%AE%B0%E0%AF%80-%E0%AE%95%E0%AE%BF%E0%AE%B0-14/ நப்பின்னைப் பிராட்டியார் பரமான அருளிச்செயல்கள்]</ref>

;சைவ இலக்கியங்கள்
[[மாணிக்கவாசகர்]], திருமாலை, "ஏர்ப்பின்னை தோள்முன் மணந்தவன்"<ref>[http://www.thevaaram.org/thirumurai_1/songview.php?thiru=8&Song_idField=8218&padhi=18&startLimit=8&limitPerPage=1&sortBy=&sortOrder=DESC திருக்கோவையார் 18:8]</ref> என்றும், [[சுந்தரர்]] "பின்னை நம்பும் புயத்தான்"<ref>[http://www.thevaaram.org/thirumurai_1/songview.php?thiru=7&Song_idField=70630&padhi=063&startLimit=7&limitPerPage=1&sortBy=&sortOrder=DESC திருமுறை 7:63:7]</ref> என்றும் பாடுகின்றனர்.

==குழப்பங்கள்==
தமிழ் இலக்கியங்கள் குறிப்பிடும் நப்பின்னை பற்றிய குறிப்புகள், வேறெந்த வடமொழி இலக்கியங்களி்லும் வெளிப்படையாகச் சொல்லப்படவில்லை.<ref>[https://books.google.lk/books?isbn=8170173981 T. Padmaja (2002) "Temples of Kr̥ṣṇa in South India: History, Art, and Traditions in Tamilnāḍu" pp.86]</ref> எனவே யாரிந்த நப்பின்னை என்பதில் இன்றளவும் குழப்பம் நீடிக்கின்றது. பொதுவாக நப்பின்னையை, [[சுபத்திரை]], [[நீளாதேவி]], [[ராதை]], [[நக்னசித்தி]], ஆகியோருடன் இணைத்தே ஆய்வாளர்கள் தத்தம் வாதங்களை முன்வைக்கின்றனர்.

===சுபத்திரை===
"நப்பின்னை" என்ற பெயரை மாத்திரம் கருத்திற்கொண்டு, அதை "நல்+பின்னை" என்று பிரித்து, கண்ணனுக்குப் பின் பிறந்தவளான [[சுபத்திரை]]யாக சில ஆய்வாளர் குறிப்பிடுவர்.<ref>J. J. Bhabha "Mārg̲, Volume 23" (1969) p.85</ref> குரவைக்கூத்தில் கண்ணன், [[பலராமர்]], நப்பின்னை ஆகியோர் நிற்கும் முறைமை, இன்றைய [[புரி ஜெகன்நாதர் கோயில்|பூரி செகநாதர் கோயிலில்]] பலராமன், சுபத்திரை, கண்ணன் ஆகியோர் நிற்பதை ஒத்ததாக இருப்பதும், இவர்களின் வாதத்துக்கு வலுச் சேர்க்கின்றது.<ref>Congress and Sundeep Prakashan (2001) "Proceedings of the 9th Session of Indian Art History Congress, Hyderabad, November 2000 p.152</ref> ஆனால், நப்பின்னையை கண்ணன் தேவி என்று தெளிவாகவே தமிழிலக்கியங்கள் சொல்வதால், பின்னை என்பவள், கண்ணனின் காதலியே அன்றித் தங்கை அல்ல என்று முடிவுகொள்ள முடிகின்றது.

===ராதை===
==பிற்காலத் தமிழ் மரபு==
19ஆம் நூற்றாண்டின் இறுதியில் வாழ்ந்த மதுரகவி ஸ்ரீநிவாச ஐயங்காரின் "நப்பின்னைப் பிராட்டியார் திருமணம்" எனும் நூல், தமிழில் வெளிவந்துள்ள நப்பின்னை பற்றிய இறுதியான - முழுமையான நூலாக இனங்காணப்படுகின்றது.<ref>[https://www.scribd.com/doc/17169154/Nappinnai-pirattiyar-thirumanam மதுரகவி ஸ்ரீநிவாச ஐயங்காரின் "நப்பின்னைப் பிராட்டியார் திருமணம்" மின்னூல்]</ref>

==மேலும் பார்க்க==
* [[எண்மனையாட்டி]]
* [[ராதை]]
* [[நக்னசித்தி]]

==அடிக்குறிப்புகள்==
<references/>

==உசாத்துணைகள்==
*[https://www.scribd.com/doc/17169154/Nappinnai-pirattiyar-thirumanam மதுரகவி ஸ்ரீநிவாச ஐயங்காரின் "நப்பின்னைப் பிராட்டியார் திருமணம்" மின்னூல்]
* [http://www.tamilhindu.com/2009/12/who-is-nappinnai/ "யார் நப்பின்னை?" தமிழ் இந்து வலைத்தளம்]

{{கிருட்டிணன்}}
[[பகுப்பு:பாகவத புராண மாந்தர்]]
[[பகுப்பு:கண்ணனின் மனைவிகள்]]

நப்பின்னை - திருத்த வரலாறு