05:33, 3 நவம்பர் 2012 இல் imported>Kanags

2012-11-03T05:33:01Z

புதிய பக்கம்

'''பாண்டில்''' என்னும் சொல் வெண்ணிறத்தைக் குறிக்கும். <ref>பாண்டில் போலப் பகன்றை வெண்ணிறத்தில் பூ மலரும். நற்றிணை 86</ref> வெண்ணிற மூடாக்கு வண்டி, வெண்ணிற விரிப்புள்ள கட்டில், வெண்ணிறமுள்ள சங்கு, வெண்ணிறத் தோலால் போர்த்தப்பட்ட யாழ்ப்பெட்டி, மகளிர் இடுப்பில் அணிந்துகொள்ளும் வெண்ணிற ஒட்டியாணம், வெள்ளி-விளக்கு முதலான பொருள்களை உணர்த்தும். பாண்டில் என்னும் பெயர் கொண்ட ஓர் அரசனும் இருந்தான்.
;வெண்ணிற மூடாக்கு வண்டி
*பாண்டில் என்பது குதிரைவண்டி. இதனை [[நல்லியக்கோடன்]] பாணர்க்கும் <ref>மா செலவு ஒழிக்கும் மதனுடை நோன்தாள் வான்முகப் பாண்டில் வலவனொடு நல்கி - சிறுபாணாற்றுப்படை 260</ref> [[செல்வக் கடுங்கோ வாழியாதன்|செல்வக் கடுங்கோ வாழியாதனும்]], <ref>பதிற்றுப்பத்து 64</ref> இளஞ்சேரல் இரும்பொறையும் <ref>பதிற்றுப்பத்து 90</ref> புலவர்க்கும் வழங்கினர்.
*போரில் பயன்படுத்தப்படும் வண்டி. <ref>பொலந் தும்பைக் கழல் பாண்டில் - புறம் 97-15</ref>
*மகளிர் ஏறிச் செல்லும் வண்டி. இளம்பாண்டில் தேர் ஊர – கலித்தொகை 109-4
;வண்டி வேறுபாடுகள்
:வையம் என்பது மாட்டுவண்டி. பாண்டில் என்பது குதிரை பூட்டிய வெள்ளை-வண்டி. தேர் என்பது மணியோசையுடன் செல்லும் வண்டி. <ref>வையமும் பாண்டிலும், மணித்தேர்க் கொடுஞ்சியும் - சிலப்பதிகாரம் 14-168</ref>
;வெண்ணிற விரிப்புள்ள கட்டில்
*அரசன் அந்தப்புரத்தில் அரசியொடு உறங்கும் கட்டில் <ref>பெரும்பெயர்ப் பாண்டில் - நெடுநல்வாடை 121</ref>
*அரசனின் முரசு வைக்கும் (வெண்ணிறக்) கட்டில் <ref>சிலப்பதிகாரம் 26-194</ref>
;வெண்ணிறமுள்ள சங்கு
:ஒலி பெருக்கியாக ஊதப்படும் சங்கு. பகர் குரல் பாண்டில் அகவுநர் - பரிபாடல் 15-42
;வெண்ணிறத் தோல் போர்த்திய யாழ்ப்பெட்டி
:யாழை மூடி வைக்கும் பெட்டி <ref>நுண் உருக்கு உற்ற விளங்கு அடர்ப் பாண்டில் - மலைபடுகடாம் அடி 4</ref> வண்ணிறத் தோல்பெட்டி. <ref>பகன்றை ... தோல் எறி பாண்டிலின் வாலிய மலர - அகம் 217</ref>
;மகளிர் இடுப்பில் அணியும் வெண்ணிற ஒட்டியாணம்
:பாண்டில் என்பது மகளிர் வயிற்றுக்குக் கீழ் இடையில் அணியும் பொன்னணி. (ஒட்டியாணம்) <ref>அவ்வயிற்று இளம்பொன் பாண்டில் மணியொடு தெளிர்ப்ப - அகம் 376.</ref> <ref>பொலம்பசும் பாண்டில் காசுநிறை அல்குல் – ஐங்குறுநாறு 310,</ref> <ref>பொன் செய் பாண்டில் பொலங்கலம் – ஐங்குறுநூறு 316.</ref> <ref>ஒண் சுடர்ப் பாண்டில் பொன் சுடர் போல – ஐங்குறுநூறு 405</ref>
;வெள்ளி விளக்கு
:பாண்டில் என்பது ஒருவகை விளக்கு. <ref>பதிற்றுப்பத்து 52</ref>
==[[பாண்டில் அரசன்]]==
:பாண்டில் என்பவன் [[அரிசில்]] என்னும் ஊரின் அரசன். இவனை ‘இசைவெங்கிள்ளி’ என்னும் சோழன் வென்றான். <ref>நற்றிணை 141</ref>

==அடிக்குறிப்பு==
{{Reflist|2}}

[[பகுப்பு:சொல்விளக்கம்]]

பாண்டில் - திருத்த வரலாறு

05:33, 3 நவம்பர் 2012 இல் imported>Kanags