imported>AswnBot: தானியங்கி: தானியக்கமாய் உரை மாற்றம் (deprecated and invalid parameter dead-url=dead changed to url-status=dead)

2022-10-15T06:50:02Z

தானியங்கி: தானியக்கமாய் உரை மாற்றம் (deprecated and invalid parameter dead-url=dead changed to url-status=dead)

புதிய பக்கம்

{{Infobox_Disease
| Name = பெரிபெரி
| Image =
| Caption = ஆசிய நாட்டவரே பெரும்பாலும் இந்நோயால் பாதிப்படைகின்றனர்.
| DiseasesDB = 14107
| ICD10 = {{ICD10|E|51|1|e|50}}
| ICD9 = {{ICD9|265.0}}
| ICDO =
| OMIM =
| MedlinePlus =
| eMedicineSubj = ped
| eMedicineTopic = 229
| eMedicine_mult = {{eMedicine2|med|221}}
| MeshID = D001602
}}
'''பெரிபெரி''' (''Beriberi'') [[தயமின்]] என்னும் [[உயிர்ச்சத்து]] பி1 [[உணவு|உணவில்]] குறைவாக எடுக்கப்படுவதால் ஏற்படும் [[நோய்]]. தயமின் [[காபோவைதரேட்டு|காபோவைதரேட்டின்]] [[வளர்சிதைமாற்றம்|வளர்சிதை மாற்ற]] வினைகளில் துணை [[நொதியம்|நொதியமாய்ப்]] ''(Co enzyme)'' பங்காற்றுகிறது. [[தசை]], [[இதயம்]], [[நரம்புத் தொகுதி]] போன்றவற்றின் தொழிற்பாட்டிற்கு தயமின் அவசியம். பெரிபெரி நோயில் களைப்பு மிகுதி, சோம்பல் போன்ற அறிகுறிகளுடன் [[சுற்றோட்டத் தொகுதி|இதய இரத்தநாள மண்டலம்]], நரம்பு மண்டலம், தசைத்தொகுதி, [[சமிபாடு|இரையகக்குழலியத் தொகுதி]] ஆகியவையும் பாதிப்படையும்.

== பெயர்க்காரணம் ==
பெரிபெரி எனும் பெயரின் மூலம் தெளிவாக அறியப்படவில்லை. ஒரு சில கருதுகோளின் படி, "என்னால் முடியாது" எனும் கருத்தைத்தரும் "பரி" (බැරි) எனும் [[சிங்களம்|சிங்களச்]] சொல்லில் இருந்து "என்னால் முடியாது, என்னால் முடியாது" என்கின்ற அர்த்தத்தில் உருவானது என நம்பப்படுகின்றது.<ref>[http://www.faqs.org/health/topics/40/Beriberi.html Beriberi, Information about Beriberi]</ref><ref>{{Cite web |url=http://www.etymonline.com/index.php?term=beri-beri |title=Online etymology dictionary |access-date=2011-04-08 |archive-date=2014-02-02 |archive-url=https://web.archive.org/web/20140202223242/http://www.etymonline.com/index.php?term=beri-beri |url-status=dead }}</ref> வேறொரு கருதுகோளின்படி, "கடலோடிகளின் ஆஸ்துமா" எனும் கருத்து வரத்தக்க "புர்-பரி" எனும் [[அரபு மொழி|அரேபியச்]] சொல்லில் இருந்து உருவானது எனவும் நம்பப்படுகின்றது.<ref>Cornelis Adrianus Pekelharing, Cornelis Winkle: "Beri-beri researches concerning its nature and causes and the means of its arrest", page 3, 1893</ref>

== நோய் உண்டாகக் காரணம் ==
[[File:COLLECTIE TROPENMUSEUM Beri-beri patient waterzucht TMnr 10006753.jpg|thumb| பெரிபெரியால் கால் வீக்கம்]]
தயமின் எனப்படும் உயிர்ச்சத்து பி1 குறைபாட்டால் இந்நோய் உண்டாகின்றது. தவிடு நீக்கப்படாத [[தானியம்|தானிய]] வகைகள், [[இறைச்சி]], [[அவரை]] வகைகள், பச்சை [[மரக்கறி]]கள், [[பழம்|பழங்கள்]], [[பால் (பானம்)|பால்]] ஆகியவற்றில் தயமின் இயற்கையாகக் காணப்படுகின்றது. பொதுவாக தவிடு நீக்கிய வெள்ளை [[அரிசி]]யை முதன்மை உணவாக உட்கொள்வோரில் பெரிபெரி நோய் அதிகமாகக் காணப்பட்டுள்ளது. மிகையான [[மதுபானம்|மதுப்]] பயன்பாடு கொண்டோரிலும் இந்நோய் ஏற்படுகின்றது. [[தாய்ப்பாலூட்டல்|பாலூட்டும்]] [[தாய்]]மார்களில் தயமின் பற்றாக்குறை இருந்தால் [[குழந்தை]]யையும் பாதித்து பெரிபெரி உண்டாக வழிஏற்படுத்தும்.
நீண்டகால வயிற்றுப்போக்கு உடையோர்க்கும் தயமின் குறைபாடு ஏற்படலாம்.<ref>Cole PD, Kamen BA. "Beriberi" interesting!. J Pediatr Hematol Oncol. Dec 2003;25(12):924-6. [Medline].</ref>

தயமின் பற்றாக்குறை வேறு சில உணவுப்பொருட்கள் பயன்படுத்துவதாலும் ஏற்படலாம், இவ்வுணவுப் பொருட்களில் உள்ள தயமினேசு எனும் [[நொதி]]யானது தயமினைச் சிதைக்க வல்லது, அவ்வாறான உணவுப்பொருட்கள் பச்சை [[மீன்]]வகைகள், [[தேநீர்]], [[காப்பி]], [[வெற்றிலை]]யுடன் பயன்படுத்தப்படும் பாக்கு என்பன ஆகும். ஒரு நாளிற்குப் பல குவளைகள் தேநீர் அருந்துபவர்களுக்கு இந்நோய் ஏற்படலாம். பதப்படுத்தப்பட்ட உணவுவகைகளில் காணப்படும் சல்ஃபைட்டுகளும் தயமினைச் சிதைக்க வல்லது.<ref>[http://emedicine.medscape.com/article/116930-clinical#a0218 emedicine]</ref>

== பொதுவான நோய் அறிகுறிகள் ==
உடல்நிறை குறைதல், [[பசியின்மை]], [[மலச்சிக்கல்]], உள எழுச்சி நிலையில் குழப்பம், புலன் உணர்வு பாதிப்பு, உடல் உறுப்புகளில் வலி, சோர்வு, அடிக்கடி ஏற்படும் ஒழுங்கற்ற [[இதயத் துடிப்பு]]. உடல் வீங்குதல் என்பன பொதுவான அறிகுறிகள் ஆகும். குணப்படுத்தப்படாத நோய் [[இதயச்செயலிழப்பு|இதயச்செயலிழப்பையும்]] [[இறப்பு|இறப்பையும்]] கூட உண்டாக்கலாம்.

== நோய் வகைகள் ==
[[File:COLLECTIE TROPENMUSEUM Beri-beri oedeem van ledematen en voeten TMnr 10006755.jpg|thumb|left|பெரிபெரி நோயுடைய ஒருவரின் அவயவங்களில் ஏற்பட்டுள்ள வீக்கத்தை இப்படத்தில் காணலாம்.]]
மூன்று விதமான நோய்வகைகள் உண்டு:
* ஈரலிப்புப் பெரிபெரி (Wet beriberi), குறிப்பாக இதயக் குழலியத்தொகுதியைப் பாதிக்கும்
* உலர் பெரிபெரி (dry beriberi ), நரம்புத்தொகுதியைப் பாதிக்கும்
* கைக்குழந்தைப் பெரிபெரி, வளர்முக நாடுகளில் கைக்குழந்தைகளில் ஏற்படுவது
=== ஈரலிப்புப் பெரிபெரி ===
இதயக் குழலியத்தொகுதியைப் பாதிக்கும் பெரிபெரியாகும். [[குருதி]]க் குழாய்களின் சுவர்கள் நலிவடைதலால் குருதிக் குழாய்கள் விரிவடைந்து உடலில் வீக்கம் உண்டாகும், இதனுடன் இதயத்தின் செயல்திறன் இழத்தலும் ஏற்படும். இது சிலசமயங்களில் கெடுதியில் முடியலாம். ஈரலிப்புப் பெரிபெரியில் அறிகுறிகள்:
* மிகையான [[இதயத் துடிப்பு]]
* [[நெஞ்சுவலி]]
* உடல் உறுப்புகளில் வீக்கம்
* [[மூச்சுவிடல்|சுவாசச்]] சிரமத்தால் தூக்கத்தில் இருந்து விழிப்படைதல்

=== உலர் பெரிபெரி ===
[[புற நரம்பு மண்டலம்|புற நரம்பு மண்டலம்/சுற்றயல் நரம்புத்தொகுதியில்]] பாதிப்பு ஏற்படுவதனால் உறுப்புச் செயலிழப்பு அல்லது [[பக்கவாதம்]] ஏற்படும். இந்த நிலைமையில் அறிகுறிகள்:
* நடப்பது கடினம்
* [[கால்]]களில் அல்லது [[கை]]களில் விறைப்புத் தன்மை
* கால்களில் உணர்வு அற்றுப்போதல் (பக்கவாதம்)
* [[வலி]]
* [[உளவியல்|உளநிலை]] பாதிப்பு, பேச்சுத்திறன் பாதிப்பு, [[நினைவாற்றல்]] குறைதல்
* எரிச்சலூட்டும் தன்மை
* சுயமான கண்துடிப்பு
* வாந்தி

=== கைக்குழந்தைப் பெரிபெரி ===
சத்தமில்லாமல், கண்ணீர் இல்லாமல் [[அழுகை|அழும்]] குழந்தை இதன் அறிகுறியாகும், சிகிச்சை வழங்கப்படாவிடில் இறப்பு நேரிடும்.

==சிகிச்சை ==
[[நோய்|நோயின்]] தீவிரத்தைப் பொறுத்து தயமின் உயிர்ச்சத்தை [[மாத்திரை]]களாகவோ அல்லது ஊசிமருந்து மூலமாகவோ கொடுப்பதன் மூலம் நோயைக் கட்டுப்படுத்தலாம். மேற்கொண்டு தயமின் கொண்டுள்ள [[உணவு]] வகைகளைப் பரிந்துரை செய்தல் முக்கியமானது. நோயின் ஏனைய அறிகுறிகள் அவற்றிற்குரிய சிகிச்சை மூலம் கட்டுப்படுத்தப்படுகின்றது.

== படக்காட்சியகம் ==
<gallery>
படிமம்:Thiamine_structure.svg|தயமின்
படிமம்:B_vitamin_supplement_tablets.jpg|வைட்டமின் பி மாத்திரைகள்
</gallery>

== உசாத்துணைகள் ==
<references/>

[[பகுப்பு:உயிர்ச்சத்துக் குறைபாட்டு நோய்கள்]]

பெரிபெரி - திருத்த வரலாறு

imported>AswnBot: தானியங்கி: தானியக்கமாய் உரை மாற்றம் (deprecated and invalid parameter dead-url=dead changed to url-status=dead)