03:29, 30 செப்டெம்பர் 2025 இல் imported>Balu1967

2025-09-30T03:29:15Z

புதிய பக்கம்

'''பொறையாறு''' சங்ககால ஊர்களில் ஒன்று. இக்காலத்தில் [[தரங்கம்பாடி]]யை அடுத்து உள்ள பொறையாறு என்னும் ஊர்தான் அது. சங்ககாலத்தில் [[பெரியன்]] என்னும் பெயர் கொண்ட மன்னன் இங்கு இருந்துகொண்டு ஆண்டுவந்தான். இவன் சிறந்த கொடைவள்ளல். இவ்வூரில் குருகு இனக் கொக்குகள் மிகுதி.<ref>தாழைச் சுறவு மருப்பு அன்ன முள் தோடு ஒசிய இறவு ஆர் இனக்குருகு இறை கொள இருக்கும் நறவு மகிழ் இருக்கை நற்றேர்ப் பெரியன் கட்கமழ் பொறையாறு அன்ன என் நற்றோள் - உலோச்சனார் பாடல் நற்றிணை 131</ref> இந்த ஊர் நெல்வளம் மிக்கது. <ref>ததைந்த புனலின் செழுநகர் வரைப்பு … வேலி ஆயிரம் விளைக நின் வயலே - கல்லாடனார் பாடல் புறநானூறு 391 சிதைந்த நிலையில்</ref>

ஒருகாலத்தில் வேங்கட மலைக்கு வடக்கிலிருந்த நல்ல நெல் விளையும் நிலத்தைக் கொண்ட [[கல்லாடம்]] என்னும் ஊரில் வாழ்ந்த [[கல்லாடனார்]] என்னும் புலவரின் குடும்பம் பசியால் வாடியபோது இந்த ஊர் பொறையாற்றுக்கு வந்து அரசன் பெரியன் கொடையால் தம் பசியைப் போக்கிக்கொண்டது.<ref>வேங்கட வைப்பின் வடபுலம் பசித்து என ஈங்கு வந்து இறுத்த என் இரும்பேர் ஒக்கல் தீர்கை விடுக்கும் பண்பு … முதுகுடி கல்லாடனார் பாடல் புறநானூறு 391 சிதைந்த நிலையில்</ref>

== மேற்கோள்கள்==
{{Reflist}}

[[பகுப்பு:சங்க கால ஊர்கள்]]

பொறையாறு - திருத்த வரலாறு

03:29, 30 செப்டெம்பர் 2025 இல் imported>Balu1967