03:57, 14 அக்டோபர் 2023 இல் imported>உலோ.செந்தமிழ்க்கோதை

2023-10-14T03:57:35Z

புதிய பக்கம்

{{Coord|23|26|14|S|0|0|0|W|display=title|type:landmark|name=Prime Meridian}}
[[படிமம்:Earth-lighting-summer-solstice EN.png|thumb|புவியில் மகர ரேகையும் மற்ற நிலநேர்க்கோட்டு வட்டங்களும்]]
[[படிமம்:World map with tropic of capricorn.svg|thumb|350px|மகர ரேகையைக் காட்டும் உலக நிலப்படம்]]
[[படிமம்:Australia in 1794 Samuel Dunn Map of the World in Hemispheres.JPG|thumb|right|350px|1794ஆம் ஆண்டில் சாமுவல் டுன் வரைந்த உலக நிலப்படத்தில் மகர ரேகை]]
[[படிமம்:Hito al Tropico de Capricornio (2).jpg|thumb|350px|[[சிலி]]யின் அன்டோஃபகஸ்ட்டாவின் வடக்கே மகர ரேகையைக் குறிக்கும் நினைவுச் சின்னம்]]
[[படிமம்:Tropic of Capricorn Longreach.jpg|thumb|ஆத்திரேலிய [[குயின்ஸ்லாந்து|குயின்சுலாந்திலுள்ள]] லாங்ரீச் ]]
[[படிமம்:Brasil Tropic of Capricorn.JPG|thumb|பிரேசிலின் மரிங்காவில் மகர ரேகையைக் குறிக்கும் குறியீடு]]
[[படிமம்:Reloj Solar del Trópico de Capricornio.JPG|thumb|சூரியக் கடிகாரத்தில் மகர ரேகை, யுய்யீ மாநிலம், [[அர்கெந்தீனா]]]]

'''மகர ரேகை''' அல்லது '''மகரக் கோடு''' (''Tropic of Capricorn'') திசம்பர் (அல்லது தெற்கத்திய) வேனிற்கால [[கதிர்த்திருப்பம்|கதிர்த் திருப்பத்தின்]] போது கதிரவனின் கதிரொளி செங்குத்தாக விழுகின்ற [[நிலநேர்க்கோடு|நில நேர்க்கோட்டின்]] வட்டம் ஆகும். இதனை '''தெற்கு வெப்ப மண்டலப் பகுதி''' (''Southern Tropic'') எனவும் குறிப்பிடுகின்றனர். சூரியன் நேரடியாக தலைக்கு மேலாக காணப்படுகின்ற தெற்குக் கோடி நிலநேர்க்கோடு எனவும் குறிப்பிடலாம். கதிரவன் பாதையில் [[கடக ரேகை|கடக ரேகை]] வடக்கு எல்லையாகவும் மகர ரேகை தெற்கு எல்லையாகவும் உள்ளன.

[[புவி]]யின் [[நிலப்படம்|நிலப்படங்களில்]] குறிப்பிடப்படும் ஐந்து நிலநேர்க்கோட்டு வட்டங்களில் இதுவும் ஒன்றாகும். தற்போது (ஏப்ரல் 27, 2018) இதன் [[நிலநேர்க்கோடு]] 23°26′12.9″ (அல்லது 23.43691°)ஆக <ref>[http://www.neoprogrammics.com/obliquity_of_the_ecliptic/ ''obliquity of the ecliptic (Eps Mean)'']</ref> உள்ளது. ஆனால் இது மெதுவாக வடக்கு நோக்கி நகர்ந்து வருகின்றது; ஆண்டுக்கு 0.47 விகலை அல்லது 15 மீட்டராக இந்த நகர்வு உள்ளது.
== பெயர்க்காரணம் ==
2000 ஆண்டுகளுக்கு முன்னர் இதற்குப் பெயரிட விழைந்தபோது சூரியன் திசம்பர் கதிர்த்திருப்பத்தின்போது [[மகர விண்மீன் குழாம்|மகர]] [[விண்மீன் குழாம்|விண்மீன் குழாமின்]] திசையில் இருந்ததால் இதற்கு மகரக்கோடு எனப் பெயரிடப்பட்டது. ஆங்கிலத்தில் இந்த விண்மீன் குழாம் [[இலத்தீன்|இலத்தீனில்]] ''ஆட்டுத்தலை'' எனப் பொருள்படும் ''கேப்ரிகார்னொசு'' எனப் பெயரிடப்பட்டுள்ளதால் இக்கோடு ''டிராபிக் ஆஃப் கேப்ரிகார்ன்'' என அழைக்கப்படுகின்றது. தற்காலத்தில் இந்த நிகழ்வு விண்மீன் குழாம் [[தனுசு (விண்மீன் குழாம்)|தனுசு]] திசையில் நடைபெறுகின்றது. இது அயனச் சலனத்தால் ஏற்பட்டுள்ளது. ஆங்கிலச் சொல் டிராபிக் என்பதே கிரேக்கச் சொல்லான ''டிரோப் (τροπή)'' என்பதிலிருந்து வந்துள்ளது; இதற்கு திரும்புதல், திசை மாறுதல் என்ற பொருள்கள் உண்டு. இதே ஏரணத்தைக் கொண்டு மகரக்கோட்டை மகரத் திருப்பம் எனவும் பெயரிடலாம்.

== புவியியலும் சுற்றுச் சூழலும் ==
மகரக் கோடு தெற்கிலுள்ள [[மிதவெப்பமண்டலம்|தென் மிதவெப்ப மண்டலத்தையும்]] வடக்கிலுள்ள [[வெப்ப வலயம்|அயன மண்டலத்தையும்]] பிரிக்கும் கோடாகும். [[வடக்கு அரைக்கோளம்|வடக்கு அரைக்கோளத்தில்]] மகரக்கோட்டிற்கு இணையானது [[கடக ரேகை|கடகக் கோடாகும்]].

மகரக் கோட்டின் நிலை நிரந்தரமானதல்ல; நேரக்கோட்டில் இது மிகவும் சிக்கலான முறையில் மாறுகின்றது.

[[ஆத்திரேலியா]]வில் இக்கோட்டில் அமைந்துள்ள இடங்களில் [[மழை|மழைப்பொழிவு]] உலகின் மற்றெந்தப் பகுதிகளை விடவும் மிகவும் வேறுபாடுகளைக் கொண்டுள்ளது.<ref>[http://journals.ametsoc.org/doi/pdf/10.1175/1520-0442(1999)012%3C3457%3AGPOIRV%3E2.0.CO%3B2 Geographical Patterning of Interannual Rainfall Variability in the Tropics and Near Tropics]</ref> இதனால் பொதுவாக மழைப்பொழியும் இடங்களிலும் கூட [[வேளாண்மை]] செய்யவியலாதுள்ளது. இப்பகுதிகளிலும் சிஇல ஆண்டுகளில் கடும் [[வறட்சி]] நிலவுகிறது. தெற்கத்திய ஆபிரிக்காவில் மழைப்பொழிவு இதைவிட எதிர்பார்க்கக் கூடிய அளவில் உள்ளதால் இங்கு விவசாயம் நடைபெறுகிறது. இருப்பினும் இங்கும் [[உரம்|உரங்களிட்டாலும்]] விளைச்சல் குறைவாகவே உள்ளது.

[[தென் அமெரிக்கா]]வில் அந்தக் கண்டத்து [[கிரேட்டான்]]களின் புவிப்பரப்பு ஆத்திரேலியா, தெற்கு ஆபிரிக்கா போன்றே தொன்மையானதாக இருப்பினும் புவியியல் காலக்கோட்டில் இளமையானதும் உருவாகி வருவதுமான [[அந்தீசு மலைத்தொடர்]] இருப்பதால் இப்பகுதியில் மேற்குப் பகுதியில் உருவாகும் வெப்பமண்டல எதிர்ச்சூறாவளிகளால் [[அத்திலாந்திக்குப் பெருங்கடல்|அத்திலாந்திக்குப் பெருங்கடலிலிருந்து]] வெப்பமான, ஈரமான காற்றைப் பெறுகிறது. இக்காரணத்தால் மகரக்கோட்டை அடுத்துள்ள [[பிரேசில்]] பகுதிகளில் பெருமளவில் விவசாயம் செய்யப்படுகின்றது; முதன்மைப் பயிராக [[கரும்பு]] விளைகின்றது. தவிரவும் இயற்கையான [[பொழில்|மழைக்காட்டு]] தாவரங்கள் முற்றிலும் அழிக்கப்பட்டு விவசாயம் நடக்கிறது. கீழே தெற்கிலுள்ள [[அர்கெந்தீனா]]விலுள்ள மிதவெப்பமண்டல புல்வெளிகளான [[பம்பாசு]] மண்டலம் உலகிலேயே மிகவும் வளமையான விவசாயக்களமாக விளங்குகின்றது; இங்கு [[கோதுமை]], [[சோயா அவரை]], [[மக்காச்சோளம்]] விளைவிப்பதுடன் கால்நடை வேளாண்மையால் [[மாட்டிறைச்சி]]யும் கிடைக்கின்றது. உலகளவில் வேளாண் பொருட்கள் ஏற்றுமதி நாடுகளில் முதன்மையானதாக அர்கெந்தீனா விளங்குகின்றது.

அந்தீசுக்கி மேற்கில் நிலவும் [[ஹம்போல்ட் நீரோட்டம்]] அப்பகுதிகளில் மிகவும் வறண்ட வானிலை காணப்படுகின்றது. உலகின் மிகவும் வறண்ட பாலைவனமான [[அட்டகாமா பாலைவனம்]] இங்கு உருவாகியுள்ளது. இக்காரணத்தாலேயே சஜாமா எரிமலையுள்ள 18˚30' தெற்கு நிலநேர்க்கோட்டிற்கும் 27˚S நிலநேர்க்கோட்டிற்கும் இடையேயுள்ள பகுதியில் [[பனியாறு]]கள் எதுவும் இல்லை.<ref>{{Cite web |url=http://hal-sde.archives-ouvertes.fr/docs/00/29/80/60/PDF/cp-3-1-2007.pdf |title=Exposure dating of Late Glacial and pre-LGM moraines in the Cordon de Doña Rosa, Northern/Central Chile (~31°S) |access-date=2018-04-28 |archive-date=2014-07-28 |archive-url=https://web.archive.org/web/20140728011357/http://hal-sde.archives-ouvertes.fr/docs/00/29/80/60/PDF/cp-3-1-2007.pdf |url-status= }}</ref> இப்பகுதியில் தாவரங்களே பெரும்பாலும் இல்லை; அந்தீசின் கிழக்குச் சரிவுகளில் மட்டும் மழை பெய்வதால் அங்கு மட்டும் மழைக்கால விவசாயம் நடக்கின்றது.

மேலும் தெற்கு நோக்கிப் பயணித்தால் [[அர்கெந்தீனா]]வும் [[சிலி]]யும் பகிரும் [[படகோனியா]]வில் வானிலை மிகவும் குளிர்ந்துள்ளது; குளிர்காலங்களில் பெரும் [[பனித்தூவி]]கள் பொழிகின்றன. இதனால் ஆண்டு முழுமைக்கும் நீர்வளம் கிடைக்கின்றது. படகோனியாவின் மேற்குப் பகுதியில் வானிலை ஈரப்பசையுடன் இருக்கின்றது. இப்பகுதியில் [[கடனீர் இடுக்கேரி]], [[காடு]], [[ஏரி]]களைக் காணலாம்; [[அந்தீசு மலைத்தொடர்|அந்தீசு மலைத்தொடரின்]] சிகரங்களில் நிரந்தரமாக உள்ள பனியிலிருந்து வரும் நீர் இதற்கு காரணமாக உள்ளது. இதனால் இப்பகுதி [[பனிச்சறுக்கு]] விளையாட்டுகளுக்கும் குளிர்கால விளையாட்டுக்களுக்கும் பரவலாகப் பெயர்பெற்றது. படகோனியாவின் கிழக்குப் பகுதி பொதுவாக குளிர்ச்சியாகவும் வறண்டும் உள்ளது; இங்கு உயர்ந்த மேசை நிலங்களுடன் வலிதான காற்று வீசும் [[ஸ்டெப்பி புல்வெளிகள்]] அமைந்துள்ளன.

== நாடுகள் ==
[[முதனெடுங்கோடு|முதனெடுங்கோட்டில்]] துவங்கி [[மேற்கு|மேற்காக]] மகரக்கோட்டில் அமைந்துள்ள நாடுகள்:

* [[பிரேசில்]]
* [[பரகுவை]]
* [[அர்கெந்தீனா]]
* [[சிலி]]
* [[பிரெஞ்சு பொலினீசியா]]
* [[தொங்கா]]
* [[பவளக் கடல் தீவுகள்|பவளக் கடல் தீவுகள் மண்டலம்]] (ஆத்திரேலியா)
* [[ஆத்திரேலியா]]
* [[மடகாசுகர்]]
* [[மொசாம்பிக்]]
*[[தென்னாப்பிரிக்கா]]
* [[போட்சுவானா]]
* [[நமீபியா]]
==இவற்றையும் காண்க==
*[[தெற்கு அரைக்கோளம்]]
*[[கிழக்கு அரைக்கோளம்]]
*[[மேற்கு அரைக்கோளம்]]
*[[பருவ காலம்|பருவ காலங்கள்]]
*[[கதிர்த்திருப்பம்]] மற்றும் [[சம இரவு நாள்]]
*[[நிலநடுக் கோடு]]
*[[வெப்ப வலயம்]]
*[[கடக ரேகை]]
*[[வடக்கு அரைக்கோளம்]]
*[[ஆர்க்டிக் வட்டம்]]
*[[அந்தாட்டிக்க வட்டம்]]

== மேற்கோள்கள் ==
{{Reflist}}

== வெளி இணைப்புகள் ==
{{Commons category|மகர ரேகை}}
{{Wiktionary}}
* [http://www.jqjacobs.net/astro/epoch_2000.html காலம்சார் சிற்றூழி கணக்குகள்]
* [http://hpiers.obspm.fr/eop-pc/models/constants.html பயனுள்ள மாறிலிகள்"] பார்க்க: சூரிய வழியின் சாய்வுத்தன்மை
* [https://web.archive.org/web/20110806021244/http://www.homepage.montana.edu/~geol445/hyperglac/time1/milankov.htm Montana State University: Milankovitch Cycles & Glaciation]

[[பகுப்பு:வெப்ப மண்டலங்கள்]]
[[பகுப்பு:நிலநேர்க்கோடுகள்]]

மகர ரேகை - திருத்த வரலாறு

03:57, 14 அக்டோபர் 2023 இல் imported>உலோ.செந்தமிழ்க்கோதை