imported>Arularasan. G: AswnBotஆல் செய்யப்பட்ட கடைசித் தொகுப்புக்கு முன்நிலையாக்கப்பட்டது

2023-03-19T15:33:01Z

AswnBotஆல் செய்யப்பட்ட கடைசித் தொகுப்புக்கு முன்நிலையாக்கப்பட்டது

புதிய பக்கம்

[[படிமம்:Lower antelope 2 md.jpg|thumb|right|பல மில்லியன் ஆண்டுகளாக வெள்ள நீரினால் அரிக்கப்பட்ட சிவப்பு நிற மணற்கற் பாறை]]
'''மணற்கல்'' (Sandstone) என்பது, மணல் அளவுள்ள கனிமம் அல்லது பாறைத் துகள்களினால் உருவான படிவுப் பாறை ஆகும். [[புவியோடு|புவியோட்டில்]] [[படிகப்பாறை]] (quartz), [[ஃபெல்ஸ்பார்]] (feldspar) ஆகிய [[கனிமம்|கனிமங்கள்]] அதிகமாகக் காணப்படுவதால் பெரும்பாலான மணற்கற்கள் இவ்விரு கனிமங்களில் ஒன்றாலோ அல்லது இரண்டும் சேர்ந்தோ ஆனவையாக இருக்கின்றன. மணலைப் போலவே மணற்கல்லும் பல நிறங்களில் உள்ளனவாயினும், பொதுவாக இவை பழுப்பு, [[மண்ணிறம்]], [[மஞ்சள் (நிறம்)|மஞ்சள்]], [[சிவப்பு]], சாம்பல், [[வெள்ளை]] ஆகிய நிறங்களில் காணப்படுகின்றன. மணற்கற் படிவுகள் குத்துப் பாறைகளாகவும், பிற [[நிலவுருவியல்]] அம்சங்களாகவும் வெளியே தெரியும்படி அமைந்திருப்பதால், மணற்கற்களின் சில நிறங்கள் குறிப்பிட்ட புவியியற் பகுதிகளோடு தொடர்பு படுத்தப்படுகின்றன.

சிலவகை மணற்கற்கள் காலநிலைத் தாக்கங்களுக்கு நிலைத்து நிற்கும் தன்மையைக் கொண்டிருப்பினும், அவற்றில் வெட்டுதல், செதுக்குதல் போன்ற வேலைகளைச் செய்வது இலகுவானது. இவ்வியல்பு மணற்கற்களைக் [[கட்டுமானம்]], பாவுதல் (paving) போன்றவற்றுக்கு உகந்தவையாக ஆக்குகின்றது. மணற்கல்லிலுள்ள தனித்தனித் [[துகள்]]கள் கடினமானவையாகவும், ஒருசீரான பருமன் உடையவையாகவும் இருப்பதால், இக்கல் [[கத்தி]] முதலிய ஆயுதங்களைத் தீட்டுவதற்கு உரிய [[சாணைக்கல்|சாணைக்கற்கள்]] செய்வதற்கு உதவுகிறது.

மணற்கற்களைப் பெரும்பாலும் கொண்டிருக்கும் பாறைப் படைகள் நீரை ஊடுசெல்ல விடுவதாலும், அவற்றில் உள்ள துளைகள் அதிக நீரைச் சேமிக்கக்கூடியவையாக இருப்பதாலும் இவை சிறந்த [[நீர்கொள்படுகை]]களாக அமைகின்றன.

[[பகுப்பு:பாறை வகைகள்]]

மணற்கல் - திருத்த வரலாறு

imported>Arularasan. G: AswnBotஆல் செய்யப்பட்ட கடைசித் தொகுப்புக்கு முன்நிலையாக்கப்பட்டது