imported>AntanO: removed Category:தமிழ்நாடு using HotCat

2016-10-08T17:58:10Z

புதிய பக்கம்

'''முகத்தலை''' என்னும் பண்டைய [[தமிழ்நாடு|தமிழக]] ஊர், இன்று '''பன்னத்தெரு''' என்று மற்றொருப் பெயரால் அழைக்கப்படுகிறது.[[திருவாரூர் மாவட்டம்|திருவாரூர் மாவட்டத்தில்]] [[திருத்துறைப்பூண்டி|திருத்தருப்பூண்டி]]யிலிருந்து [[நாகப்பட்டினம்|நாகப்பட்டினத்திற்குச்]] செல்லும் [[நெடுஞ்சாலை|பெருவழி]]யில், திருத்தருப்பூண்டியிலிருந்து சுமார் ஐந்து [[கி.மீ.]] தொலைவில் உள்ள, ''கொக்காலடி'' என்னும் [[ஊர்]] அமைந்துள்ளது. [[வடக்கு|வடக்கே]] மானாச்சேரி செல்லும் [[மணல்]]வழியில், ஒரு கி.மீ தொலைவில் உள்ள '''பன்னத்தெரு''' என்னும் ஊர் அமைந்துள்ளது. இவ்வூரே, '''முகத்தலை''' என்று தமிழ் இலக்கியங்களில் குறிப்பிடப் படுகிறது.

==இலக்கியக் குறிப்புகள்==
[[ஒன்பதாம் திருமுறை]]யின் பல பாடல்களில், '''முகத்தலை''' என்ற சொல் அமைந்துள்ளது. இருப்பினும், இங்கு [[பஞ்சமம்]] [[பண்]]ணில் அமைந்துள்ள கீழ்கண்டப் பாடல் மட்டும் எடுத்தாளப்பட்டுள்ளது.
<pre>
புவனநா யகனே அகவுயிர்க் கமுதே
பூரணா ஆரணம் பொழியும்
பவளவாய் மணியே பணிசெய்வார்க் கிரங்கும்
பசுபதீ '''பன்னகா பரணா'''
அவனிஞா யிறுபோன் றருள்புரிந் தடியேன்
அகத்திலும் '''முகத்தலை''' மூதூர்த்
தவளமா மணிப்பூங் கோயிலும் அமர்ந்தாய்
தனியனேன் தனிமைநீங் குதற்கே.
</pre>
அருஞ்சொற்பொருட்கள்:
#அகம் - இடம்
#புவனம் - உலகம்
#பன்னக ஆபரணன் - பாம்பாகிய அணிகளை யுடையவன்.
#பசுபதி - உயிர்கட்குத் தலைவன்.

==கல்வெட்டுக் குறிப்புகள்==
இவ்வூரில் ''சாந்தநாயகி'' என்ற [[பெண்]] [[கடவுள்|கடவுளும்]], ''பன்னகாபரணர்'' என்ற [[ஆண்]] கடவுளும் குடிகொண்டு உள்ளனர்.இப்பன்னத்தெருக் கோயிலில் இரண்டு [[கல்வெட்டு]]க்கள் இருக்கின்றன. இவற்றில் முதலாவது கல்வெட்டு, [[மூன்றாம் குலோத்துங்க சோழன்|மூன்றாங்குலோத்துங்க]] சோழனுடைய 18ஆம் ஆட்சி [[ஆண்டு|ஆண்டில்]] பொறிக்கப்பட்டது.

இரண்டாவது கல்வெட்டு,25ஆம் ஆட்சி ஆண்டிலும் பொறிக்கப்பட்டது. [[மதுரை]]யும், [[ஈழம்|ஈழமும்]], [[கருவூர்|கருவூரும்]], [[பாண்டியன்]] முடித்தலையுங் கொண்டருளினது என குறிப்பிடுகின்றது. இந்த இருகல்வெட்டுக்களிலும்<ref>The Annual reports on South Indian Epigraphy for the year 1926. Nos. 163-164 </ref> இறைவரின் திருப்பெயர் ''பன்னகாபரணேஸ்வரர்'' எனக் குறிக்கப்பட்டுள்ளது. இங்குத்
தலவிருட்சமாக, [[புன்னை மரம்]] அமைந்துள்ளது.

பழைய கல்வெட்டுக்களில் ஊரின் பெயரையே, இறைவனுக்கும் பெயரிடல் மரபு இருந்தது. [[1926]]ஆம் ஆண்டு, இத்துறை அறிஞர்களால் எழுதப்பட்டக் கல்வெட்டு அறிக்கையில், ஊரின் பெயரை பற்றி எதுவும் குறிப்பிடவில்லை. எனவே,'''பன்னத்தெரு'' ஊர், '''முகத்தலை''' என்று பொதுமக்களால் நம்பப் படுவது தவறாக இருக்கலாம்.

==காண்க==
{{வலைவாசல்|சைவம்|boxsize=50}}

==மேற்கோள்கள்==
<references/>

{{சைவ சமயம்-குறுங்கட்டுரை}}

[[பகுப்பு:சைவ சமயம்]]

முகத்தலை - திருத்த வரலாறு

imported>AntanO: removed Category:தமிழ்நாடு using HotCat