imported>Info-farmer: /* இயற்பியல் வரம்புகள் */ இரண்டு

2026-04-30T01:14:48Z

இயற்பியல் வரம்புகள்: இரண்டு

புதிய பக்கம்

[[File:Moore's Law Transistor Count 1970-2020.png|thumb|upright=1.6| [[நுண்செயலி]]க்கான திரிதடையங்கள், ஒவ்வொரு இரண்டு ஆண்டிற்க்கும் இருமடங்க்காக அதிகரிக்கறிது.|alt=refer to caption]]
'''மூர் விதி''' (''Moore's law'') என்பது கணினியியலில், ஒரு [[தொகுசுற்று| ஒருங்கிணைந்த மின்சுற்றில்]] உள்ள [[திரிதடையம்|திரிதடையங்களின்]] எண்ணிக்கை தோராயமாக ஒவ்வொரு இரண்டு ஆண்டுகளுக்கும் இருமடங்காக அதிகரிக்கும் என்ற கவனிப்பைக் குறிக்கிறது.<ref>{{cite web |url=https://www.intel.com/content/www/us/en/newsroom/news/gordon-moore-he-stood-alone-among-tech-titans.html |title=Gordon Moore: He Stood Alone Among Tech Titans |publisher=Intel |access-date=2023-11-01}}</ref>இது உறுதியான இயற்பியல் விதியோ அல்லது இயற்கை விதியோ அல்ல; மாறாக, இது கடந்தகாலத் தரவுகளின் அடிப்படையில் கணிக்கப்பட்ட, வரலாற்றுப் போக்காகும். [[தகவல் தொழில்நுட்பம்|தகவல் தொழில்நுட்பத் துறையின்]] அசுர வளர்ச்சிக்கு இந்த விதியே அடித்தளமாக அமைந்துள்ளது.

== தோற்றம் ==
1965 ஆம் ஆண்டில், [[இன்டெல்]] நிறுவனத்தின் இணை நிறுவனரான கார்டன் மூர் என்பவர் "எலெக்ட்ரானிக்ஸ்" என்ற இதழில், ஒரு கட்டுரையை வெளியிட்டார். அதில், [[குறைக்கடத்தி|குறைக்கடத்தித்]] தொழில்நுட்பத்தின் வளர்ச்சியைக் கணித்து, ஒவ்வொரு ஆண்டிற்கும் ஒரு சில்லில் உள்ள கூறுகளின் எண்ணிக்கை இருமடங்காக அதிகரிக்கும் என்று குறிப்பிட்டார்.<ref>{{cite journal |last=Moore |first=Gordon E. |title=Cramming more components onto integrated circuits |journal=Electronics |volume=38 |issue=8 |date=April 19, 1965 |pages=114–117}}</ref> ஆரம்பகாலத்தில் இது வெறுமனே ஒரு தொழில்முறை ஊகமாகவே பார்க்கப்பட்டது.

பின்னர், 1975 ஆம் ஆண்டில் கார்டன் மூர் தனது கணிப்பைச் சற்று மாற்றி, ஒவ்வொரு இரண்டு ஆண்டுகளுக்கும், இந்த எண்ணிக்கை இருமடங்காக உயரும் எனத் திருத்தியமைத்தார். இந்தத் திருத்தப்பட்ட கணிப்பிற்கு, [[கால்டெக்]] பல்கலைக்கழகப் பேராசிரியரான கார்வர் மீட் என்பவர் தான் முதன்முதலில் "மூரின் விதி" என்று பெயரிட்டார். இந்த விதியே, தற்கால [[நுண்செயலி|நுண்செயலிகளின்]] கட்டமைப்பை வரையறுக்கும் ஒரு முதன்மை விதியாக மாறியது.

== தொழில்நுட்பத் தாக்கம் ==
இந்த விதி வெறும,னே ஒரு கணிப்பாக மட்டும் நின்றுவிடாமல், ஒட்டுமொத்த [[மின்னணுவியல்]] துறையின் இலக்காகவும், உந்துசக்தியாகவும் மாறியது. கணினிகளின் செயலாக்கத் திறனும், [[கணினி நினைவகம்|நினைவகத்தின்]] அளவுகளில் ஏற்பட்ட மிகப்பெரிய புரட்சிக்கு, மூரின் விதியே அடிப்படை வழிகாட்டியாக அமைந்தது.<ref>{{cite book |last=Brock |first=David C. |title=Understanding Moore's Law: Four Decades of Innovation |publisher=Chemical Heritage Foundation |year=2006 |isbn=978-0941901413 |page=87}}</ref> டென்னார்ட் அளவீடு (Dennard scaling) என்ற கோட்பாட்டின்படி, திரிதடையங்கள் சிறிதாகும்போது அவற்றின் மின் நுகர்வும் குறைந்து செயல்திறன் கூடியதாக உள்ளது.

== இயற்பியல் வரம்புகள் ==
எத்தனை ஆண்டுகளுக்கு, இந்த விதி தொடரும் என்ற கேள்வி பல பத்தாண்துகளாக கலந்துரையாடலாக இருந்து வருகிறது. 2000-களின் தொடக்கத்தில், சிற்றாக்கத்தின் (Miniaturization) காரணமாகச் சிலிக்கான் சில்லுகளில், பல்வேறு [[இயற்பியல்]] சிக்கல்கள் தோன்றத் தொடங்கின. திரிதடையங்கள் [[அணு]]க்களின் அளவை நெருங்கும்போது, [[குவாண்டம்]] சுரங்க விளைவு ஏற்பட்டு மின்னோட்டத்தைக் கட்டுப்படுத்துவது மிகவும் கடினமாகிறது.<ref>{{cite journal |last=Waldrop |first=M. Mitchell |title=The chips are down for Moore's law |journal=Nature |volume=530 |issue=7589 |pages=144–147 |date=February 2016 |doi=10.1038/530144a}}</ref> மேலும், மிகச் சிறிய பரப்பளவில், [[பில்லியன்]] கணக்கான திரிதடையங்கள் செயல்படுவதால், அதிகப்படியான [[வெப்ப ஆற்றல்]] உற்பத்தியாகி, சில்லுகள் உருகும் அபாயம் ஏற்படுகிறது.

இயற்பியல் வரம்புகள் ஒருபுறமிருக்க, பொருளாதார அடிப்படையிலும், இது பெரும் சவாலைச் சந்தித்து வருகிறது. [[மூரின் இரண்டாம் விதி]] அல்லது இராக்கின் விதி (Rock's law) என்பதன்படி, சில்லுகளை உற்பத்தி செய்யும் தொழிற்சாலைகளின் மூலதனச் செலவு, ஒவ்வொரு நான்கு ஆண்டுகளுக்கும் இருமடங்காகிறது. இதனால், பல்லாயிரம் [[கோடி]] உரூபாய் [[முதலீடு]] தேவைப்படுவதால், உலகில் மிகச் சில [[உற்பத்தி|உற்பத்தியகங்கள்]] மட்டுமே, இன்று இந்தப் போட்டியில் நிலைத்து நிற்க முடிகிறது.

== காட்சியகம் ==
* விதிகளை உருவாக்கியவர்கள்.
<gallery>
File:Gordon Moore 1978 (cropped).png|கோர்டன் மூர்
File:Arthur Rock.jpg|ஆர்தர் இராக், [[மூரின் இரண்டாம் விதி]]
</gallery>

== மேற்கோள்கள் ==
{{Reflist}}

== இதையும் காணவும் ==
* [[மூரின் இரண்டாம் விதி]]

[[பகுப்பு:கணினி அறிவியல்]]
[[பகுப்பு:முன்கூற்றுகள்]]

மூர் விதி - திருத்த வரலாறு

imported>Info-farmer: /* இயற்பியல் வரம்புகள் */ இரண்டு