imported>Arularasan. G: Arularasan. G பக்கம் ரெளலட் குழு என்பதை ரௌலட் குழு என்பதற்கு நகர்த்தினார்

2020-11-02T14:10:59Z

Arularasan. G பக்கம் ரெளலட் குழு என்பதை ரௌலட் குழு என்பதற்கு நகர்த்தினார்

புதிய பக்கம்

'''ரவ்லட் குழு''' அல்லது '''ரவ்லட் கமிட்டி''' (''Rowlatt Committee'') என்பது [[பிரித்தானிய இந்தியா]]வில் ஆட்சிவிரோத செயல்களைப் பற்றி ஆராய பிரித்தானிய அரசால் நியமிக்கப்பட்ட ஒரு குழு. 1918ம் ஆண்டு இது நியமிக்கப்பட்டது. 1917ம் ஆண்டு [[ரஷ்யப் புரட்சி 1917|ரஷ்யப் புரட்சி]]யில் [[போல்ஷெவிக் கட்சி|போல்ஷெவிக்குகள்]] (பொதுவுடைமைவாத்கள்) வெற்றி பெற்ற பின்னர் இந்தியாவில் [[பஞ்சாப்]], [[வங்காளம்]] போன்ற இடங்களில் புரட்சி இயக்கங்களின் செயல்பாடு அதிகரித்தது. இது குறித்து விசாரிக்கவும், இவ்வியக்கங்களைக் கட்டுப்படுத்தும் வழிவகைகளைப் பரிந்துரைக்கவும் ரவ்லட் குழு நியமிக்கப்பட்டது. இதன் தலைவர் சர் நீதியரசர் சிட்னி ரவ்லட் என்பவரது பெயரால் இது அழைக்கப்பட்டது. [[முதலாம் உலகப்போர்|முதலாம் உலகப் போரின்]] போது [[ஆப்கானிஸ்தான்|ஆப்கானிஸ்தானில்]] அமைக்கப்பட்ட [[இந்திய இடைக்கால அரசு]] போல்ஷெவிக்குகளோடு தொடர்பு கொள்ள முயன்று வந்தது. மேலும் போர் முடிந்தபின்னர் உருவான பொருளியல் மந்த நிலையால் இந்தியாவில் தொழிலாளர் போராட்டங்கள் வலுத்து வந்தன.

ஜனவரி-ஏப்ரல் 1918 காலகட்டத்தில் [[கல்கத்தா]]விலும் [[லாகூர்|லாகூரிலும்]] இக்குழு விசாரணை மேற்கொண்டது. பல அரசு அதிகாரிகளும் பிற சாட்சிகளும் இக்குழுவின் முன் தோன்றி சாட்சியம் அளித்தனர். புரட்சி இயக்கங்கள் தொடர்பான வழக்கு ஆவணங்களையும் அரசு அதிகாரிகளின் குறிப்புகளையும் குழு உறுப்பினர்கள் ஆராய்ந்தனர். ஏப்ரல் 1918ல் ரெளலட் குழு சமர்பித்த அறிக்கை காலனிய அரசால் ஜூலை மாதம் வெளியிடப்பட்டது. இந்தியாவில் காலனிய ஆட்சிக்கு புரட்சி இயக்கங்களால் ஆபத்து உள்ளதாகவும் அதனை முறியடிக்க கடுமையான சட்டங்கள் இயற்றப்பட வேண்டுமென்றும் அந்த அறிக்கையில் பரிந்துரை செய்யப்பட்டிருந்தது. இப்பரிந்துரையின் படி [[ரௌலட் சட்டம்]] இயற்றப்பட்டது. இச்சட்டம் தீவிரவாதி என்று சந்தேகிக்கப்பட்ட எந்த பிரித்தானிய இந்தியக் குடிமகனையும் ஈராண்டுகள் நீதிமன்ற வழக்கு விசாரணையின்றி சிறை வைக்க அரசுக்கு அதிகாரம் அளித்தது. ஊடகங்களைக் கட்டுப்படுத்தவும் ஆர்ப்பாட்டக்காரர்களை கைது செய்து விசாரணையின்றி சிறைகளில் அடைத்து வைக்கவும், அனுமதியின்றி சிறையிலிடவும் காவல் துறையினருக்கு இச்சட்டம் வழிவகுத்தது.

==ரவ்லட் குழு உறுப்பினர்கள்==
* சர் சிட்னி ரெளலட் - தலைவர்
* சர் பேசில் ஸ்காட்
* [[திவான் பகதூர்]] சி. வி. குமாரசாமி சாஸ்திரி
*சர் வெர்னி லோவெட்
*பி. சி. மிட்டர்
*ஜே. டி. வி. ஹோட்ஜ் - செயலாளர்

==வெளி இணைப்புகள்==
*[http://www.archive.org/details/seditionreport00indirich ரவ்லட் குழு அறிக்கை]

{{இந்திய விடுதலை இயக்கம்}}

[[பகுப்பு:1918]]
[[பகுப்பு:இந்திய அரசு அமைப்புகள்]]
[[பகுப்பு:இந்திய விடுதலைப் போராட்டம்]]

ரௌலட் குழு - திருத்த வரலாறு

imported>Arularasan. G: Arularasan. G பக்கம் ரெளலட் குழு என்பதை ரௌலட் குழு என்பதற்கு நகர்த்தினார்