imported>AntanO: Added {{confusing}} tag to article (மின்)

2016-03-09T03:10:57Z

Added {{confusing}} tag to article (மின்)

புதிய பக்கம்

{{confusing|date=மார்ச் 2016}}
சங்க காலத்தில் வயலைக்கொடி வீட்டுத் தோட்டத்தில் வளர்க்கப்பட்டது. அதன் கொடி சிவப்பாக இருக்கும். அக்கால மகளிர் தனக்குத் தழையாடை செய்துகொள்ள இதனைப் பயன்படுத்தினர். (இக்காலத்தில் இதனைப் பசலைக்கொடி என்னும் பெயரால் வழங்கிவருகின்றனர். அத்துடன் சமைத்துண்ணும் கீரையாகப் பயன்படுத்துகின்றனர்.)

== வயலைக்கொடி பற்றிச் சங்க இலக்கியம் தரும் செய்திகள் ==
சங்க காலத்தில் வயலைக்கொடி வீட்டுத் தோட்டத்தில் வளர்க்கப்பட்டது. அதன் கொடி சிவப்பாக இருக்கும். அக்கால மகளிர் தனக்குத் தழையாடை செய்துகொள்ள இதனைப் பயன்படுத்தினர்.

வீட்டு-மரத்தில் படர்ந்திருந்த வயலையையும், ஆம்பல் பூவையும் சேர்த்துத் தொடுத்து அவள் தனக்குத் தழையாடை தைத்துக்கொண்டாள்.<ref>மனை நகு வயலை மரன் இவர் கொழுங்கொடி அரி அலர் ஆம்பலொடு ஆர் தழை தைஇ - அகநானூறு 176</ref>

வயலைச் செங்கொடிப் பிணையல் தைத்துச் சங்க கால மகளிர் உடுத்தித் தம்மை அழகுபடுத்திக்கொண்டனர்.<ref>ஐங்குறுநூறு 52</ref>

வீட்டில் வளர்ந்திருந்த வயலைக் கொடியைக் கன்று போட்டிருந்த பசு தின்றது என்று அதனை ஓட்ட மனமில்லாமல், விளையாடிக்கொண்டிருந்த பந்தை நிலத்திலே எறிந்துவிட்டு, தனக்குத் தாய்மார் கொடுத்த பாலையும் வாங்கி உண்ணாமல் ஒரு பெண் தன் வயிற்றில் அடித்துக்கொண்டாள் <ref>இல் எழு வயலை ஈற்றா தின்றென - நற்றிணை 179</ref>

வயலைக்குப் பந்தல் போட்டிருந்தனர் <ref>வயலைப் பந்தர் - அகநானூறு 275</ref>

வயலைக்கொடி வேலியிலும் படர்ந்திருக்கும்.<ref>வயலை-வேலி அகநானூறு 97-13</ref>

வீட்டுத் தோட்டத்தில் நட்டு வளர்த்த வயலைக்கொடி அங்கு வளர்ந்திருந்த பேக்கரும்பைச் சுற்றிக்கொண்டு படர்ந்ததாம்.<ref>மனைநடு வயலை வேழம் சுற்றும் –
ஐங்குறுநூறு 11</ref>

வயலைச் செங்கொடியை நண்டு அறுக்கும் <ref>ஐங்குறுநூறு 25,</ref>

வயலை வளர்த்த அவள் தன் காதலனுடன் ஓடிப்போய்விட்டதால் வயலை வாடிவிட்டது.<ref>நற்றிணை 305</ref>

வளர்த்த வயலைக்கொடி வாடினும் பரவாயில்லை. அவள் தன் காதலனுடன் மகிழ்ந்து வாழட்டும் என்கிறாள் அவளது தோழி <ref>அகநானூறு 259</ref>

வயலையானது தன்னைத் தழையாடைக்குப் பறிக்கவில்லையே என வாடிக் கிடந்ததாம் <ref>அகநானூறு 363</ref>

வாடிய வயலைக்கொடி போல் பார்ப்பான் ஒருவனின் மருங்குல் (அடிவயிறு) இருந்ததாம் <ref>புறநானூறு 305</ref>

== உசாத்துணை ==
{{Reflist}}

[[பகுப்பு:மூலிகைகள்]]
[[பகுப்பு:சங்க காலப் பண்பாடு]]
[[பகுப்பு:பூக்கும் தாவரங்கள்]]

வயலை - திருத்த வரலாறு

imported>AntanO: Added {{confusing}} tag to article (மின்)