imported>InternetArchiveBot: Bluelink 1 book for விக்கிப்பீடியா:மெய்யறிதன்மை (20240419)) #IABot (v2.0.9.5) (GreenC bot

2024-04-20T00:02:38Z

Bluelink 1 book for விக்கிப்பீடியா:மெய்யறிதன்மை (20240419)) #IABot (v2.0.9.5) (GreenC bot

புதிய பக்கம்

'''வரருசி''' ([[தேவநாகரி]]: वररुचि) என்பது [[பரத கண்டம்|பண்டைய இந்தியா]]வின் [[சமஸ்கிருத மொழி|சமஸ்கிருத மொழி]] இலக்கியம், அறிவியல் நூல்கள் மற்றும் பல்வேறு புராணக்கதைகளுடன் தொடர்புடையவர். [[கிமு]] 3-ஆம் நூற்றாண்டில் வாழ்ந்த பெரும் புலவர் வரருசி<ref name="Kunjunni">{{Cite book |title=Encyclopedia of Indian philosophies: The philosophy of the grammarians |url=https://archive.org/details/encyclopediaofin0005unse_d7z1 |editor1=Harold G. Coward |editor-link1=Harold Coward |editor2=Karl H. Potter |editor3= K. Kunjunni Raja|publisher=Motilal Banarsidass Publishers|location=Delhi|year=1990|pages=[https://archive.org/details/encyclopediaofin0005unse_d7z1/page/458 458]–459|isbn=978-81-208-0426-5}}</ref> பெரும்பாலும் [[காத்தியாயானர்|காத்தியாயனருடன்]] அடையாளம் காணப்படுகிறார்.<ref name="Cowell"/>

[[பிராகிருதம்|பிராகிருத மொழியின்]] இலக்கணத்தைப் பற்றிய மிகப் பழமையான நூலான ''பிராகிருத பிரகாசத்தின்'' ஆசிரியர் வரருசி என்று நம்பப்படுகிறது.<ref name="Cowell">{{Cite book|last=Edwards Byles Cowell|title=The Prākrita-prakāsa or the Prākrit grammar of Vararuci with the commentary (Manorama) of Bhāmaha|publisher=Stephen Austin, Book Sellers to East India College|location=Hertford, England|year=1854|url=https://books.google.com/books?id=pOY9AAAAcAAJ&q=prakrita+prakasa&pg=PR17}}</ref> பேரரசர் [[விக்ரமாதித்தியன்]] அவையில் இருந்த ஒன்பது புலவர்களில் (நவரத்னங்கள்) வரருசியும் ஒருவர் ஆவார்.<ref>{{Cite book|last=V. P. Ramachandra Dikshitar|author2=V. R. Ramachandra Dikshitar |title=The Gupta Polity|publisher=Motilal Barasidass|location=Delhi|year=1952|pages=37–38|isbn=81-208-1024-4|url=https://books.google.com/books?id=KP_DTtd6kJEC&q=The+Gupta+polity++By+V.+P.+Ramachandra+Dikshitar,+V.+R.+Ramachandra+Dikshitar}}</ref>சோமதேவர் என்ற சைவப் பிராமணரால் சொல்லப்பட்ட 11ஆம் நூற்றாண்டின் புகழ்பெற்ற இந்திய இதிகாசங்கள், விசித்திரக் கதைகள் மற்றும் நாட்டுப்புறக் கதைகளின் தொகுப்பான [[கதாசரிதசாகரம்]] நூலில் ஒரு முக்கிய பாத்திரமாக வரருசி தோன்றுகிறார். மன்னர் [[விக்ரமாதித்தியன்]], அவனது அமைச்சர் பட்டி மற்றும் [[பத்திரகிரியார்| பத்ருஹரி]] ஆகியோர் வரருசியின் சகோதரர்கள் எனக் [[கதாசரிதசாகரம்]] நூல் கூறுகிறது.

கேரளாவின் புராணக்கதையில் வரருசி, சந்திரவாக்கியங்களின் (சந்திர வாக்கியங்கள்) ஆசிரியராக நம்பப்படும் ஒரு புத்திசாலித்தனமான வானியலாளர் ஆவார். இது வெவ்வேறு கால இடைவெளிகளில் சந்திரனின் தீர்க்கரேகைகளைக் குறிப்பிடும் எண்களின் தொகுப்பாகும்.<ref>{{Cite book|last=David Pingree|title=Census of the exact sciences in Sanskrit|publisher=American Philosophical Society|year=1994|pages=558–559}}</ref> இந்த எண்கள் கட்டப்பயாடி எண்முறையில் (Katapayadi system) குறியிடப்பட்டுள்ளன. மேலும் வரருசியே இந்த எண்முறை முறையைக் கண்டுபிடித்தவர் என்று நம்பப்படுகிறது. கேரள புராணத்தின் வரருசியின் மூத்த மகன் மேழத்தோல் அக்னிஹோத்ரி என்று அழைக்கப்படுகிறார். மேலும் அவர் [[கிபி]] 343 மற்றும் 378 இடையில் வாழ்ந்ததாகக் கருதப்படுகிறது.<ref>{{Cite book|last=David Edwin Pingree|title=Census of the exact sciences in Sanskrit|url=https://archive.org/details/censusofexactsci05ping|publisher=American Philosophical Society|year=1970|pages=[https://archive.org/details/censusofexactsci05ping/page/558 558]|isbn=978-0-87169-213-9}}</ref>
வரருசி என்ற பெயர் சமஸ்கிருதத்தில் பத்துக்கும் மேற்பட்ட படைப்புகளுடன் தொடர்புடையது. மேலும் [[காத்தியாயானர்]] என்ற பெயர் பதினாறு படைப்புகளுடன் தொடர்புடையது. வரருசியின் பெயருடன் தொடர்புடைய வானியல் மற்றும் கணிதத்துடன் தொடர்புடைய சுமார் பத்து படைப்புகள் உள்ளன.<ref>{{Cite book|last=Mohan Lal|title=The Encyclopaedia of Indian Literature |publisher=Sahitya Akademy|year=2006|volume=5 (Sasay To Zorgot)|pages=4495–44497|isbn=978-81-260-1221-3}}</ref>

==வரருசி, இலக்கண அறிஞர்==
பண்டைய இந்தியாவில் அனைத்து அறிவியல்களிலும் முதன்மையானது மற்றும் மிக முக்கியமானது [[இலக்கணம்]] ஆகும். ஒருவர் முதலில் இலக்கணத்தைப் படித்த பிறகே வேறு எந்த அறிவியலையும் முடியும்.<ref name="Maurice">{{Cite book|last=Maurice Winternitz|author2=Moriz Winternitz |author3=Subhadra Jha |title=History of Indian literature |publisher=Motilal Banarsidass|year=1967|volume=III|pages=458|isbn=81-208-0056-7}}</ref>இந்த மனப்பான்மை இந்தியாவின் பண்டைய இலக்கண அறிஞர்களான [[பாணினி]] மற்றும் [[பதஞ்சலி]] ஆகியோருக்குக் கூறப்பட்ட பெரும் மரியாதையையும் கௌரவத்தையும் நியாயப்படுத்துகிறது. [[கிமு]] 4-ஆம் நூற்றாண்டில் வாழ்ந்த [[பாணினி]] [[காந்தாரம்|காந்தாரத்தின்]] [[புஷ்கலாவதி]]யைச் சேர்ந்த ஒரு பண்டைய இந்திய சமஸ்கிருத இலக்கண அறிஞர் ஆவார். இவர் இயற்றிய [[அட்டாத்தியாயி]] எனும் இலக்கண நூல் பெரும் புகழ் பெற்றது. பாணினிக்குப் பின்னர் [[பதஞ்சலி]] இயற்றிய யோக சூத்திரங்களுக்கு [[மகாபாஷ்யம்]] (பெரிய வர்ணனை) எனப்பெயராகும். [[கிமு]] 3-ஆம் நூற்றாண்டில் வாழ்ந்த [[காத்தியாயானர்]] சமஸ்கிருத இலக்கணம், கணிதம், இலக்கிய அறிஞர் மற்றும் வேத கால குரு ஆவார். வரருசி, பாணினி எழுதிய [[அட்டாத்தியாயி]] எனும் இலக்கண நூலுக்கு வரருசி உரை எழுதினார்.

==பிராகிருத இலக்கண அறிஞர்==
[[பிராகிருதம்]] என்பது சமஸ்கிருதத்திலிருந்து தோன்றிய பல எளிய மொழிகளில் ஒன்றாகும். வரருசி பிராகிருத மொழியின் இலக்கண ஆசிரியர் ஆவார். வரருசி '''பிராகிருத பிரகாசம்''' எனும் இலக்கண நூலை எழுதியுள்ளார். இப்பணிக்கு வரருசி பிராகிருத மொழியிலிருந்து கிளைத்த பழைய [[மராத்தி மொழி]], [[பிராஜ் பாஷா|விரஜ பாஷை]]யாக பரிணமித்த சௌரசேனி மொழி, மகதி மொழி மற்றும் [[பைசாசம்]] மொழிகளை எடுத்துக் கொண்டார். வரருசி எழுதிய ''பிராகிருத பிரகாசம்'' எனும் இலக்கண நூல் பன்னிரண்டு அத்தியாயங்களாகப் பிரிக்கப்பட்டுள்ளது. இது மொத்தம் 424 சூத்திரங்கள் கொண்டது. முதல் ஒன்பது அத்தியாயங்கள் மகாராஷ்டிரா மொழிக்கும், மீதமுள்ள மூன்று அத்தியாயங்களில் ஒவ்வொன்றும் [[பைசாசம்|பைசாசிக்கு]] 14 சூத்திரங்களும், மகதி மொழிக்கு 17 சூத்திரங்களும, சௌரசேனி மொழிக்கு 32 சூத்திரங்களும் உள்ளது. <ref name="Pischel">{{Cite book|last=Richard Pischel|author2=(Translated by Subhadra Jhā)|title=A grammar of the Prākrit languages|publisher=Motilal Banarsidass Publishers|location=Delhi|year=1999|edition=2|pages=1–5|isbn=978-81-208-1680-0}}</ref> பிரகிருத பிரகாசத்தின் ஆசிரியராக [[காத்தியாயானர்|காத்தியாயானரும்]] அறியப்பட்டார்,
==வரருசி சுலப சூத்திரங்கள்==
[[வேதாங்கங்கள்|வேதத்தின் அங்கமான]] யாக பீடங்களை நிறுவுவதற்கான வேத கால கணிதத்தை விளக்கும் சுல்ப சூத்திரங்களையும் வரருசியும் இயற்றினார்.
==மேற்கோள்கள்==
{{Reflist}}
[[பகுப்பு:பிராகிருதம்]]
[[பகுப்பு:பிராகிருத அறிஞர்கள்]]

வரருசி - திருத்த வரலாறு

imported>InternetArchiveBot: Bluelink 1 book for விக்கிப்பீடியா:மெய்யறிதன்மை (20240419)) #IABot (v2.0.9.5) (GreenC bot