imported>AntonBot: clean up, replaced: கிறித்து → கிறிஸ்து (2)

2024-07-03T19:35:01Z

clean up, replaced: கிறித்து → கிறிஸ்து (2)

புதிய பக்கம்

{{கிறித்தவம்}}
'''விண்ணகம்''' அல்லது '''விண்ணுலகம்''' என்பது, [[கடவுள்]] வாழும் இடத்தைக் குறிப்பிட [[கிறித்தவர்|கிறிஸ்தவர்]]களால் பயன்படுத்தப்படும் தமிழ் சொல் ஆகும். வானகம், [[மோட்சம்]], [[சொர்க்கம்]], சுவனம் போன்றவை இதற்கு இணையான சொற்கள் ஆகும். [[தேவதூதர்]]களும், [[புனிதர்]]களும் கடவுளின் மாட்சியில் பங்குபெறும் இடமாகவும் இது கருதப்படுகிறது.

== பெயர் காரணம் ==
பூமியைச் சுற்றிக் காணப்படும் [[அண்ட வெளி]]யைக் குறிக்கும் '''விண்''' அல்லது '''வான்''' என்ற சொல், பொதுவாக உயரே தெரிகின்ற [[ஞாயிறு (விண்மீன்)|சூரியன்]], [[நிலா|நிலவு]], [[விண்மீன்]]கள் ஆகியவற்றின் இருப்பிடத்தைச் சுட்டிக்காட்டுகிறது. இத்தகையதோர் உயர்ந்த இடத்திலேயே [[கடவுள்]] இருப்பதாக நம்பிக்கை நிலவுகிறது. எனவேதான் [[கிறித்தவம்]], கடவுளின் உறைவிடத்தை '''விண்ணகம்''' அல்லது '''விண்ணுலகம்''' என்று பெயரிட்டு அழைக்கிறது.

== பழைய ஏற்பாட்டில் ==
[[பழைய ஏற்பாடு]] விண்ணகத்தை கடவுளின் [[அரியணை]]யாகவும், உலகத்தை அவரது கால்மணையாகவும் என்று குறிப்பிடுகிறது.<ref>'''[[எசாயா (நூல்)|எசாயா]] 66:1''' ஆண்டவர் கூறுவது இதுவே: "விண்ணகம் என் அரியணை; மண்ணகம் என் கால்மணை."</ref> "மேலே விண்ணிலும் கீழே மண்ணிலும் ஆண்டவரே கடவுள், அவரைத் தவிர வேறு எவரும் இலர் என இன்று அறிந்து, உங்கள் உள்ளத்தில் இருத்துங்கள்" <ref>[[இணைச் சட்டம் (நூல்)|இணைச் சட்டம்]] 4:39</ref> என்பது [[விவிலியம்|விவிலிய]]த்தின் போதனை. "இஸ்ரயேலின் கடவுளாகிய ஆண்டவரே! மேலே விண்ணிலும் கீழே மண்ணிலும் உம்மைப் போன்ற வேறு கடவுள் யாரும் இல்லை" <ref>[[1 அரசர்கள் (நூல்)|1 அரசர்கள்]] 8:23</ref> என்று [[இசுரயேலர்]] கடவுளைப் புகழ்ந்தனர்.

பழைய ஏற்பாட்டின் மக்கள் கடவுளை, விண்ணகத்தில் உறைபவராகவே கருதினர்.<ref>'''[[2 குறிப்பேடு (நூல்)|2 குறிப்பேடு]] 20:6''' "எங்கள் மூதாதையின் கடவுளாகிய ஆண்டவரே! விண்ணகக் கடவுள் நீரே அன்றோ!"</ref> "நீர் உமது தூய உறைவிடமாகிய விண்ணிலிருந்து கண்ணோக்கி, நீர் எங்கள் மூதாதையருக்கு ஆணையிட்டுக் கூறியபடி உம் மக்களாகிய எங்களுக்கும் எங்களுக்குக் கொடுத்துள்ள பாலும் தேனும் வழிந்தோடும் நாட்டுக்கும் ஆசிவழங்குவீராக!"<ref>[[இணைச் சட்டம் (நூல்)|இணைச் சட்டம்]] 26:15</ref> "நீர் விண்ணிலிருந்து உமது அடியாருக்குத் தீர்ப்பு வழங்குவீராக!"<ref>[[1 அரசர்கள் (நூல்)|1 அரசர்கள்]] 8:32</ref> "உமது உறைவிடமாகிய விண்ணிலிருந்து நீர் செவி சாய்த்து மன்னிப்பீராக!"<ref>1 அரசர்கள் 8:39</ref> என்று அவர்கள் மன்றாடினர்.

விண்ணகம் கடவுளின் இருப்பிடமாக கருதப்பட்டாலும், அதைப் படைத்தவர் கடவுளே என்ற கருத்தும் பழைய ஏற்பாட்டில் உள்ளது.<ref>'''[[2 அரசர்கள் (நூல்)|2 அரசர்கள்]] 19:15''' "இஸ்ரயேலின் கடவுளான ஆண்டவரே! விண்ணையும் மண்ணையும் படைத்தவர் நீரே!"</ref> 'ஆண்டவர் ஆறு நாள்களில் விண்ணுலகையும், மண்ணுலகையும், அவற்றிலுள்ள அனைத்தையும் படைத்து ஏழாம் நாளில் ஓய்ந்திருந்தார்'<ref>[[விடுதலைப் பயணம் (நூல்)|விடுதலைப் பயணம்]] 20:11</ref> என்று விவிலியம் குறிப்பிடுகிறது. "விண்ணகம், மண்ணகம் அனைத்தையும் படைத்த இஸ்ரயேலின் கடவுளாகிய ஆண்டவர் வாழ்த்தப் பெறுவாராக!"<ref>[[2 குறிப்பேடு (நூல்)|2 குறிப்பேடு]] 2:12</ref> என்பது [[யூதர்|யூத]] மக்களின் புகழ்ச்சியாக இருந்தது.

கடவுளின் மேன்மையும் விண்ணகத்தின் உயரமும் ஒன்றையொன்று பெருமைப்படுத்துவதாக [[இசுரயேலர்]] கருதினர்: "மண்ணுலகத்திலிருந்து விண்ணுலகம் மிக உயர்ந்து இருப்பதுபோல உங்கள் வழிமுறைகளைவிட என் வழிமுறைகளும், உங்கள் எண்ணங்களைவிட என் எண்ணங்களும் மிக உயர்ந்திருக்கின்றன" என்கிறார் ஆண்டவர்.<ref>[[எசாயா (நூல்)|எசாயா]] 55:9</ref> "விண்ணகக் கடவுள்தாமே எங்களுக்கு வெற்றி அளிப்பார்!"<ref>[[நெகேமியா (நூல்)|நெகேமியா]] 2:20</ref> என்று அவர்கள் கூறினர். "விண்ணுக்கும் மண்ணுக்கும் ஆண்டவரே, படைப்புகளுக்கெல்லாம் மன்னரே, என் மன்றாட்டுக்குப் பரிவோடு செவிசாயும்"<ref>[[யூதித்து (நூல்)|யூதித்து]] 9:12</ref> என்று அவர்கள் உதவி வேண்டினர். [[இறைவாக்கினர்]] [[எலியா]] விண்ணகம் எடுத்துக்கொள்ளப்பட்ட நிகழ்வும்<ref>'''2 அரசர்கள் 2:11''' 'எலியா சுழற்காற்றில் விண்ணகத்துக்குச் சென்றார்.'</ref> பழைய ஏற்பாட்டில் காணப்படுகிறது.

== புதிய ஏற்பாட்டில் ==
[[இயேசு கிறிஸ்து]] [[இறையரசு|விண்ணரசு]] பற்றி போதித்த செய்தியை [[புதிய ஏற்பாடு]] நமக்கு தருகிறது. "ஏழையரின் உள்ளத்தோர் பேறுபெற்றோர்; ஏனெனில் விண்ணரசு அவர்களுக்கு உரியது"<ref>[[மத்தேயு நற்செய்தி|மத்தேயு]] 5:3</ref> என்றும், "நீதியின் பொருட்டுத் துன்புறுத்தப்படுவோர் பேறுபெற்றோர்; ஏனெனில் விண்ணரசு அவர்களுக்குரியது"<ref>மத்தேயு 5:10</ref> எனவும் இயேசு போதித்தார். "என் பொருட்டு மக்கள் உங்களை இகழ்ந்து, துன்புறுத்தி, உங்களைப் பற்றி இல்லாதவை பொல்லாதவையெல்லாம் சொல்லும்போது நீங்கள் பேறுபெற்றவர்களே! மகிழ்ந்து பேருவகை கொள்ளுங்கள்! ஏனெனில் ''விண்ணுலகில்''' உங்களுக்குக் கிடைக்கும் கைம்மாறு மிகுதியாகும்"<ref>மத்தேயு 5:11-12</ref> என்றும் அவர் கற்பித்தார்.

மேலும், [[தந்தையாம் கடவுள்|கடவுள்]] நம் '''விண்ணகத் தந்தை''' என்று மக்களுக்கு இயேசு அறிமுகம் செய்தார். "உங்கள் பகைவரிடமும் அன்பு கூருங்கள்;<ref>'''[[மாற்கு நற்செய்தி|மாற்கு]] 11:25-26''' "யார் மேலாவது நீங்கள் மனத்தாங்கல் கொண்டிருந்தால், மன்னித்துவிடுங்கள். அப்போது உங்கள் விண்ணகத் தந்தையும் உங்கள் குற்றங்களை மன்னிப்பார்"</ref> உங்களைத் துன்புறுத்துவோருக்காக இறைவனிடம் வேண்டுங்கள். இப்படிச் செய்வதால் நீங்கள் உங்கள் விண்ணகத் தந்தையின் மக்கள் ஆவீர்கள். உங்கள் விண்ணகத் தந்தை நிறைவுள்ளவராய் இருப்பது போல நீங்களும் நிறைவுள்ளவர்களாய் இருங்கள்"<ref>மத்தேயு 5:44-45,48</ref> என்று அவர் போதித்தார். "'''விண்ணுலகில்''' இருக்கிற எங்கள் தந்தையே, உமது பெயர் தூயதெனப் போற்றப்பெறுக! உமது ஆட்சி வருக! உமது திருவுளம் '''விண்ணுலகில்''' நிறைவேறுவதுபோல மண்ணுலகிலும் நிறைவேறுக!"<ref>மத்தேயு 6:9-10</ref> என்று தொடங்கும் [[கிறிஸ்து கற்பித்த செபம்|இறைவேண்டலை]]யும் அவர் கற்பித்தார்.

[[இயேசுவின் பிறப்பு]] பற்றி குரு செக்கரியா, "நம் கடவுளின் பரிவுள்ளத்தாலும் இரக்கத்தாலும் '''விண்ணிலிருந்து''' விடியல் நம்மைத் தேடிவருகிறது"<ref>[[லூக்கா நற்செய்தி|லூக்கா]] 1:79</ref> என்று இறைவாக்கு உரைத்தார். இயேசு பிறப்பை இடையர்களுக்கு அறிவித்த தூதரோடு இணைந்து, "உன்னதத்தில் கடவுளுக்கு மாட்சி உரித்தாகுக!" என்று '''விண்ணக'''த் தூதரணி கடவுளைப் புகழ்ந்தது.<ref>[[லூக்கா]] 2:13</ref> "'''விண்ணகத்தில்''' இருந்து இறங்கி வந்த வாழ்வு தரும் உணவு நானே"<ref>[[யோவான் நற்செய்தி|யோவான்]] 6:51</ref> என்று தம்மைப் பற்றிக் கூறுகிறார். சிலுவையில் இறந்து, மூன்றாம் நாள் [[இயேசுவின் உயிர்ப்பு|உயிர்த்தெழுந்த]] ஆண்டவர் இயேசு நாற்பது நாட்களாக சீடர்களுக்கு காட்சி அளித்த பின்பு, [[இயேசுவின் விண்ணேற்றம்|விண்ணேற்றம்]] அடைந்து [[தந்தையாம் கடவுள்|கடவுளின்]] வலப்புறம் அமர்ந்தார்<ref>மாற்கு 16:19</ref> என்று புதிய ஏற்பாடு குறிப்பிடுகிறது.

"விண்ணேற்றமடைந்த இயேசு யாவும் சீர்படுத்தப்படும் காலம் வரை '''விண்ணுலகில்''' இருக்க வேண்டும்"<ref>[[திருத்தூதர் பணிகள் (நூல்)|திருத்தூதர் பணிகள்]] 17:24</ref> என்று [[பேதுரு (திருத்தூதர்)|திருத்தூதர் பேதுரு]] எடுத்துரைக்கிறார். "உலகையும், அதிலுள்ள அனைத்தையம் படைத்த கடவுள் '''விண்ணுக்கும்''' மண்ணுக்கும் ஆண்டவர்"<ref>திருத்தூதர் பணிகள் 17:24</ref> என்றும், "கால நிறைவில் விண்ணிலுள்ளவை, மண்ணிலுள்ளவை அனைத்தையுமே கிறிஸ்துவின் தலைமையில் ஒன்று சேர்க்க வேண்டும் என்பதே கடவுளின் திட்டம்"<ref>[[எபேசியருக்கு எழுதிய திருமுகம்|எபேசியர்]] 1:10</ref> எனவும் [[பவுல் (திருத்தூதர்)|திருத்தூதர் பவுல்]] குறிப்பிடுகிறார். [[எருசலேம் கோவில்]] விண்ணகத்தின் சாயல்<ref>'''[[எபிரேயருக்கு எழுதிய திருமுகம்|எபிரேயர்]] 8:5''' "இவர்கள் வழிபடும் இடம் '''விண்ணக'''க் கூடாரத்தின் சாயலும் நிழலுமே."</ref> என [[எபிரேயருக்கு எழுதிய திருமுகம்]] கூறுகிறது. "'''விண்ணகத்தில்''' கடவுளின் கோவில் திறக்கப்பட்டது"<ref>[[திருவெளிப்பாடு (நூல்)|திருவெளிப்பாடு]] 11:19</ref> என்று [[திருவெளிப்பாடு (நூல்)|திருவெளிப்பாடு]] நூல் குறிப்பிடுகிறது.

== ஆதாரங்கள் ==
{{reflist|3}}

==வெளி இணைப்புகள்==
* [http://www.scborromeo.org/ccc/p123a12.htm Catechism of the Catholic Church ''I believe in Life Everlasting''] Explanation of Catholic teaching about Heaven, Hell & Purgatory.
* [http://www.newadvent.org/cathen/07170a.htm Catholic Encyclopedia: Heaven]
* [http://jewishencyclopedia.com/articles/7440-heaven Jewish Encyclopedia: Heaven]
* [http://plato.stanford.edu/entries/heaven-hell/ Stanford Encyclopedia of Philosophy entry on Heaven and Hell.]
* [http://www.nytimes.com/1989/04/30/movies/film-view-in-films-heaven-s-no-paradise.html?pagewanted=all In Films, Heaven’s No Paradise New York Times Wed. July 22, 2009:]
* [http://www.independent.co.uk/opinion/faith/heaven-a-fools-paradise-1949399.html Heaven: A fool's paradise], ''The Independent'', April 21, 2010
* [http://www.swedenborgdigitallibrary.org/contets/HH.html Swedenborg, E. ''Heaven and its Wonders and Hell. From Things Heard and Seen''] (Swedenborg Foundation, 1946)

[[பகுப்பு:கிறித்தவ இறையியல்]]

[[la:Caelum]]

விண்ணகம் - திருத்த வரலாறு

imported>AntonBot: clean up, replaced: கிறித்து → கிறிஸ்து (2)