imported>AswnBot: தானியங்கி உதவியுடன் செய்த குழப்பச்சீரமைப்பு: அந்தமான் - link(s) தொடுப்புகள் அந்தமான் நிக்கோபார் தீவுகள் உக்கு மாற்றப்பட்டன

2020-04-06T13:51:53Z

தானியங்கி உதவியுடன் செய்த குழப்பச்சீரமைப்பு: அந்தமான் - link(s) தொடுப்புகள் அந்தமான் நிக்கோபார் தீவுகள் உக்கு மாற்றப்பட்டன

புதிய பக்கம்

{{Taxobox
| image = Turbinella_pyrum_01.jpg
| image2 = Carved Conch.jpg
| image2_caption = வெட்டிச் செதுக்கிய வேலைப்பாட்டுடன் மூன்று வெண் சங்குகள்
| regnum = [[விலங்கினம்]]
| phylum = [[மெல்லுடலி]]
| classis = [[குடற்காலி]]
| unranked_familia = clade [[Caenogastropoda]]<br/>clade [[Hypsogastropoda]]<br/>clade [[Neogastropoda]]
| superfamilia = [[Muricoidea]]
| familia = [[Turbinellidae]]
| subfamilia = [[Turbinellinae]]
| genus = ''[[Turbinella (genus)|Turbinella]]''
| species = '''''T. pyrum'''''
| binomial = ''Turbinella pyrum''
| binomial_authority = [[கரோலஸ் லின்னேயஸ்|L]], 1758
| synonyms = ''Xancus pyrum''
}}

'''வெண் சங்கு''' (''சாங்கசு பைரம்'', ''Xancus pyrum'') கடல் நத்தை வகையைச் சேர்ந்த [[மெல்லுடலி]] ஆகும். இது [[வலம்புரிச் சங்கு]] எனவும் சிலுவைச் சங்கு எனவும், தட்சணாமூர்த்திச் சங்கு எனவும் அழைக்கப்படுகிறது. இந்த இந்தியச் சங்கு [[இனம் (உயிரியல்)|இனம்]], தற்போது ''டர்பினல்லா பைரம்''<ref name="James">James Hornell (1914), Sacred Chank of India, Madras Fisheries Bureau Bulletin No.7, Madras. Printed by the Superintendent Government Press.</ref> (''Turbinella pyrum'') எனவும் அழைக்கப்படுகிறது. சாங்கசு என்னும் சங்கினத்தில் ''சாங்கசு பைரம்'', ''சாங்கசு ஆங்குலேட்டர் லேட்டசு'', ''சாங்கசு லேவிகேட்டர்'' என்ற மூன்று சிற்றினங்கள் உள்ளன. இந்த மூன்று வகைகளில் ''சாங்கசு பைரம்'' என்னும் சங்கே சிறப்பானது.

==உயிரியல்==

சங்கு மெல்லுடலி என்னும் பிரிவிலுள்ள [[ஓரோட்டு உடலி]]<ref name="James"/> (Gastropoda) ஆகும். இதன் கடினமான ஓடு [[சுண்ணாம்பு|சுண்ணாம்பினால்]] ஆனது. இதன் ஓட்டின் மேற்பகுதி பெரியோஸ்டிரகம் என்ற ஓட்டுறையினால் பாதுகாக்கப்பட்டுள்ளது. ஓட்டினுள் இருக்கும் சங்கின் உட்பகுதி, ஓட்டின் உட்பக்கமுள்ள " காலுமெல்லா" என்னும் தூணின் அனைத்து சுற்றுக்களிலும் (Spires) சுற்றப்பட்டு இருக்கும். ஓட்டின் வாய்ப்பகுதியை மூட, மூடி (Opereulam) ஒன்று உண்டு. இது சங்கினுடைய பாதத்தில் மேல்புறத்தில் ஒட்டியிருக்கும்.

==வாழும் தன்மை மற்றும் காணப்படும் இடங்கள்==

சங்குகள் கூட்டம் கூட்டமாக வாழும் தன்மை கொண்டவை. கடலின் அடிமட்டத்தில் சுமார் 20 முதல் 25 அடி ஆழமுள்ள பகுதிகளில் வாழ்கின்றன.<ref name="mannar">சவகர், வெங்கட்ரமணி, பொன்னையா, சுந்தரராஜ் (1977), மன்னார் வளைகுடாவில் காக்கப்படவேண்டிய அரிய உயிரினங்கள், மீன்வளக் கல்லூரி மற்றும் ஆராய்ச்சி நிலையம், தூத்துக்குடி.</ref> இந்த இடங்கள் சங்குப் படுகைகள் என்று அழைக்கப்படுகின்றன. பெரும்பாலும் [[பாறை]]யோரத்தில் இருக்கும் திடமற்ற, மெல்லிய [[மணல்|மணற்]] பகுதிகள் சங்குகள் வாழ்வதற்கு ஏற்ற இடங்களாகும்.

[[இந்தியா]]வில் [[தமிழகம்|தமிழகக்]] [[கடற்கரை]]ப் பகுதிகளில் இச்சங்கு மிகுதியாகக் காணப்படுகிறது. அத்துடன் [[அந்தமான் நிக்கோபார் தீவுகள்|அந்தமான்]], [[இலங்கை]] மற்றும் [[குஜராத்]] கடற்கரைப் பகுதிகளிலும் குறைந்தளவு காணப்படுகிறது. தமிழகத்தில் [[தூத்துக்குடி]], [[இராமநாதபுரம்]], சோழ மண்டலம் மற்றும் [[கன்னியாகுமரி]] ஆகிய நான்கு மண்டலங்களிலும் இச்சங்கு வளம் நிறைந்துள்ளது.<ref name="mannar"/>

==உணவுப்பழக்கம்==

சங்கு ஒரு [[புலால் உண்ணி]]யாகும். இவை [[கடல்|கடலடியிலுள்ள]] பலகாலிப் புழுக்கள் (''Polycheats''), டெரிபெல்லிட், யூனிஸ்ட் ஆகிய [[புழு]] இனங்களை அதிகம் உண்கின்றன.<ref>Herold . V et al (1984), Marine Biology, Charles E Mernell Publishing Company, Columbia</ref>

==இயக்கம்==

சங்கு கடல் தரையின் மீது ஊர்ந்து செல்லும்போது, கடினமான பொருள்கள் அதன் மென்தோல் அறையினுள் (''Mantle Cavity'') நுழைந்து விடாமல் தடுக்க, சளி (''Mucus'') போன்ற [[நீர்மம்|நீர்மத்தை]] வழியில் சுரந்து அதன் மீது செல்கின்றது.

==இனப்பெருக்கம்==

சனவரி முதல் மார்ச் வரை மற்றும் நவம்பர் முதல் ஏப்ரல் வரை உள்ள காலம் சங்கின் [[இனப்பெருக்கம்|இனப்பெருக்க]] காலம் ஆகும்.<ref>D. W. DEVANESEN & P. I. CHACKO : [www.new.dli.ernet.in/rawdataupload/upload/.../20005b8d_141.pdf BIONOMICS OF THE SACRED CHANK, Xancus pyrum]</ref> பெண் சங்கு இனச் சேர்க்கைக்கு பின் வெளியிடும் [[முட்டை]]க் கூடு (''Egg Mass'') சங்குப்பூ எனப்படுகிறது.

இதன் நீளம் 250 முதல் 300 [[மி.மீ.]] வரை இருக்கும். இக்கூட்டின் குறுக்குவாட்டில் ஒன்றின் மீது ஒன்றென 24 முதல் 28 அறைகள் உள்ளன. ஒவ்வொரு அறைக்குள்ளும் கருவுற்ற முட்டைகள் (''Fertilized Egg'') இருக்கும். அறைகளின் பக்கவாட்டில் செவுள் போன்ற துளை உண்டு. இதன் மூலம் கருவுற்ற முட்டைகளுக்குத் தேவையான [[உயிர்வளி]] கிடைக்கிறது. பின்பு கூட்டினுள் இருந்து 10 மி.மீ. நீளமுள்ள இளம் சங்குகள் வெளிப்படுகின்றன.

[[பெண்]] சங்குகள் ஆண் சங்கை விட பெரியவை. [[ஆண்]] சங்கு குறுக்குவாட்டில் 57 முதல் 60 மி.மீ. வளர்ச்சி அடையும். பெண் சங்கு குறுக்குவாட்டில் 70 முதல் 80 மி.மீ. வளர்ச்சி அடையும்.

==பயன்கள்==

சங்கு சதை உணவாகப் பயன்படுகிறது.<ref>சுந்தரராஜ், கிருஷ்ணதாஸ். (1989), சங்கு வளம், ஸ்டார் பிரசுரம், சென்னை.</ref> சங்கு [[வளையல்]], [[மோதிரம்]] போன்ற [[அணிகலன்]]கள் செய்யவும், ஓர் அலங்கார பொருளாகவும் பயன்படுகிறது. வலம்புரிச் சங்கானது இறைப் பண்பு மிக்க சங்காக இந்தியாவில் மதிக்கப்படுகிறது. [[ஈழை நோய்]], [[என்புருக்கி நோய்]], [[மஞ்சள் காமாலை]], [[காசநோய்]], [[வயிறு|வயிற்று]] [[வலி]] மற்றும் [[கண்]] சம்பந்தப்பட்ட நோய்களில் இருந்து குணமடைய சங்குத்தூள் [[மருந்து|மருந்தாகப்]] பயன்படுகிறது{{ஆதாரம்}}.

==இவற்றையும் காணவும்==
* [[சைவத் திருமுறைகளில் குறிப்பிடப்படும் இசைக்கருவிகள்]]

==மேற்கோள்கள்==
{{reflist}}

{{கடல்வாழ் உயிரினங்கள்}}

[[பகுப்பு:மெல்லுடலிகள்]]
[[பகுப்பு:பரிசு பெற்ற கட்டுரைகள் (2010 கட்டுரைப் போட்டி)]]
[[பகுப்பு:சங்குகள்]]

வெண் சங்கு - திருத்த வரலாறு