உருபனியல்

உருபனியல் (Morphology) என்பது சொற்களின் அமைப்புப் பற்றி ஆராயும் மொழியியலின் துணைத் துறையாகும். பொருள் தரும் மிகச்சிறிய ஒலியக்கூறு உருபன் எனப்படுகிறது. உருபனே பொருளோடு நேரடியான தொடர்பு கொண்டது ஆகும். அன்பு, பண்பு, உலகம் ஒவ்வொன்றும் ஒவ்வொரு உருபன். இவை ஒவ்வொன்றும் தனித்தனியே பொருள் உடையன. இவற்றை மேலும் சிறு கூறுகளாகப் பிரிக்கமுடியாது.

சொற்றொடரியலின் மிகச் சிறிய அலகாகக் கருதப்படுகின்ற சொல், வேறு பல சொற்களுடன் ஓர் ஒழுங்கு முறையில் தொடர்புபட்டு இருப்பதைக் காணமுடியும். எடுத்துக்காட்டாக, தொழில், தொழில்கள், தொழிலாளி என்பன ஒன்றுடன் ஒன்று தொடர்புபட்டவை. தமிழ் மொழி அறிந்தவர்கள் இவ்வாறான தொடர்புகளை அனுபவத்தின் வாயிலாக அறிந்திருப்பர். இந்த அனுபவத்தின் வாயிலான மொழியறிவின் மூலம் தொழில் என்பதற்குத் தொழில்கள் எப்படியோ, அதுபோல, போர் என்பதற்குப் போர்கள் என அவர்கள் அறிவார்கள். இது போலவே, தொழிலாளி என்ற சொல் உருவானது போல, போராளி என்ற சொல்லும் உருவாகும். இவ்வாறே அடிப்படையான சொற்கள் குறிப்பிட்ட ஒரு தொகுதி ஒழுங்கு விதிகளின் அடிப்படையில் பல்வேறு சொற்களாக உருவாகின்றன. இவ்வாறு ஒரு மொழியில், சொற்களின் உருவாக்கத்துக்கு அடிப்படையாக உள்ள விதிகளை ஆராய்ந்து வெளிக்கொணர்வது உருபனியலின் முக்கிய நோக்கமாகும்.

வரலாறு

இந்தியாவில் மிகப் பழைய காலத்திலேயே உருபனியல் சார்ந்த பகுப்பாய்வுகள் நடைபெற்றுள்ளன.

பாணினி எழுதிய சமசுகிருத மொழி இலக்கண நூலான அட்டாத்தியாயியும், தமிழ் மொழி இலக்கணமான தொல்காப்பியமும் இதற்கு எடுத்துக்காட்டுகளாகும். பாணினி தாதுபதம் என்ற நூலில் ஏறத்தாழ 2000 வினை வேர்களை குறிப்பிட்டுள்ளார். இவர் மேலும் சமசுகிருத சொல்லாக்கத்துக்கான 3959 விதிகளை விளக்கியுள்ளதாகக் கூறப்படுகின்றது.

இதுபோலவே கிரேக்க - உரோமானிய மொழியியல் மரபிலும், உருபனியல் பகுப்பாய்வுகள் நடைபெற்றுள்ளன.

தமிழ் இலக்கணத்தில் உருபனியல்

• பகுபத உறுப்புகள்

• யாப்பு: எழுத்து, அசை(அடிப்படை)

• விகுதிகள், இடைச்சொல்

• ஆக்கப்பெயர்கள்

• எழுத்து: சுட்டு, வினா, இடை, விகுதி

• வேற்றுமை உருபுகள்

• புணர்ச்சி

பகுபத உறுப்புகள்

பதம்: பகு, பகா

பகுப்பத உறுப்புகள்: பகுதி, விகுதி, இடைநிலை, சந்தி, சாரியை, விகாரம், எழுத்துப்பேறு.

கட்டமைப்பு

தமிழ்: வேர்ச்சொற்கள்+விகுதிகள்

எடுத்துக்காட்டுகள்:

• தமிழ்+அன்
• தமிழ்+அகம்
• தமிழ்+ஓடு
• தமிழ்+அர்+கள்
• வேர்கள்: தமிழ், அகம்
• விகுதிகள்: அன், ஓடு, அர், கள்
• (விகுதிகள் - பின் ஒட்டுகள்)

ஆங்கிலம்: ஒட்டுகள்+வேர்கள்+ஒட்டுகள்

எடுத்துக்காட்டுகள்:

• run+s
• operate+ion
• re+arrange
• en+joy+ment
• வேர்கள்: run, operate, arrange, joy
• ஒட்டுகள்: s, ion, re, en, ment

உருபன்கள்

• சொற்களின் பாகங்கள் உருபன்.

• மொழியின் மிகச்சிறிய பொருள் கொள்ளக்கூடிய உருக்கட்டமைவுகள்‌.

• சொல்லின் அலகு

• ஒலி மற்றும் எழுத்துக்களின் இயல்பில் அமையும்.

உருபன் வகைகள்:

1. தனி உருபன்கள்

2. பிணை உருபன்கள்

எ.கா

• உரு+உ=உருபு
• உரு+அன்=உருபன்
• உரு=தனி; உ, அன்=பிணை.

உருபன் வகைகள்

1. தனி

• 1.1.1. தனி வேர்

2. பிணை

• 1.2.1. வேற்றுமை
  • 1.2.1.1. திணை, பால், எண், இடம், காலம்
  • 1.2.1.2. பெயர், வினை, இடை, உரி

• 1.2.2. ஆக்கம்
  • 1.2.2.1. பெயர், வினை, உரி

• 1.2.3. பிணை வேர்

தனி உருபன்கள்

• தனி உருபன்கள்- பகாப்பதம்- மேலும் கூறுபிரிக்க முடியாத தனியாக பொருள் தரக்கூடிய சொல்.

• தனி வேர்ச்சொல்

• தமிழில் பகாப்பதம், ஓரெழுத்தொருமொழி, ஈரெழுத்தொருமொழி

• எ.கா: வேர்கள்=வேர்+கள்; இங்கு வேர் என்பது தனி வேர்ச்சொல்

பாடலில் உள்ள தனிவேர்ச்சொற்கள்

பாடல்: நான் எனக்குள்ளே அசைந்தேனே ஊஞ்சல் போலே… யார் எனை அசைத்தே ரசித்தாரோ… சலிக்காமல் பேரலை மேலே விளையாடும் காகம் போலே… யார் எனைத் துணிவாய்ப் படைத்தார்… -பயணம், கார்த்திக் நேதா

தனி வேர்கள்: நான், என், உள், அசை, ஊஞ்சல்*, போல், யார், என், அசை, ரசி, சலி, அலை, மேல், விளையாடு*, காகம், போல், யார், என், துணி, படை,

பிணை உருபன்கள்

• மற்றொரு சொல்லுடன் சேரந்தால் மட்டுமே பொருள் தரும்.

• பிணைந்து மட்டுமே வரும்.

• ஒட்டுகள்: முன், உள், பின்(விகுதி)

• தமிழில் இடைநிலை உருபுகள்

• எ.கா. ஆங்கிலம்: Morphemes- eme, s

• பிணை வேர்கள்: ject- eject, inject, project,

• முளை வேர்கள்: *peh₂, அழ்(அழ்+அகு, அழ்+உ, அழ்+இ, அழ்+ஐ)

வகை:

1. வேற்றுமை உருபன்கள் (அ) திரிபுகள்

2. ஆக்க உருபன்கள்

3. பிணை வேர்கள்

வேற்றுமை உருபன்கள்

• சொல்லில் திணை, பால், எண், இடம், காலம் போன்றவற்றை வேறுபடுத்த கட்டடமைக்கப்படுவது.

• இலக்கண வகைப்பாட்டினை மாற்றாது.

வகைகள்:

திணை, பால், எண், இடம், காலம்

• திணை, பால் உருபன்கள்
• எண் உருபன்கள்
• இட உருபன்கள்
• கால உருபன்கள்

பெயர், வினை

• பெயர் வேற்றுமை உருபன்கள்
• வினை வேற்றுமை உருபன்கள்

சுட்டு, வினா

• சுட்டு உருபன்கள்
• வினா உருபன்கள்

---

எடுத்துக்காட்டுகள்: தமிழ்

• மரபுக்கு=மரபு+கு
• மரபு - பெயர்ச்சொல்
• மரபுக்கு- பெயர்ச்சொல்
• கு- நான்காம் வேற்றுமை உருபு.

எடுத்துக்காட்டுகள்: ஆங்கிலம்

• Walk=walk+ed
• walk- வினைச்சொல்
• walked- வினைச்சொல்
• ed- வேற்றுமை உருபு

ஆங்கிலத்தில் வேற்றுமை உருபன்கள்

• ஆங்கிலத்தில் மொத்தம் 8 வேற்றுமை உருபன்கள் மட்டுமே உள்ளன.

பிணை உருபன்கள்	இயக்கம்	எ.கா
-s	பெயர் பன்மை	book → books
-’s	பெயர் உடைமை	girl → girl’s
-s	3ம் நபர் ஒருமை (நிகழ்கால வினை)	run → runs
-ed	இறந்த காலம் (வினை)	walk → walked
-en	இறந்தகால வினையெச்சம் (வினை)	eat → eaten
-ing	நிகழ்கால வினையெச்சம்/செயற்பெயர் தொடர் (வினை)	read → reading
-er	ஒப்பீடு (உரி)	fast → faster
-est	மீவுயர் (உரி)	tall → tallest

---

திணை, பால், எண், இடம், காலம்

• திணை, பால் வேற்றுமைகள்: (அன், ஆன்),(அள், ஆள்), (அர், ஆர்).

• எண் வேற்றுமைகள்: கள், s, es

• இட வேற்றுமைகள்: {தன்மை{ஏன், ஓம்}, முன்{ஆய், த்ஈர்}, 3{ஆன், ஆள், ஆர்}}

• கால வேற்றுமைகள்: தமிழில் இடைநிலைகள் காலத்தை வேறுபடுத்திக் காட்டுகின்றன. இறந்த கால இடைநிலைகள்: த், ட், ற், இன்; நிகழ்கால இடைநிலைகள்: கிறு, கின்று, ஆநின்று; எதிர்கால இடைநிலைகள்: ப், வ்

---

பெயர் வேற்றுமை உருபன்கள்

• பெயர் வேற்றுமை உருபுகள்: {ஐ, ஆல், கு, இன், அது, கண்}, {கள், s, es}

• இதர: இல்-தமிழில், அ-தமிழ, ஓடு-தமிழோடு, உ- தமிழு*,

---

வினை வேற்றுமை உருபன்கள் (வினைத்திரிபுகள்)

முற்று:

வினைமுற்று விகுதிகள்: அன், ஆன், அள், ஆள், அர், ஆர், ப, மார் அ, ஆ, கு, டு, து, று,

தெரிநிலை வினைமுற்று விகுதிகள்: ஆள், ஆன்

குறிப்பு வினைமுற்று விகுதிகள்: அன், ஆன்

ஏவல் வினைமுற்று விகுதிகள்: உ, இ, அ,

வியங்கோள் வினமுற்று விகுதிகள் : க. இய, இயர், இ, அ என்பன.

--

எச்சம்:

பெயரெச்ச விகுதிகள் : அ, உம் என்பன.

வினையெச்ச விகுதிகள்: உ, இ, ப், பு. ஆ, அ, இன், ஆல், கால் என்பன.

---

• வினை வேற்றுமை உருபுகள்: ed, ing, s, en, முற்று உருபுகள்{தன்மை{ஏன், ஓம்}, முன்{ஆய், த்ஈர்}, 3{ஆன், ஆள், ஆர்}}, எச்ச உருபுகள்{ வினையெச்ச{உ, இ}, பெயரெச்ச{அ}}

---

வினா உருபன்கள்

வினாப் பொருளைத் தரும் எழுத்துக்கள்.

வினா எழுத்துக்கள்: எ, யா, ஆ, ஓ, ஏ

மொழியின் முதலில் வருபவை: எ, யா எ.கா: எங்கு, யாருக்கு

இறுதியில் வருபவை: ஆ, ஓ எ.கா: பேசலாமா, தெரியுமோ

முதலிலும் இறுதியிலும் வருபவை: ஏ எ.கா: ஏன், நீதானே

ஆக்க உருபன்கள்

• ஒரு சொல்லிலிருந்து பிற சொற்களை உருவாக்கும்.
• சொல்லின் இலக்கண வகைப்பாட்டினை மாற்றும்.
• வகை: பெயராக்கம், வினையாக்கம், உரியாக்கம்

எடுத்துக்காட்டுகள்

தமிழ்

சொல்	உருபன்கள்	வகை மாற்றம்
ஆக்கு	ஆக்கு	வினைச்சொல்
ஆக்கம்	ஆக்கு+அம்	வினைச்சொல்→பெயர்ச்சொல்

எடுத்துக்காட்டுகள்

ஆங்கிலம்

சொல்	உருபன்கள்	வகை மாற்றம்
health	health	அடிப் பெயர்
healthy	health+y	பெயர்→ பெயர் உரி
healthily	healthy+ly	பெயர் உரி→ வினை உரி
healthiness	health+y+ness	பெயர் உரி→ பெயர்

பெயர் ஆக்க உருபன்கள்

• சொற்களை பெயர்ச்சொற்களாக மாற்றும் உருபன்கள்.

தமிழில் பெயர் ஆக்க உருபன்கள்

தொழிற்பெயர் விகுதிகள்

அல், தல், அம், ஐ, கை, வை, மை கு, பு, வு, தி, சி, வி

பண்புப் பெயர் விகுதிகள்

மை, ஐ, சி, பு, உ, கு, றி, று, அம், ஆர்

எ.கா: நன்மை - மை தொல்லை - ஐ மாட்சி - சி மாண்பு - பு மழவு - வு நன்கு - கு நன்றி - றி நன்று - று நலம் - அம் நன்னர் - அர்

---

ஆங்கிலத்தில் பெயர் ஆக்க உருபன்கள்

ஆங்கிலத்தில் பெயராக்கவுருபன்கள் நீண்டு கொண்டே போகிறது.

உருபன்	சொல் வகை → பெயர்	பொருள் / இயக்கம்	எ.கா(கள்)
-er / -or	வினை → பெயர்	வினைபுரியும் நபர்	teach → teacher, act → actor
-ist	பெயர்/வினை → பெயர்	ஒரு நம்பிக்கை அல்லது செயலுடன் தொடர்புடைய நபர்	art → artist, Marx → Marxist
-ian	பெயர் → பெயர்	அதற்கு உரிய, நிபுணர்	history → historian, music → musician
-ant / -ent	வினை → பெயர்	வினைபுரியும் பொருள் (அ) நபர்	assist → assistant, depend → dependent
-ee	வினை → பெயர்	வினைப் பெறுநர்	employ → employee, train → trainee
-ment	வினை → பெயர்	நிகழ்வு (அ) விளைவு	develop → development, judge → judgment
-tion / -sion	வினை → பெயர்	செயல் அல்லது செயல்முறை	act → action, decide → decision
-ance / -ence	வினை → பெயர்	நிலை அல்லது தரம்	resist → resistance, differ → difference
-ity / -ty	பெயர் உரி → பெயர்	நிலை, தரம் அல்லது வரைமுறை	real → reality, safe → safety
-ness	பெயர்‌உரி → பெயர்	தரம் (அ) நிலை	kind → kindness, dark → darkness
-ship	பெயர் → பெயர்	நிலை, தன்மை அல்லது திறமை	friend → friendship, leader → leadership
-hood	பெயர் → பெயர்	நிலை, தன்மை அல்லது பருவம்	child → childhood, brother → brotherhood
-dom	பெயர் → பெயர்	நிலை, எல்லை, (அ) வரம்பு	free → freedom, king → kingdom
-cy / -acy	பெயர் உரி → பெயர்	நிலை (அ) தரம்	private → privacy, accurate → accuracy
-al	வினை → பெயர்	செயல் (அ) செயல்முறை	arrive → arrival, renew → renewal
-ure	வினை → பெயர்	செயல் (அ) செயல்முறை	depart → departure, fail → failure
-ing	வினை → பெயர்	பெயர்த்தொடர் (gerund)	read → reading, swim → swimming
-age	வினை → பெயர்	வினை விளைவு	break → breakage, post → postage
-ism	பெயர்/வினை → பெயர்	வழிமுறை, நம்பிக்கை அமைப்பு அல்லது இயக்கம்	Buddha → Buddhism, race → racism
-ology	பெயர் → பெயர்	பற்றிய கல்வி	bio → biology, psych → psychology

உரி ஆக்க உருபன்கள்

• உரிச்சொற்களை உருவாக்கும் உருபன்கள்

• ஆக்க வகை: பெயர் உரி, வினை உரி

தமிழில் உரி ஆக்க உருபன்கள்

பெயர் உரி ஆக்க உருபன்: ஆன, இய

எ.கா:

முறை+ஆன=முறையான

முறையான வழி

நுண்+இய=நுண்ணிய நுண்ணிய துளை

--

வினை உரி ஆக்க உருபன்: ஆக

எ.கா:

சொல்+ஆக=சொல்லாக

சொல்லாக எழுது

ஆங்கிலத்தில் உரி ஆக்க உருபன்கள்

• உரி உருபுகள்
• பெயர் உரி உருபுகள்
• முன்:

ஆங்கிலம்: un-, in-, im-, il-, ir-

• பின்:

ஆங்கிலம்: -al, -ive, -ful, -less, -ous, -ic, -ical, -y, -ish, -en,-able, -ible, -ary,

• வினை உரி உருபுகள்
• பின்

-ly, -wise, -ward /-wards, -ways, -fold

உருபன் அடையாளம்

மற்றும் தொடர்ப்பாடு எவன்கொல் பிறப்பறுக்கல்
உற்றார்க்கு உடம்பும் மிகை.

மற்றும்=மற்று+உம்

தொடர்ப்பாடு=தொடர்+பாடு

எவன்கொல்=எவன்+கொல்

பிறப்பறுக்கல்=பிறப்பு+அறுக்கல்

பிறப்பு=பிற+உ

அறுக்கல்=அறு+அல்

உற்றார்க்கு=உற்று+ஆர்+கு

உடம்பும்=உடம்பு+உம்

மிகை=மிகை.

+(பிற-ப்+இற), (அறு-அற்+உ), (உற்று-உற்+உ), (உடம்பு-உட*+உ)

தனி: மற்று, தொடர், எவன், பிற, அறு, உற்று, உடம்பு, மிகை.

பிணை: உம், பாடு, கொல், அல், ஆர், கு, உம்.

பெயரியல் உருபன்கள்

• வேதியியல் பெயர் உருபன்கள்
• அறிவியல் பெயர் உருபன்கள்
• அலகுச் சொற்கள்
• எண்ணுருபன்கள்: மைக்ரோ10^-6, நானோ10^-9, மும்மம்×3(Tri)

வினையியல் உருபன்கள்

• கணித வினைக் குறிகள்

கணிதவியல் உருபன்கள்

• இயக்கி: {[()]}^*/ +- , வினைக்குறிகள்.(வினை)
• இயங்கி: எண்கள், நிலையான மற்றும் மாறுபடும் மதிப்புகள்.(பெயர், உரி)

உசாத்துணைகள்

• Szczegielniak, Adam. "Morphology: The Words of Language" (PDF). Harvard Scholar (Lecture Slides). Harvard University. Retrieved 28 May 2025.
• "Text Processing, Tokenization & Characteristics – IST 441 Information Retrieval and Search" (PPTX). IST 441 Course Materials (Lecture Slides). The Pennsylvania State University. Retrieved 28 May 2025.

*"Part 02 – Linguistics (Introduction to Natural Language Processing)" (PDF). Leibniz University Hannover – Institute of Artificial Intelligence (Lecture Slides). Leibniz Universität Hannover. Retrieved 28 May 2025.

• அகத்தியலிங்கம், ச. "மொழியியல் சொல்லியல், பெயரியல்; உலக மொழிகள்". தமிழிணையம் மின்னூலககம். தமிழ் இணையம். Retrieved 28 மே 2025.
• "ஆசிரியர்: ச. அகத்தியலிங்கம்". ta.wikisource.org. விக்கிமூலம். Retrieved 28 மே 2025.
• இராசேந்திரன், சங்கர வேலாயுதன். "இராசேந்திரன் சங்கர வேலாயுதன் – Archive Collection (ZIP)" (ZIP). Internet Archive (Collected Works Archive). பல்வேறு. Retrieved 28 May 2025.
• இராசேந்திரன், சங்கர வேலாயுதன். "உருபனியல் (Morphology)". Academia.edu. Academia. Retrieved 28 மே 2025.
• இராசேந்திரன், சங்கர வேலாயுதன். "தமிழில் சொல்லாக்கம் (Word Formation in Tamil)" (PDF). ResearchGate (Book). தமிழ்ப் பல்கலைக்கழகம். Retrieved 28 May 2025.
• இராசேந்திரன், சங்கர வேலாயுதன். "தற்காலத் தமிழில் சொல்லாக்க முறைகள்" (PDF). Internet Archive (Book). தமிழ்ப் பல்கலைக்கழகம். Retrieved 28 May 2025.
• இராசேந்திரன், சங்கர வேலாயுதன். "Flowchart of Morph Analyzer/Generator for Tamil Verbal Complex (in Tamil)" (PDF). Internet Archive (Technical Diagram). Internet Archive. Retrieved 28 May 2025.
• Ayer, Mosur Venkataswami. "விகுதி விளக்கம்: The Terminations of Tamil Words" (PDF). Tamil Digital Library (Book). S.P.C.K. PRESS. Retrieved 28 July 2025.
• மு, இராகவையங்கார். "வினைத்திரிபு விளக்கம்: Congugation of Tamil Verbs" (PDF). Wikimedia (Book). M. R. நாராயணையங்கார். Retrieved 28 July 2025.
• "விகுதி – அறிமுகம்". Tamil Virtual Academy (Educational Webpage). Tamil Virtual Academy. Retrieved 28 May 2025.
• Sun, Weiwei; Chen, Yulong. "Lecture 2. Morphology: Overview of Natural Language Processing" (PDF). University of Cambridge – Department of Computer Science and Technology (Lecture Slides). University of Cambridge. Retrieved 28 May 2025.
• Sarveswaran, Kengatharaiyer. "Morphology and Syntax of the Tamil Language" (PDF). arXiv (Research Paper). University of Jaffna, Sri Lanka. Retrieved 28 May 2025.
• "Block-3: Word Formation Strategies" (PDF). eGyanKosh (Study Material). IGNOU (Indira Gandhi National Open University). Retrieved 28 May 2025.
• Mailhot, Hugo. "MorphoLEX_en.xlsx – Lexical Database for ~70k English Words with Morphological Variables" (XLSX). GitHub (Dataset). GitHub. Retrieved 28 May 2025.
• Batsuren, Khangharid. "MorphyNet: A Large Multilingual Database of Derivational and Inflectional Morphology (+Morpheme Segmentation)". GitHub (Code Repository). GitHub. Retrieved 28 May 2025.
• Goldberg, Colin. "morphemes.json – Common English Morphemes, Organized for Automated Access" (JSON). GitHub (Dataset). GitHub. Retrieved 28 May 2025.
• "Morphemic Segmentation of English Words – A Dataset of English Words and Morphemic Segmentations". Kaggle (Dataset). Kaggle. Retrieved 28 May 2025.
• "Universal Morphology (UniMorph) – English Language Repository". GitHub (Code Repository). UniMorph Project. Retrieved 28 May 2025.
• "Brief Guides to Nomenclature". IUPAC (Webpage). International Union of Pure and Applied Chemistry (IUPAC). Retrieved 28 May 2025.

மேலதிக வாசிப்பு

• Text Processing, Tokenization & Characteristics, IST 441 Information Retrieval and Search, The Pennsylvania State University – PPTX
• தாது பதம், பாணினி, மத்திய சமக்கிருத பல்கலைக்கழகம், கல்வி அமைச்சகம், இந்தியா – PDF
• Dhatupatha of Panini – Archive.org

• இராசேந்திரன் சங்கர வேலாயுதன் – Archive.org

• தமிழ் வினைகளின் இலக்கணமயமாக்கம்