வனவாசி

—  பேரூராட்சி  —
வனவாசி இருப்பிடம்: வனவாசி , தமிழ்நாடு , இந்தியா
அமைவிடம்	11°45′09″N 77°52′44″E
மாவட்டம்	சேலம்
ஆளுநர்
முதலமைச்சர்
மாவட்ட ஆட்சியர்	இளம் பகவத், இ. ஆ. ப
மக்கள் தொகை	6,749 (2001)
நேர வலயம்	இந்திய சீர் நேரம் (ஒ.ச.நே + 05:30)
குறியீடுகள் • அஞ்சல் குறியீட்டு எண் • 636457 • தொலைபேசி • +04298

வனவாசி ((ஆங்கிலம்:Vanavasi)), இந்தியாவின் தமிழ்நாடு மாநிலத்தில் அமைந்துள்ள சேலம் மாவட்டத்தில் இருக்கும் ஒரு பேரூராட்சி ஆகும்.வனவாசி எடப்பாடி சட்ட மன்ற தொகுதியையும்,தர்மபுரி பாராளுமன்ற தொகுதியையும் சேர்ந்தது.

புவியியல்

இவ்வூரின் அமைவிடம் 11.75°N 77.88°E / 11.75; 77.88 ஆகும்.

மக்கள் வகைப்பாடு

வனவாசியில் தேவாங்கர் மற்றும் செங்குந்தர் இனத்தைச் சார்ந்த மக்கள் பெரும்பான்மையாக வசிக்கின்றனர். வனவாசி தூய பட்டு நெசவுத் தொழிலை மற்றும் விசை தறி துணி தயாரிப்புகளையும் முக்கியத் தொழிலாகக் கொண்டது. பட்டுச் சேலை நெசவிற்கு சேலம் மாவட்டத்திலேயே மிகவும் பிரசித்தி பெற்ற இடமாகும். இங்கு விசைத்தறி கூடங்களும் நிறைய உள்ளன. இங்கு வாரந்தோறும் வியாழக் கிழமைகளில் வாரச் சந்தை கூடுகிறது.வனவாசியைச் சுற்றி தென்னந் தோப்புகள் நிறைய உள்ளன.

பள்ளி மற்றும் நூலகம்

வனவாசியில் ஓர் அரசு ஊராட்சி ஒன்றியத் துவக்கப் பள்ளி மற்றும் அரசு மேனிலைப் பள்ளியும் உள்ளன. மேலும் ஒரு அரசு கிளை நூலகமும் வனவாசியில் செயல்பட்டு வருகின்றது. அது தவிர, அரசு சார்ந்த தனியார் ஆங்கில வலி கல்வி பயில்விக்கும் இரண்டு பள்ளிகள் உள்ளன.

கோயில்கள் மற்றும் திருவிழாக்கள்

வனவாசியில் நிறைய திருக்கோயில்கள் அமைந்துள்ளன. அவற்றில் குறிப்பிடத் தகுந்தவை மாரியம்மன் கோயில், முத்துகுமாரசாமி கோயில், திரௌபதியம்மன் கோயில், சுப்ரமணியசாமி கோயில், ஓம்காளியம்மன் கோயில், பத்ரகாளியம்மன் கோயில், சௌடேஸ்வரி அம்மன் கோயில், முனியப்பன் கோயில் ஆகிய கோயில்கள் உள்ளன. இங்கு ஆறு ஆண்டுகளுக்கு ஒருமுறை கொண்டாடப்படும் திரௌபதியம்மன் பண்டிகை மிகவும் புகழ் பெற்றதாகும். ஆண்டு தோறும் ஐப்பசி மாதம் மாரியம்மன் பண்டிகையும் இங்கு வெகு சிறப்பாக கொண்டாடப்படுகிறது.வனவாசியில் ஒரு மலை உள்ளது.அதன் உச்சியில் கொப்பு கொன்றாயப் பெருமாள் கோயில் உள்ளது.புரட்டாசி சனிக்கிழமைகளில் இங்கு வெகு விமரிசையாக பூசை நடைபெறும்.

மருத்துவமனை

வனவாசியில் ஓர் அரசு ஆரம்ப சுகாதர நிலையம் உள்ளது. இப்போது அருகில் உள்ள பெரியவனவாசிக்கு மாறியுள்ளது

வங்கி

வனவாசியில் ஒரு ஐசிஐசிஐ வங்கி உள்ளது.மேலும் சிட்டி யூனியன் வங்கி சார்பில் வனவாசி மேல்ரோட்டில் ஒரு ஏடிஎம் மையமும் தொடங்கப்பட்டுள்ளது.

அருகிலுள்ள ஊர்கள்

வனவாசியில் இருந்து பின்வரும் ஊர்கள் கீழ் குறிப்பிட்ட தொலைவுகளில் அமைந்துள்ளன:

சேலம்-36 கிமீ,மேட்டூர் அணை-20 கிமீ,எடப்பாடி-20கிமீ,ஜலகண்டபுரம்-8 கிமீ,தாரமங்கலம்-12 கிமீ,நங்கவள்ளி-2 கிமீ.இந்த ஊர்களுக்கு பத்து நிமிடங்களுக்கு ஒரு முறை பேருந்து வசதி உள்ளது.மேலும் சிற்றுந்துகளும் உள்ளன.

பொழுதுபோக்குகள்

வனவாசியில் உள்ள திரையரங்கு தற்காலிகமாக மூடப்பட்டுள்ளது. மேலும் மாதந்தோறும் அமாவாசை தினங்கள் விடுமுறை நாளாக பின்பற்றப்படுகிறது. அன்று மட்டும் யாரும் நெசவு மேற்கொள்ளமாட்டார்கள், தத்த ம் வேலைகளுக்கு விடுப்பு எடுத்து கொள்வார்கள், பல்வேறு கோவில்களுக்கு சென்று வழிபடுவர்கள்  , அன்று அனைவரும் அவர்களின் குடும்பத்தோடும், நண்பர்களுடனும் கோவிலுக்கு போதல், விளையாடுதல், பொழுது போக்கு இடங்களுக்கு செல்லுதல் நிகழ்ச்சிகள் முதலியன ஏற்படுத்திக்கொள்வார்கள்    .மேலும் இங்கு பல கோவில்கள் உள்ளன, வாரந்தோறும் வெள்ளி கிழமைகளில் கோவில்களில் சிறப்பு வழிபாடுகள் நடைபெறும்.

படங்கள்

• 
  Street View
• 
  Street view
• 
  Sowdeswariamman Temple

மேற்கோள்கள்

• www.pincode.net.in
• www.bankifsccode.com/ICICI_BANK_LTD
• http://www.veethi.com/places/vanavasi-tamil-nadu-place-15032.htm
• [1]
• [2]