திசம்பர் 17
| << | திசம்பர் | >> | ||||
| ஞா | தி | செ | பு | வி | வெ | ச |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
| MMXXVI | ||||||
திசம்பர் 17 (December 17) கிரிகோரியன் ஆண்டின் 351 ஆம் நாளாகும். நெட்டாண்டுகளில் 352 ஆம் நாள். ஆண்டு முடிவிற்கு மேலும் 14 நாட்கள் உள்ளன.
நிகழ்வுகள்
- 942 – நோர்மண்டியின் முதலாம் வில்லியம் படுகொலை செய்யப்பட்டான்.
- 1398 – தில்லியில் சுல்தான் நசீருதின் மெகுமூதின் படையினர் பேரரசர் தைமூரினால் தோற்கடிக்கப்பட்டனர்.
- 1538 – பாப்பரசர் மூன்றாம் பவுல் இங்கிலாந்தின் எட்டாம் ஹென்றி மன்னரை திருச்சபைத் தொடர்புகளில் இருந்து விலக்கினார்.
- 1577 – பிரித்தானிய அரசி முதலாம் எலிசபெத்துக்காக அமெரிக்காக்களின் பசிபிக் பெருங்கடல் பகுதியை ஆராய்வதற்காக பிரான்சிஸ் டிரேக் இங்கிலாந்து, பிளைமவுத் துறைமுகத்தில் இருந்து புறப்பட்டார்.
- 1586 – கோ-யோசெய் சப்பானின் பேரரசராக முடிசூடினார்.
- 1718 – பெரிய பிரித்தானியா எசுப்பானியா மீது போரை அறிவித்தது.
- 1777 – அமெரிக்கப் புரட்சி: பிரான்சு ஐக்கிய அமெரிக்காவை அங்கீகரித்தது.
- 1819 – சிமோன் பொலிவார் பெரிய கொலம்பியாவின் விடுதலையை அறிவித்தார்.
- 1835 – நியூயார்க் நகரில் இடம்பெற்ற பெரும் தீயில் 50 ஏக்கர் நிலப்பரப்பு சேதமடைந்தது.
- 1837 – உருசியாவின் சென் பீட்டர்ஸ்பேர்க் நகரில் உள்ள குளிர்கால அரண்மனையில் ஏற்பட்ட தீ விபத்தில் 30 காவலாளர்கள் உயிரிழந்தனர்.
- 1862 – அமெரிக்க உள்நாட்டுப் போர்: ஐக்கிய அமெரிக்காவின் டென்னசி, மிசிசிப்பி, கென்டக்கி ஆகிய மாநிலங்களில் இருந்து யூதர்கள் வெளியேற்றப்பட உத்தரவு பிறப்பிக்கப்பட்டது.
- 1903 – ரைட் சகோதரர்கள் வடக்கு கரொலைனாவில் முதன்முதலில் பன்னிரெண்டு வினாடிகள் எஞ்சின் உந்தும் ரைட் பிளையர் ஊர்தியில் பறந்தனர்.
- 1907 – யூஜியன் வாங்சுக் பூட்டானின் முதலாவது மன்னராக முடிசூடினார்.
- 1918 – ஆத்திரேலியாவின் டார்வின் நகரில் ஆயிரத்திற்கும் அதிகமான தொழிலாளர்கள் ஆர்ப்பாட்டப் பேரணியில் கலந்து கொண்டனர்.
- 1926 – லித்துவேனியாவில் இடம்பெற்ற இராணுவப் புரட்சியை அடுத்து மக்களாட்சி அரசு கலைக்கப்பட்டு அண்டானசு சிமெத்தோனா ஆட்சியைப் பிடித்தார்.
- 1928 – காவல்துறையினரின் பாதுகாப்பிலிருந்த லாலா லஜபதி ராய் கொல்லப்பட்டதற்குப் பழி வாங்கும் முகமாக இந்தியப் புரட்சியாளர்கள் பகத் சிங், சுக்தேவ் தபார், சிவராம் ராஜகுரு ஆகியோர் பிரித்தானியக் காவல்துறை அதிகாரி ஜேம்சு சோண்டர்சு என்பவரை பஞ்சாப், லாகூரில் படுகொலை செய்தனர்.
- 1938 – ஓட்டோ ஹான் யுரேனியத்தின் அணுக்கருப் பிளவைக் கண்டுபிடித்தார்.
- 1941 – இரண்டாம் உலகப் போர்: சப்பானியப் படைகள் வடக்கு போர்னியோவில் இறங்கினர்.
- 1943 – ஐக்கிய அமெரிக்காவில் சீனர்கள் குடியுரிமை பெறுவதகு விதிக்கப்பட்ட தடை நீக்கப்பட்டது.
- 1944 – இரண்டாம் உலகப் போர்: பல்ஜ் சண்டை: மால்மெடி படுகொலை: அமெரிக்கப் போர்க்கைதிகள் 84 பேர் செருமனியப் படைகளினால் பெல்ஜியத்தில் சுட்டுக் கொல்லப்பட்டனர்.
- 1947 – இலங்கைத் தமிழரசுக் கட்சி ஆரம்பிக்கப்பட்டது.
- 1957 – அமெரிக்கா முதலாவது கண்டம் விட்டுக் கண்டம் பாயும் அட்லசு ஏவுகணையை வெற்றிகரமாக சோதித்தது.
- 1960 – எத்தியோப்பியாவின் பேரரசர் முதலாம் ஹைலி செலாசியின் படையினர் டிசம்பர் 13 இல் ஆரம்பமான ஆட்சிக் கவிழ்ப்பு நடவடிக்கையை முறியடித்தனர்.
- 1960 – செருமனியின் மியூனிக் நகரில் விமானம் ஒன்று தரையில் வீழ்ந்ததில் 20 பயணிகளும், தரையில் 32 பேரும் உயிரிழந்தனர்.
- 1961 – பிரேசில், இரியோ டி செனீரோ நகரில் வட்டரங்கு களியாட்ட நிகழ்வில் தீப்பிடித்ததில் 500 பேர் வரையில் உயிரிழந்தனர்.
- 1967 – ஆத்திரேலியப் பிரதமர் ஹரல்ட் ஹோல்ட் விக்டோரியா மாநிலத்தில் கடலில் நீந்தும்போது காணாமல் போனார். இவர் கடலில் மூழ்கி இறந்து விட்டதாகப் பின்னர் அறிவிக்கப்பட்டது.
- 1969 – ஐக்கிய அமெரிக்க வான் படை அடையாளம் கண்டுபிடிக்க முடியாத பறக்கும் பொருள் பற்றிய ஆய்வை முடித்துக் கொண்டதாக அறிவித்தது.
- 1970 – போலந்தில் கிதீனியா நகரில் தொடருந்துகளில் இருந்து இறங்கிய தொழிலாளர்களை நோக்கிப் படையினர் சுட்டதில் பலர் கொல்லப்பட்டனர்.
- 1973 – ரோம் நகர விமான நிலையத்தை பாலத்தீனப் போராளிகள் தாக்கியதில் 30 பயணிகள் கொல்லப்பட்டனர்.
- 1983 – லண்டனில் ஹரட்ஸ் பல்பொருள் அங்காடியில் ஐரியக் குடியரசுப் படையினரின் குண்டுத் தாக்குதலில் 7 பேர் கொல்லப்பட்டனர்.
- 1989 – உருமேனியாவில் கம்யூனிச அரசுக்கு எதிரான ஆர்பபட்டங்கள் தொடர்ந்தன. கம்யூனிஸ்டுக் கட்சியின் மாவட்ட செயலகம் தீவைத்துக் கொளுத்தப்பட்டது.
- 1989 – 25 ஆண்டுகளின் பின்னர் பிரேசிலில் முதலாவது பொதுத்தேர்தல் இடம்பெற்றது.
- 2005 – பூட்டான் மன்னர் ஜிக்மே சிங்கே வாங்சுக் முடிதுறந்தார்.
- 2009 – லெபனானில் டானி எஃப்11 என்ற கப்பல் கவிழ்ந்ததில் 44 பேர் உயிரிழந்தனர். அத்துடன் 28,000 மிருகங்களும் உயிரிழந்தன.
- 2010 – முகம்மது பொசீசி என்பவர் தீக்குளித்து இறந்தார். இந்நிகழ்வு துனீசியப் புரட்சி, மற்றும் அரேபிய வசந்தம் ஆகியவற்றிற்கு வழிவகுத்தது.
- 2014 – ஐக்கிய அமெரிக்காவும் கியூபாவும் 1960 ஆம் ஆண்டிற்குப் பின்னர் முதற்தடவையாக தூதரக உறவைப் புதுப்பித்துக் கொண்டன.
பிறப்புகள்
- 1556 – அப்துல் ரஹீம் கான்-இ-கானா, பாக்கித்தானிய-இந்தியக் கவிஞர் (இ. 1627)
- 1778 – ஹம்பிரி டேவி, ஆங்கிலேய வேதியியலாளர், இயற்பியலாளர் (இ. 1829)
- 1797 – ஜோசப் ஹென்றி, அமெரிக்க இயற்பியலாளர், பொறியியலாளர் (இ. 1878)
- 1905 – முகம்மது இதயத்துல்லா, 11வது இந்தியத் தலைமை நீதிபதி, அரசியல்வாதி (இ. 1992)
- 1908 – வில்லார்ட் ஃபிராங்க் லிப்பி, நோபல் பரிசு பெற்ற அமெரிக்க வேதியியலாளர் (இ. 1980)
- 1935 – உமையாள்புரம் கே. சிவராமன், தமிழக மிருதங்கக் கலைஞர்
- 1936 – திருத்தந்தை பிரான்சிசு
- 1942 – முகம்மது புகாரி, நைஜீரியாவின் 7வது அரசுத்தலைவர்
- 1956 – அல்மாஸ்பெக் அத்தம்பாயெவ், கிர்கித்தான் அரசியல்வாதி
- 1958 – ஜெயசுதா, தென்னிந்திய நடிகை, அரசியல்வாதி
- 1959 – மனோ கணேசன், இலங்கைத் தொழிற்சங்கத் தலைவர், அரசியல்வாதி
- 1959 – ரஞ்சகுமார், இலங்கை-ஆத்திரேலியத் தமிழ் எழுத்தாளர்
- 1972 – ஜான் ஆபிரகாம், இந்திய நடிகர், தயாரிப்பாளர்
- 1975 – சுசந்திகா ஜயசிங்க, இலங்கை ஓட்ட வீராங்கனை
- 1975 – மில்லா ஜோவோவிச், உக்ரைனிய-அமெரிக்க நடிகை
- 1978 – ரித்தேஷ் தேஷ்முக், இந்தியத் திரைப்பட நடிகர், தயாரிப்பாளர்
- 1992 – குவின்டன் டி கொக், தென்னாப்பிரிக்கத் துடுப்பாளர்
இறப்புகள்
- 1273 – ரூமி, பாரசீகக் கவிஞர், இறையியலாளர் (பி. 1207)
- 1830 – சிமோன் பொலிவார், வெனிசுவேலாவின் 2வது அரசுத்தலைவர் (பி. 1783)
- 1907 – வில்லியம் தாம்சன், ஐரிய-இசுக்கொட்டிய இயற்பியலாளர் (பி. 1824)
- 1946 – கிரிகொரி நியூயிமின், உருசிய வானியலாளர் (பி. 1885)
- 1947 – ஜொஹான்ஸ் நிக்கொலஸ் பிரோன்ஸ்ட்டெட், தென்மார்க்கு வேதியியலாளர் (பி. 1879)
- 1967 – ஹரல்ட் ஹோல்ட், ஆத்திரேலியாவின் 17வது பிரதமர் (பி. 1908)
- 1975 – சோ. இளமுருகனார், ஈழத்துப் புலவர் (பி. 1908)
- 2002 – கே. டபிள்யூ. தேவநாயகம், இலங்கை அரசியல்வாதி (பி. 1910)
- 2011 – கிம் ஜொங்-இல், வடகொரியாவின் 2வது அரசுத்தலைவர் (பி. 1941)
- 2016 – ஆன் றணசிங்க, செருமானிய-யூத எழுத்தாளர் (பி. 1925)
சிறப்பு நாள்
- பாலியல் தொழிலாளர்களுக்கு எதிரான வன்முறை எதிர்ப்பு நாள்
- ஓய்வூதியர் நாள் (இந்தியா)
வெளி இணைப்புகள்
தமிழர்விக்கி பொதுவகத்தில் விரைவில் வருவதற்கு உதவி செய்யுங்கள்.