பொலோனைடு
பொலோனைடு (Polonide) என்பது கதிரியக்கத் தனிமமான பொலோனியத்திற்கும், பொலோனியத்தை விடக் குறைந்த எலக்ட்ரான் கவர் தன்மை கொண்ட வேறு எந்தத் தனிமத்திற்கும் இடையேயான ஒரு வேதிச் சேர்மமாகும்.[1] பொலோனைடுகள் பொதுவாக தனிமங்களுக்கு இடையே சுமார் 300–400 °செல்சியசு வெப்பநிலையில் நிகழும் நேரடி வினை மூலம் தயாரிக்கப்படுகின்றன.[2][3] இவை பொலோனியத்தின் வேதியியல் ரீதியாக மிகவும் நிலைத்தன்மை வாய்ந்த சேர்மங்களில் ஒன்றாகும்.[4] இவற்றை இரண்டு பரந்த குழுக்களாகப் பிரிக்கலாம்.
- Po²⁻ அயனியைக் கொண்டிருப்பதாகத் தோன்றும் அயனி பொலோனைடுகள்;
- பிணைப்பு மிகவும் சிக்கலானதாக இருக்கும் உலோகங்களிடைப் பொலோனைடுகள்.
சில பொலோனைடுகள் இந்த இரண்டு நிலைகளுக்கும் இடைப்பட்டவையாக உள்ளன. மற்றவை விகிதச்சமமற்ற சேர்மங்களாகும். பொலோனியத்தைக் கொண்ட உலோகக் கலவைகளும் பொலோனைடுகளாக வகைப்படுத்தப்படுகின்றன. பொலோனியம் தனிம அட்டவணையில் தெலூரியத்திற்குச் சற்று கீழே இருப்பதால், பொலோனைடுகளுக்கும் தெலூரைடுகளுக்கும் இடையே பல வேதியியல் மற்றும் கட்டமைப்பு ஒற்றுமைகள் உள்ளன.
இயற்கை பொலோனைடுகள்
பொலோனியத்தின் ஆல்பா சிதைவின் போது ஈயம் உருவாவதால், ஈயப் பொலோனைடு (PbPo) இயற்கையாகவே காணப்படுகிறது.[5]
அயனிப் பொலோனைடுகள்
மிகவும் நேர்மின் தன்மை கொண்ட உலோகங்களின் பொலோனைடுகள், பாரம்பரிய அயனி கட்டமைப்பு வகைகளைக் காட்டுகின்றன, மேலும் அவை Po²⁻ எதிர்மின் அயனியைக் கொண்டிருப்பதாகக் கருதப்படுகின்றன.
| வாய்ப்பாடு | கட்டமைப்பு | அணிக்கோவை அளவுரு |
மேற்கோள். |
|---|---|---|---|
| சோடியம் பொலோனைடு (Na2Po) | எதிர் புளோரைட்டு | 747.3(4) பைக்கோமீட்டர் | [4][2] |
| கால்சியம் பொலோனைடு (CaPo) | சோடியம் குளோரைடு | 651.0(4) பைக்கோமீட்டர் | [4][2] |
| பேரியம் பொலோனைடு (BaPo) | சோடியம் குளோரைடு | 711.9 பைக்கோமீட்டர் | [4][3] |
சிறிய நேர்மின் அயனிகளுடன், கட்டமைப்பு வகைகள் பொலோனைடு அயனியின் அதிக முனைவாக்கத்தையோ அல்லது பிணைப்பில் அதிக சகப்பிணைப்புத் தன்மையையோ சுட்டிக்காட்டுகின்றன. மக்னீசியம் பொலோனைடு ஒரு வழக்கத்திற்கு மாறான சேர்மமாகும், ஏனெனில் இது மக்னீசியம் தெலூரைடுடன் ஒத்த கட்டமைப்பு கொண்டதல்ல.[3] MgTe ஒரு ஊர்ட்சைட்டு அமைப்பைக் கொண்டுள்ளது.[6] இருப்பினும் ஒரு நிக்கலின் வகை கட்டமும் பதிவாகியுள்ளது.[7]
| வாய்ப்பாடு | கட்டமைப்பு | அணிக்கோவை அளவுரு |
மேற்கோள். |
|---|---|---|---|
| MgPo | நிக்கலின் (NiAs) | a = 434.5 பைக்கோமீட்டர் c = 707.7 பைக்கோமீட்டர் |
[4][3] |
| BePo | சிபேலரைட்டு (ZnS) | 582.7 பைக்கோமீட்டர் | [4][2] |
| CdPo | சிபேலரைட்டு (ZnS) | 666.5 பைக்கோமீட்டர் | [4][3] |
| ZnPo | சிபேலரைட்டு (ZnS) | 628(2) பைக்கோமீட்டர் | [2] |
பொலோனைடு அயனியின் (Po²⁻) பயனுள்ள ஆரத்தை, சானன் (1976) வழங்கிய நேர்மின் அயனிகளின் அயனி ஆரங்களிலிருந்து கணக்கிடலாம்.[8] 4-ஒருங்கிணைப்பிற்கு 216 பைக்கோமீட்டர், 6-ஒருங்கிணைப்பிற்கு 223 பைக்கோமீட்டர், 8-ஒருங்கிணைப்பிற்கு 225 பைக்கோமீட்டர். இலந்தனைடு சுருக்கத்தின் விளைவு தெளிவாகத் தெரிகிறது, ஏனெனில் 6-ஒருங்கிணைப்பு கொண்ட தெலூரைடு அயனியின் (Te²⁻) அயனி ஆரம் 221 பைக்கோமீட்டர் ஆக உள்ளது.[8]
இலந்தனைடுகள் Ln₂Po₃ என்ற வாய்பாட்டுடைய செசுகிபொலோனைடுகளையும் உருவாக்குகின்றன, இவை அயனிச் சேர்மங்களாகக் கருதப்படுகின்றன..[9]
உலோகங்களிடை பொலோனைடுகள்
இலந்தனைடுகள், ஆலைட்டு (NaCl) கட்டமைப்பைக் கொண்ட LnPo என்ற வாய்பாட்டுடன் கூடிய மிகவும் நிலையான பொலோனைடுகளை உருவாக்குகின்றன. அவற்றில் பல, மும்மை இணைதிறன் கொண்ட இலந்தனைடுகளைக் கொண்டிருப்பதாகத் தெரிகிறது. இருப்பினும், அதிக நிலையான +2 ஆக்சிசனேற்ற நிலைகளைக் கொண்ட Sm, Eu, மற்றும் Yb ஆகியவை விதிவிலக்குகளாகக் கருதப்படுகின்றன. இது அவற்றை எலக்ட்ரைடுகளைப் போலவே தோற்றமளிக்கச் செய்கிறது. இவை இலந்தனைடு சல்பைடுகள், செலீனைடுகள் மற்றும் தெலூரைடுகளுக்கு ஒத்த கட்டமைப்பைக் கொண்டவை.[10] இந்தச் சேர்மங்கள் குறைந்தபட்சம் 1600 °செல்சியசு வெப்பநிலை வரை நிலைத்தன்மை கொண்டவை (தூலியம் பொலோனைடு, TmPo, இன் உருகுநிலை 2200 °செல்சியசு ஆகும்). ஆனால் அயனிப் பொலோனைடுகள் (இலந்தனைடு செசுகிபொலோனைடுகள் Ln₂Po₃ உட்பட) சுமார் 600 °செல்சியசு வெப்பநிலையிலேயே சிதைவடைந்துவிடுகின்றன.[4][9] இந்த சேர்மங்களின் வெப்ப நிலைத்தன்மை மற்றும் ஆவியாகாத தன்மை (பொலோனியம் உலோகம் 962 °செல்சியசு வெப்பநிலையில் கொதிக்கும்) ஆகியவை பொலோனியம் அடிப்படையிலான வெப்ப மூலங்களில் அவற்றின் பயன்பாட்டிற்கு முக்கியமானவை ஆகும்.[9]
பாதரசமும் ஈயமும் 1:1 விகிதத்தில் பொலோனைடுகளை உருவாக்குகின்றன. பிளாட்டினம் PtPo2 என்ற வாய்பாட்டுடன் ஒரு சேர்மத்தை உருவாக்குகிறது. அதே சமயம் நிக்கல் NiPox (x = 1–2) என்ற தொடர்ச்சியான கட்டங்களை உருவாக்குகிறது. தங்கம் பரந்த அளவிலான இயைபுகளில் பொலோனியத்துடன் திண்மக் கரைசல்களையும் உருவாக்குகிறது.[4][2][11] அதே நேரத்தில் பிசுமத் மற்றும் பொலோனியம் முழுமையாகக் கலக்கக்கூடியவை.[3] பொலோனியம் மற்றும் அலுமினியம், கார்பன், இரும்பு, மாலிப்டினம், தாண்டலம் அல்லது தங்குதன் ஆகியவற்றுக்கு இடையே எந்த வினையும் காணப்படவில்லை.[3]
மேலும் காண்க
- பொலோனியம் ஐதரைடு-இது ஐதரசன் பொலோனைடு என்றும் அழைக்கப்படுகிறது.
மேற்கோள்கள்
- ↑ பன்னாட்டு தனி மற்றும் பயன்பாட்டு வேதியியல் ஒன்றியம் (2005). Nomenclature of Inorganic Chemistry (IUPAC Recommendations 2005). Cambridge (UK): RSC–IUPAC. பன்னாட்டுத் தரப்புத்தக எண் 0-85404-438-8. pp. 69, 260. மின்னணு வடிவம்..
- ↑ 2.0 2.1 2.2 2.3 2.4 2.5 Moyer, Harvey V. (1956), "Chemical Properties of Polonium", in Moyer, Harvey V. (ed.), Polonium, Oak Ridge, Tenn.: United States Atomic Energy Commission, pp. 33–96, doi:10.2172/4367751, TID-5221.
- ↑ 3.0 3.1 3.2 3.3 3.4 3.5 3.6 Bagnall, K. W. (1962), "The Chemistry of Polonium", Adv. Inorg. Chem. Radiochem., Advances in Inorganic Chemistry and Radiochemistry, 4: 197–229, doi:10.1016/S0065-2792(08)60268-X, ISBN 978-0-12-023604-6.
- ↑ 4.0 4.1 4.2 4.3 4.4 4.5 4.6 4.7 4.8 Greenwood, Norman N.; Earnshaw, Alan (1984). Chemistry of the Elements. Oxford: Pergamon Press. p. 899. ISBN 0-08-022057-6.
{{cite book}}: Cite has empty unknown parameter:|1=(help). - ↑ Weigel, F. (1959). "Chemie des Poloniums". Angewandte Chemie 71 (9): 289–316. doi:10.1002/ange.19590710902. Bibcode: 1959AngCh..71..289W.
- ↑ Zachariasen, W. (1927), "Über die Kristallstruktur des Magnesiumtellurids", Z. Phys. Chem., 128: 417–20, doi:10.1515/zpch-1927-12830, S2CID 99161358.
- ↑ Rached, D.; Rabah, M.; Khenata, R.; Benkhettou, N.; Baltache, H.; Maachou, M.; Ameri, M. (2006), "High pressure study of structural and electronic properties of magnesium telluride", J. Phys. Chem. Solids, 67 (8): 1668–73, Bibcode:2006JPCS...67.1668R, doi:10.1016/j.jpcs.2006.02.017.
- ↑ 8.0 8.1 Shannon, R. D. (1976), "Revised Effective Ionic Radii and Systematic Studies of Interatomic Distances in Halides and Chalcogenides", Acta Crystallogr. A, 32 (5): 751–67, Bibcode:1976AcCrA..32..751S, doi:10.1107/S0567739476001551.
- ↑ 9.0 9.1 9.2 Heat Sources for Thermoelectric Generators (PDF), Miamisburg, Ohio: Monsanto Research Corporation Mound Laboratory, 1963.
- ↑ Kershner, C. J.; DeSando, R. J.; Heidelberg, R. F.; Steinmeyer, R. H. (1966), "Rare earth polonides", J. Inorg. Nucl. Chem., 28 (8): 1581–88, doi:10.1016/0022-1902(66)80054-4. Kershner, C. J.; Desando, R. J. (1970), "Promethium polonide synthesis and characterization", J. Inorg. Nucl. Chem., 32 (9): 2911–18, doi:10.1016/0022-1902(70)80355-4.
- ↑ Witteman, W. G.; Giorgi, A. L.; Vier, D. T. (1960), "The Preparation and Identification of some Intermetallic Compounds of Polonium", J. Phys. Chem., 64 (4): 434–40, doi:10.1021/j100833a014.