அமிதா அமான்
| அமிதா அமான் | |
|---|---|
 | |
| பிறப்பு | 1973 காபுல் |
| தேசியம் | ஆப்கானித்தான் |
| பணி | ஊடக தொழில்முனைவோர் |
| அறியப்படுவது | ஆப்கானித்தானில் பெண்களுக்காக ரேடியோ பேகம் என்ற வானொலி தொடங்குதல் |
அமிதா அமான் (Hamida Aman) பிறப்பு 1973) ஆப்கானித்தானைச் சேர்ந்த தொழில்முனைவோரும், எழுத்தாளரும் மற்றும் பத்திரிக்கையாளரும் ஆவார். இவர் காபுலில் ஒரு வானொலி நிலையத்தைத் தொடங்கினார். இது பாலின நிறவெறியால் விலக்கப்பட்ட சிறுமிகளுக்கு பொதுக் கல்வியில் இருந்து கல்வி கற்பதில் நிபுணத்துவம் பெற்றது. 2024 ஆம் ஆண்டில் பிபிசியின் உத்வேகம் அளிக்கும் 100 பெண்களில் ஒருவராக இவர் அங்கீகரிக்கப்பட்டார்.
வாழ்க்கை
அமிதா அமான் 1973 இல் காபுலில் பிறந்தார். இவரது பாட்டி "பேகம்" என்ற பட்டத்தை வகித்த ஒரு பிரபுத்துவ பெண்மணி ஆவார். பேகம் என்றால் இளவரசி அல்லது உயர் அந்தஸ்து அல்லது பொறுப்புள்ள பெண் என்று பொருள். இவருக்கு ஆறு வயதாக இருந்தபோது, தாலிபான்களின் தாக்குதலில் இருந்து தப்பிக்க இவரும் இவரது குடும்பத்தினரும் சுவிட்சர்லாந்துக்கு குடிபெயர்ந்தனர். அங்கேயே இவர் தனது கல்வியை முடித்தார். 2001 ஆம் ஆண்டில், தனது நாட்டில் தாலிபான்கள் அதிகாரத்திலிருந்து வீழ்ந்த பிறகு, இவர் ஆப்கன் திரும்பினார். பாரிசில் தனது சொந்த குடும்பத்துடன் வாழ்ந்தபோது, ஆப்கானித்தானில் பல திட்டங்களைத் தொடங்க தகவல் தொடர்பு மற்றும் இதழியலில் தனது நிபுணத்துவத்தைப் பயன்படுத்தினார்.[1]
2020 ஆம் ஆண்டில், இவர் பெண்களுக்கான பேகம் அமைப்பை நிறுவினார்.[2]
ஆகஸ்ட் 2021 இல் அமெரிக்கப் படைகள் ஆப்கானித்தானில் இருந்து விலகியபோது, அமிதா அமன் ஏற்கனவே முந்தைய மார்ச் மாதத்தில் ரேடியோ பேகம் என்ற வானொலி நிலையத்தைத் தொடங்கியிருந்தார்.[3] தாலிபான்கள் மீண்டும் ஆட்சிக்கு வருவதற்கான சாத்தியக்கூறுகளின் பின்னணியில், அனைத்துலக பெண்கள் நாளையொட்டி மார்ச் 8, 2021 அன்று அமிதாவால் தொடங்கப்பட்டது. தாலிபான்கள் முன்னர் ஆட்சியில் இருந்தபோது பெண்களின் கல்வியை நசுக்கியிருந்தனர். இது ஆப்கானியப் பள்ளி பாடத்திட்டத்தை செயற்கைக்கோள் மூலம் உள்ளடக்கிய காணொளி பாடநெறிகளை வழங்குகிறது. நிர்வாகத்திற்கான தலிபான்களின் அணுகுமுறை பின்னர் பாலின இனவெறி என்று அழைக்கப்பட்டது. ஏனெனில் பெண்கள் பொது வாழ்க்கையிலிருந்து விலக்கப்பட்டனர். மேலும் இடைநிலைப் பள்ளிகள் மற்றும் பல்கலைக்கழகங்கள் சிறுவர்களுக்கும் ஆண்களுக்கு மட்டுமே ஒதுக்கப்பட்டன.
ரேடியோ பேகம் பெண்கள் குழுவால் நடத்தப்பட்டது. மேலும் 2022 முதல், தகவல் தொடர்பு மேம்பாட்டுக்கான சர்வதேச திட்டத்தின் ஆதரவைப் பெற்றது. இந்த நிதியுதவி கூடுதலாக நாற்பது பெண்களுக்கு பயிற்சி அளிக்க அனுமதித்தது. ஆப்கானித்தான் பெண்களுக்கு தொடர்ந்து ஒளிபரப்பை உறுதி செய்வதற்காக, விதிமுறைகளுக்கு இணங்குவதே நிலையத்தின் அணுகுமுறையாக இருந்தது.[3] இந்த வானொலி நிலையம் பன்னிரண்டு அலைபரப்பிகள் மூலம் சுமார் அரை மில்லியன் மக்களை சென்றடைகிறது என்று மதிப்பிடப்பட்டுள்ளது.[2]
கௌரவம்
2024 ஆம் ஆண்டில், அமானின் உத்வேகம் அளிக்கும் பணியை பிபிசி அங்கீகரித்தது, பிபிசியின் 100 பெண்களில் ஒருவராக அமாத் பெயரிடப்பட்டார்.[4]
மேற்கோள்கள்
- ↑ "À Kaboul, Radio Begum, le seul média à fournir un accès à l'éducation des filles". Madame Figaro (in பிரெஞ்சு). 2022-04-11. Retrieved 2024-12-21.
- ↑ 2.0 2.1 "Resilience amidst adversity: Hamida Aman, founder of women-led radio Begum, empowering Afghan women’s voices" (in en) இம் மூலத்தில் இருந்து 2024-11-30 அன்று. பரணிடப்பட்டது.. http://web.archive.org/web/20241130143639/https://www.unesco.org/en/articles/resilience-amidst-adversity-hamida-aman-founder-women-led-radio-begum-empowering-afghan-womens.
- ↑ 3.0 3.1 "La fondatrice de Radio Begum, la voix des Afghanes: "Nous sommes sans cesse confrontées à des embûches"". rts.ch (in பிரெஞ்சு). 2024-04-18. Retrieved 2024-12-21.
- ↑ "BBC 100 Women 2024: Who is on the list this year? - BBC News". News (in பிரிட்டிஷ் ஆங்கிலம்). Retrieved 2024-12-21.