வேட்டுவம்
வேட்டுவம் (Vettuvam) என்பது பா. ரஞ்சித் இயக்கத்தில் உருவாகி வரும் இந்தியத் தமிழ் மொழித் திரைப்படமாகும். இத்திரைப்படத்தில் ஆர்யா, அசோக் செல்வன், மற்றும் தினேஷ் ரவி ஆகியோர் முக்கிய கதாபாத்திரங்களில் நடிக்கின்றனர்.[1] நீலம் தயாரிப்பு நிறுவனம் மற்றும் கோல்டன் ரேசியோ பிலிம்சு ஆகிய நிறுவனங்களின் தயாரிப்பில்,[2] பியூசு சிங், அபயானந்த் சிங், சௌரப் குப்தா, அசுவினி சவுத்ரி, மற்றும் அதிதி ஆனந்த் ஆகியோரால் தயாரிக்கப்படுகிறது.
வேட்டுவம் திரைப்படம் கிராமப்புற பின்னணியில் அமைந்த ஒரு கதையாகும். ஒரு தலைவன் நவீன கால “ராபின் ஊடு ” ஆக உருவெடுத்து, தன் சமூகத்தில் ஒடுக்கப்பட்டவர்களுக்கு உதவுவதுதான் கதை. அதேசமயம் சட்டத்துடனான மோதல்களைச் சந்திக்கும் நிகழ்ச்சிகள் படத்தை நகர்த்தும். பழங்குடி சுதந்திரப் போராட்ட வீரர் பிர்சா முண்டாவின் வாழ்க்கை மற்றும் போராட்டங்களை எடுத்துக்கூறும் கதை என்றும் சொல்லப்படுகிறது. வேட்டுவம் திரைப்படம் வரலாறு மற்றும் சமூக மாற்றத்தை வெளிக்கொண்டுவரும் என எதிர்பார்க்கப்படுகிறது.
வேட்டுவம் திரைப்படத்தின் முதல் பார்வை 2022 ஆம் ஆண்டு கேன்சு திரைப்பட விழாவில் வெளியிடப்பட்டது. இத்திரைப்படம் பா. ரஞ்சித்தின் பன்னாட்டுத் திரைப்பட அறிமுகமாகக் கருதப்படுகிறது.[3]
வெளியீடு
வேட்டுவம் திரைப்படம் 2026ஆம் ஆண்டில் திரையரங்குகளில் வெளியாகும் என எதிர்பார்க்கப்படுகிறது. இசையமைப்பாளர் ஜீ.வி பிரகாஷ் இசையமைக்கிறார்.[4] படத்தின் பாடல்கள், திரைப்படம் வெளியீட்டுத் தேதி அதிகாரப்பூர்வமாக இன்னும் அறிவிக்கப்படவில்லை.[5]
மேற்கோள்கள்
- ↑ "‘வேட்டுவம்’ படத்தின் கதைக்களம்: பா.ரஞ்சித் தகவல்". இந்து தமிழ் திசை. https://www.hindutamil.in/news/cinema/tamil-cinema/1377274-director-pa-ranjith-about-vettuvam-story.html. பார்த்த நாள்: 3 November 2025.
- ↑ DIN (2025-03-29). "பா. இரஞ்சித்தின் வேட்டுவம் அப்டேட்!". Dinamani. Retrieved 2025-11-03.
- ↑ "Pa Ranjith makes Cannes debut, launches first look of ‘Vettuvam’". தி இந்து. https://www.thehindu.com/entertainment/movies/pa-ranjith-makes-cannes-debut-launches-first-look-of-vettuvam/article65439112.ece. பார்த்த நாள்: 2 November 2025.
- ↑ தினத்தந்தி (2025-11-03). "ராஜமவுலி - மகேஷ் பாபு கூட்டணியில் உருவாகும் படத்தின் பர்ஸ்ட் லுக் அப்டேட்". www.dailythanthi.com. Retrieved 2025-11-03.
- ↑ Vettuvam, Golden Ratio Films, Neelam Studios, retrieved 2025-11-02