நிசா தகியா
நிஷா தகியா (Nisha Dahiya) (பிறப்பு. அக்டோபர் 18,1998) ஓர் இந்திய விருப்ப பாணி மல்யுத்த வீராங்கனை ஆவார். 2023 ஆசிய வெற்றிவாகை மற்றும் 2021 U23 உலக வெற்றிவாகை ஆகிய இரண்டிலும் வெள்ளிப் பதக்கங்களை வென்றுள்ளார்.[1][2] தகியா 2024 பாரிஸ் ஒலிம்பிக் போட்டியில் பங்குகொண்டார். அதில் காலிறுதியாட்டத்தில் தோல்விக்குப் பிறகு ஏழாவது இடத்தைப் பிடித்தார், போட்டியின் போது ஏற்பட்ட விரல் மற்றும் தோள்பட்டை காயம் காரணமாக 8-1 என்ற கணக்கில் முன்னிலை வகித்தார்.[3]
| தனிநபர் தகவல் | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
| தேசியம் |  இந்தியா | |||||||||||||||||||
| பிறப்பு | 18 அக்டோபர் 1998 ஆதியானா, பானிப்பட், ஹரியானா, இந்தியா | |||||||||||||||||||
| Employer | இந்திய ரயில்வே | |||||||||||||||||||
| விளையாட்டு | ||||||||||||||||||||
| விளையாட்டு | மல்யுத்தம் | |||||||||||||||||||
| நிகழ்வு(கள்) | விருப்ப பாணி | |||||||||||||||||||
| கழகம் | இன்ஸ்பையர் விளையாட்டு நிறுவனம் | |||||||||||||||||||
பதக்கத் தகவல்கள்
| ||||||||||||||||||||
ஆரம்பகால வாழ்க்கை.
அரியானா மாநிலத்தின் பானிபட் மாவட்டத்தில் உள்ள கோஹானா அருகே உள்ள ஆதியானா கிராமத்தில் நிஷா தகியா பிறந்தார். ஓர் எளிமையான குடும்பத்தில் பிறந்த இவர், மல்யுத்தம் பரவலாக நடைமுறையில் இருந்த ஒரு பகுதியில் வளர்ந்தார். இவரின் தந்தை ரமேஷ் தகியா, சிறு வயதிலிருந்தே உடல் ரீதியாக வலுவாகவும் நம்பிக்கையுடனும் இருக்க நிஷாவை ஊக்குவித்தார். இவர் கூடைப்பந்து வீரராக முயற்சித்த போதிலும், ஜிந்தில் உள்ள ஒரு அகாதாவுக்குச் சென்று உள்ளூர் மல்யுத்தப் போட்டிகளைப் பார்த்த பிறகு மல்யுத்தத்திற்கு ஈர்க்கப்பட்டார்.[4]
12 வயதில், நிஷா முறையான பயிற்சியைத் தொடங்கினார். விரைவில் ஒரு விளையாட்டு விடுதியில் சேர்ந்தார். கடுமையான பயிற்சி எடுத்துக்கொண்டே தனது கல்வியையும் தொடர்ந்தார். விடுதி வாழ்க்கை கடினமாக இருந்தது. அதிகாலையில் கடினமான பாதைகள் மற்றும் பயிற்சி பெற்ற சிறுவர்களுடன் சண்டையிடுவது ஆகியவை இவரை ஒரு கடினமான மற்றும் உறுதியான மல்யுத்த வீரராக வடிவமைத்தது. பயிற்சிக்குப் பின்னர் பள்ளி மற்றும் இளையோர் தேசிய மட்டங்களில் வெற்றி பெறத் தொடங்கினார். உயரடுக்கு மல்யுத்தத்தில் தனது எதிர்காலத்திற்கான அடித்தளத்தை அமைத்தார்.[5]
தொழில் வாழ்க்கை
- 2021: தகியாவின் மல்யுத்த வாழ்க்கையில் ஒரு முக்கிய திருப்புமுனையாக இந்த ஆண்டு குறிக்கப்பட்டது. U23 உலக வெற்றிவாகை 65 கிலோ பிரிவில் வெள்ளிப் பதக்கம் வென்றதன் மூலம் சர்வதேச அளவில் தனது அடையாளத்தை உருவாக்கினார்.[2] உள்நாட்டு போட்டிகளிலும் இவரது செயல்திறன் நிலைத்தன்மையைக் காட்டியது, மேலும் இவர் இந்தியாவின் தேசிய முகாம்களில் ஒரு வழக்கமான முகமாக ஆனார்.
- 2022: உலக வெற்றிவாகைப் போட்டியில் தகியா வலுவான செயல்திறனைக் காட்டி, அரையிறுதிக்கு முன்னேறினார். லிண்டா மோரைசுக்கு எதிரான வெண்கலப் பதக்கப் போட்டியில் 4-0 என்ற கணக்கில் முன்னிலை வகித்தார் ஆனால் ஏற்கனவே முழங்காலில் ஏற்பட்ட தசைநார் சிதைவு (ஏ. சி. எல்) மீண்டும் ஏற்பட்டது. இதனால் போட்டியைத் தொடர முடியாமல், தோல்வியடைந்து நான்காவது இடத்தையேப் பிடித்தார். அந்த ஆண்டின் தொடக்கத்தில் இவஎஉக்கு ஏற்பட்ட காயம் பின்னர் அளிக்கப்பட்ட சிகிச்சைக்குப் பின் சரியானது. போட்டியில் பின்னடைவு இருந்தபோதிலும், இவரது செயல்திறன் உலக அளவில் இவரது நற்பெயரை உறுதிப்படுத்தியது.[6]
- 2023: நிஷா ஆசிய வெற்றிவாகைப் போட்டியில் தனது செயல்திறனை மீண்டும் நிகழ்த்தி வெள்ளிப் பதக்கம் வென்றார். மேலும் UWW தரவரிசை தொடர் நிகழ்வுகளில் சிறந்து விளங்கினார்.[1]"Asian Wrestling Championships: Nisha wins silver, bronze for Priya". ESPN. 11 April 2023. Retrieved 4 August 2025.</ref> மே மாதம் இசுதான்புல்லில் நடந்த உலக ஒலிம்பிக் தகுதிப் போட்டிகளில் இந்தியாவுக்கான ஒலிம்பிக் ஒதுக்கீட்டைப் பெற்றதே இவரது மிகப்பெரிய சாதனையாகும், இது 2024 பாரிஸ் ஒலிம்பிக்கில் இவரது இடத்தை உறுதிப்படுத்தியது. 68 கிலோ எடைப்பிரிவில் அரையிறுதிப் போட்டியில் உருமேனியாவின் அலெக்ஸாண்ட்ரா அங்கேலை தோற்கடித்து ஒலிம்பிக் தகுதி பெற்றார்.[7]
- 2024: பாரிஸ் ஒலிம்பிக்கில் பெண்கள் 68 கிலோ விருப்ப பாணி பிரிவில் இந்தியாவைப் பிரதிநிதித்துவப்படுத்தியதால் தகியாவின் தொழில் வாழ்க்கையின் மிகவும் எதிர்பார்க்கப்பட்ட ஆண்டாக இருந்தது. இவர் வலுவாகத் தனது செயல்திறனை வெளிப்படுத்தி, தொடக்கப் போட்டியில் வெற்றி பெற்று காலிறுதிக்குள் நுழைந்தார். அதில் ஆதிக்கம் செலுத்தும் செயல்திறனில் 1-8 என்ற கணக்கில் முன்னிலை வகித்தார். இருப்பினும், அந்த முக்கியமான காலிறுதிப் போட்டியின் போது, விரல் இடம்பெயர்தல், தோள்பட்டை காயம் ஆகியவற்றால் பாதிக்கப்பட்டார. இது இவரது திறனை கடுமையாக மட்டுப்படுத்தியது. இவரது துணிச்சலான முயற்சி இருந்தபோதிலும், காயம் காரணமாக போட்டியில் தோல்வியடைந்தார்; பதக்க சுற்றைத் தவறவிட்டார். ஒட்டுமொத்தமாக ஏழாவது இடத்தையேப் பிடித்தார்.[3]
சர்ச்சை
2021 ஆம் ஆண்டில், தகியா ஒரு ஊடக சர்ச்சையின் மையமாக இருந்தார். பல செய்தி நிறுவனங்களிவரது மரணத்தை பொய்யாகப் பரப்பின. அரியானாவில் சுட்டுக் கொல்லப்பட்ட இதே பெயர் கொண்ட மற்றொரு மல்யுத்த வீரருடன் இவரைக் குழப்பின. பின்னர் தான் உயிருடன் இருப்பதை உறுதிப்படுத்தும் காணொளி அறிக்கை ஒன்றை வெளியிட்டார். பின்னர் உத்தரப் பிரதேசத்தில் நடந்த மூத்தோர் தேசிய வெற்றிவாகைப் போட்டியிலும் பங்கேற்றார்.[8]
மேற்கோள்கள்
- ↑ 1.0 1.1 "Asian Wrestling Championships: Nisha wins silver, bronze for Priya". ESPN (in ஆங்கிலம்). 11 April 2023. Retrieved 4 August 2025.
- ↑ 2.0 2.1 "World Championships Results: Weight Category (Results WW 65)". World Wrestling Championships. Archived from the original on 14 September 2022. Retrieved 14 September 2022.
- ↑ 3.0 3.1 "Paris Olympics 2024: Here's how wrestler Nisha Dahiya missed a medal". www.business-standard.com (in அமெரிக்க ஆங்கிலம்). Archived from the original on 8 December 2024. Retrieved 4 August 2025.
- ↑ "Nisha Dahiya Wrestling At Paris Olympics 2024 Through Doubts - Journey From Almost Quitting To The Games". Outlook India (in ஆங்கிலம்). 27 May 2024. Retrieved 4 August 2025.
- ↑ Bose, Shuvaditya (4 August 2024). "Wrestler Nisha Dahiya Wanted To Be the Son Dad Never Had. She's at Olympics Now". TheQuint (in ஆங்கிலம்). Retrieved 4 August 2025.
- ↑ "World Wrestling Championships 2022: Nisha Dahiya suffers injury relapse during bronze match; to be treated in Delhi". Firstpost (in அமெரிக்க ஆங்கிலம்). 16 September 2022. Retrieved 4 August 2025.
- ↑ PTI (10 May 2024). "Paris 2024: Nisha Dahiya secures India's fifth Paris Olympic Games quota in women's wrestling". Sportstar (in ஆங்கிலம்). Archived from the original on 26 July 2024. Retrieved 26 July 2024.
- ↑ "Wrestler Nisha Dahiya calls reports of her being shot dead fake; namesake killed in Sonepat". The Tribune. 11 November 2021. Archived from the original on 14 September 2022. Retrieved 14 September 2022.