முட்காடு
முட்காடு (Thorn forest) என்பது வறண்ட அயன அயல் மண்டல மற்றும் வெப்பமான மிதவெப்பமண்டலப் பகுதிகளின் சிறப்பியல்புகளைக் கொண்ட அடர்த்தியான புதர்க்காடு ஆகும். இங்கு சராசரியாக பருவமழை 300 முதல் 700 mm (12 முதல் 28 அங்) இருக்கும். மரங்கள் பெரும்பாலும் 6 முதல் 10 m (20 முதல் 33 அடி) உயரமுள்ளவையாக இருக்கும். பரந்த இடைவெளியில் இவை அமைந்துள்ளன. இம்மரங்கள் நீர் இழப்பைக் குறைக்கவும் மேய்ச்சல் விலங்குகளிடமிருந்து தங்களைப் பாதுகாக்கவும் அடர்த்தியான பட்டை, சிறிய இலைகள் அல்லது முட்களைக் கொண்டுள்ளன. பொதுவான தாவரங்களில் அகாசியாக்கள், கள்ளி (யூபோர்பியா), பேரீச்சம்பழங்கள் மற்றும் கற்றாழை (அமெரிக்காவில்) ஆகியவை அடங்கும். முட்காடுகள் பொதுவாக பாலைவனங்களுக்கும் அதிக வளமான வெப்பமண்டல/துணை வெப்பமண்டல இலையுதிர் காடுகளுக்கும் இடையிலான சுற்றுச்சூழல் மாறுதல் மண்டலங்களாகும்.[1][2][3]
பிராந்தியங்கள்
ஆப்பிரிக்கா
ஆப்பிரிக்காவின் தென்மேற்கில் இவை காணப்படுகிறது. ஆப்பிரிக்காவின் பிற இடங்களில் சிறிய பகுதிகளும் உள்ளன.
- தோர்ன்வெல்ட் பெரும்பாலும் "அகாசியா தோர்ன்வெல்ட்" என்று குறிப்பிடப்படுகிறது.
- மடகாசுகரின் முட்காடுகள்
- மடகாசுகரின் சதைப்பற்றுள்ள வனப்பகுதிகள்
வட அமெரிக்கா
வட அமெரிக்காவின் தென்மேற்கின் பெரும்பகுதியை முள் காடுகள் ஆக்கிரமித்துள்ளன.
- உட்டா மற்றும் கேன்யன்லேண்ட்சு பகுதியில் உள்ள பின்யோன்–ஜூனிபர் வனப்பகுதி . [4]
- கலிபோர்னியா வளைகுடா வறண்ட புதர்க்காடு
- தாமாலிபன் மெசுகுவிடல்
- சான் லூகன் வறண்ட புதர்க்காடு
மத்திய அமெரிக்காவில் குவாத்தமாலாவில் உள்ள மோட்டகுவா பள்ளத்தாக்கைச் சுற்றி ஒப்பீட்டளவில் சிறிய அளவிலான முட்காடுகள் உள்ளன.
தென் அமெரிக்கா
தென் அமெரிக்காவில், வடகிழக்கு பிரேசிலில் உள்ள முட்காடு காட்டிங்கா என்று அழைக்கப்படுகிறது. மேலும் இது முக்கியமாக பருவகாலமாக இலைகளை உதிர்க்கும் சிறிய, முள் மரங்களைக் கொண்டது. மரங்கள் பொதுவாக 10 மீட்டர்கள் (33 அடி) உயரத்திற்கு குறைவாக சராசரியாக 7 மற்றும் 8 மீட்டர்கள் (23 மற்றும் 26 அடி) வரை இருக்கும்.
கேட்டிங்கா ஒரு வறண்ட புதர் நிலம் மற்றும் முட்காடாகக் கருதப்படுகிறது.[5] ஆனால் வெப்பமண்டல மற்றும் துணை வெப்பமண்டல வறண்ட அகன்ற இலைக் காடுகளாகக் கருதப்படும் கேட்டிங்கா என்க்ளேவ்ஸ் ஈரமான காடுகளின் சுற்றுச்சூழல் பகுதியைக் கொண்டுள்ளது.
தென்கிழக்கு பொலிவியா, வடமேற்கு பராகுவே மற்றும் வடக்கு அர்ஜென்டினா வரை பரவியுள்ள இந்தக் கண்டத்தின் தென்-மத்தியப் பகுதியை நோக்கிய தாழ்வான பகுதி வறண்ட முட்காடான கிரான் சாக்கோவும் உள்ளது.
ஆசியா
.jpg){kind=link}
- இந்தியா மற்றும் இலங்கையில் உள்ள தக்காண முட்புதர்க்காடுகள். தக்காணம் பாலைவனங்கள் மற்றும் வறண்ட புதர்நிலங்கள் கொண்ட இந்தோமலேயன் உயிரியல் மண்டலத்தில் சேர்க்கப்பட்டுள்ளது. [6]
- வடமேற்கு இந்தியா மற்றும் பாகிஸ்தானில் உள்ள வடமேற்கு முட்புதர் காடுகள், வளமான பஞ்சாப் பகுதியைக் கொண்டுள்ளது.
- பலூச்சிசுதான் வறண்ட வனப்பகுதிகள்
ஆத்திரேலியா
ஆத்திரேலியாவில் உள்ள முல்கா காடுகள். [7]
காலநிலை
இந்த உயிரியல் சூழலில் முதன்மையாக வெப்பமான புல்வெளி காலநிலை (கோப்பன் பிஎஸ்ஹெச்) ஆதிக்கம் செலுத்துகிறது. ஆண்டு சராசரி மழைப்பொழிவு 300-700 மிமீ ஆகும். இது ஈரப்பதமான முனையில் துணை வெப்பமண்டல பருவமழை காலநிலை (கோப்பன் சிடபுள்யூஏ) மற்றும் வெப்பமண்டல சவன்னா காலநிலை (கோப்பன் ஏடபுள்யூ/ஏஎஸ் ) மற்றும் வறண்ட முனையில் வெப்பமான பாலைவன காலநிலையுடன் இணைகிறது. இந்த உயிரியம் முதன்மையாக வெப்பமண்டல மற்றும் துணை வெப்பமண்டல அட்சரேகைகளில் காணப்படுகிறது.
மரங்கள்
இந்த உயிரியல் முக்கியப் பகுதியில் முதன்மையாகக் காணப்படும் தாவரங்களில் வளர்ச்சி குன்றிய மரங்கள், புதர்கள் அடங்கும். அரிதாக 10 மீட்டர்கள் (33 அடி) உயர மரங்கள் காணப்படும். இங்கு காணப்படும் ஆதிக்கம் செலுத்தும் மரங்கள்/புதர்களாக அகாசியா, பிரோசோபிசு, கள்ளி (யூபோர்பியா), மெசுகைட் மற்றும் கற்றாழை உள்ளன. இந்த மரங்களின் வேர்கள் நிலத்தடியில் பரந்து விரிந்து மண்ணில் ஊட்டச்சத்துக்களைக் கண்டுபிடிக்கின்றன. ஏனெனில் இங்கு ஊட்டச்சத்துக்கள் குறைவாக உள்ளன.[8]
மாற்றம்
மழைப்பொழிவு அதிகரிக்கும் போது முட்கள் நிறைந்த காடுகள் சவன்னா வனப்பகுதிகளிலும் பருவகால வெப்பமண்டல காடுகளிலும் கலந்து காணப்படும். மேலும் காலநிலை வறண்டு போகும்போது பாலைவனங்களாகின்றன. [9]
மேலும் காண்க
மேற்கோள்கள்
- ↑ "The Thorn forests, Montane forests, and Mangrove forests". Unacademy (in அமெரிக்க ஆங்கிலம்). Retrieved 2025-09-12.
- ↑ Doubtnut. "What are the main characteristics of the Thorn Forests and Scrubs?". Doubtnut. Retrieved 2025-09-13.
- ↑ "Indian Administrative Service - IAS Exam". Prepp (in ஆங்கிலம்). Retrieved 2025-09-13.
- ↑ "The Thorn forests, Montane forests, and Mangrove forests". Unacademy (in அமெரிக்க ஆங்கிலம்). Retrieved 2025-09-12.
- ↑ Lleras, Eduardo "Caatinga of North-Eastern Brazil". Centres of Plant Diversity 3: The Americas. Smithsonian Institution.
- ↑ "Deccan thorn scrub forests". Terrestrial Ecoregions. World Wildlife Fund.
- ↑ "The Thorn forests, Montane forests, and Mangrove forests". Unacademy (in அமெரிக்க ஆங்கிலம்). Retrieved 2025-09-12.
- ↑ "Thorn Forest - Information, Characteristic, Features and Trees". VEDANTU (in ஆங்கிலம்). Retrieved 2025-09-12.
- ↑ "The Thorn forests, Montane forests, and Mangrove forests". Unacademy (in அமெரிக்க ஆங்கிலம்). Retrieved 2025-09-12.