வாண்டையார்
வாண்டையார் (Vandayar) என்னும் பட்டம் வண்டையர் என்னும் பெயரின் திரிபாகக் கொள்ளப்படுகிறது.[1] வாண்டையார் என்னும் பட்டம் கள்ளர் இனத்தவரின் பட்டப் பெயர்களுள் ஒன்று என்று செந்தமிழ்ச் சொற்பிறப்பியல் பேரகரமுதலி விளக்கம்தருகிறது.[2] சோழர் காலத்தில் வாளுடையவர்கள் என்பவர்கள், பிற்காலத்தில் மருவி வாண்டையார்கள் என அழைக்கப்பட்டனர் என்றும் குறிப்பிடப்படுகிறது.[3] தமிழ்நாட்டின் மதுரை மாவட்டத்தைச் சேர்ந்த கள்ளர் சாதிக்குள் வாண்டையார் ஒரு அகமணக் குழுவாகும்.[4]
கருணாகரத் தொண்டைமான் வண்டையர் கோன் என அழைக்கப்பட்டமையும், வல்லம் என்னும் தென்னார்க்காட்டுப் பகுதியை ஆண்டவன் வல்லவரையன் வண்டையத் தேவன் எனப்பட்டதும் காணலாம்.[5] கலிங்கத்துப் பரணியின் பாடல்களில் வண்டைமன் தொண்டைமான், வண்டைநகர் அரசன், வண்டையர்க்கு அரசு, வண்டை வேந்தன். வண்டையர் அரசன், வண்டையர் கோன் என்றெல்லாம் கருணாகரத் தொண்டைமான் சிறப்பித்து அழைக்கப்படுகிறான்.[6] வாண்டையார், தெத்து வாண்டையார், பருதி வாண்டையார், நெடுவாண்டையார், வண்டன், வண்டயன், வாண்டயன், வண்டதேவன், வண்டப்பிரியன் என்று மருவி கள்ளர் இனத்தவரின் பட்டப் பெயர்களாக உள்ளன.[7]
கல்வெட்டுகளில் வாண்டையார்
- 1453 ஆண்டு அறந்தாங்கி தொண்டைமான் அழகிய மணவாளப்பெருமாள் தொண்டைமானார் ஆட்சியில் பழங்கரை புராதனபுரீசுவரர் கோயில் வடபுற கல்வெட்டில் வாண்டையார்கள் குறிக்கப்படுகிறார்கள்.[8]
- 17 ஆம் நூற்றாண்டு சேலம் மாவட்டம், ஆத்தூர் வட்டம், ஆறகளூர் வெளிப்பாளையத்தில் உள்ள நவகண்ட சிற்பம் அருகே வயலில் இருக்கும் பலகைக்கலில், மாரிமுத்து கிருஷ்ணப்ப வாண்டையார் என்பவர் ஆறகமூரில் உள்ள திருக்காமீசுரமுடைய தம்பினாருக்கு குமாரபாளையம் என்ற ஊரை தானமாக கொடுத்துள்ளார்.[9]
- தஞ்சாவூர்' தென்குடித்திட்டை வசிட்டேசுவரர் கோயில் கிழக்குத் திருச்சுற்று தரையில் உள்ள கல்வெட்டில் மாரியப்ப வாண்டையார் மகன் குப்பமுத்து என்பவன் யாசகம் பெற்று, மக்கள் இட்ட அந்த உபயம் கொண்ரு பெரிய பிரகாரத்தின் தளவரிசை வகையறா போட்டதை அறியலாம்.[10]
வாண்டையார் பெயரில் உள்ள இடங்கள்
- தஞ்சாவூர் மாவட்டம், ஒரத்தநாடு வட்டத்தில் அமைந்துள்ள சிற்றூர் வாண்டயார் இருப்பு.
- திருவாரூர் மாவட்டம், நீடாமங்கலம் வட்டம், பேரையூர் ஊராட்சியில் உள்ள சிற்றூர் வாண்டையார் குடிகாடு.
- புதுக்கோட்டை மாவட்டம், திருவரங்குளம் வட்டத்தில், கரும்பிரான்கோட்டை ஊராட்சியில் உள்ள சிற்றூர் வாண்டையார் குடியிருப்பு .
- புதுக்கோட்டை மாவட்டம், கந்தர்வகோட்டை வட்டம், வடுகப்பட்டி ஊராட்சியில் உள்ள சிற்றூர் வாண்டையான்பட்டி.
- புதுக்கோட்டை மாவட்டம், புதுக்கோட்டை வட்டத்தில், கல்லுக்காரன்பட்டி ஊராட்சியில் உள்ள சிற்றூர் வாண்டாம்பட்டி.
- புதுக்கோட்டை மாவட்டம், கந்தர்வகோட்டை வட்டம், ஆற்றங்கரை ஊராட்சியில் உள்ள சிற்றூர் வாண்டாம்பட்டி.
- புதுக்கோட்டை மாவட்டம், கறம்பக்குடி வட்டத்தில், உள்ள சிற்றூர் வாண்டான்விடுதி.
- புதுக்கோட்டை மாவட்டம், கறம்பக்குடி வட்டத்தில், வாணக்கன்காடு ஊராட்சியில் உள்ள சிற்றூர் வாண்டான்விடுதி.
- புதுக்கோட்டை மாவட்டம், திருவரங்குளம் வட்டத்தில், உள்ள சிற்றூர் வாண்டாக்கோட்டை.
- தஞ்சாவூர் மாவட்டம், ஒரத்தநாடு வட்டத்தில், பொய்யுண்டார்க்கோட்டை ஊராட்சியில் உள்ள வாண்டையார் தெரு,
இதனையும் காண்க
மேற்கோள்கள்
- ↑ கள்ளர் பட்டங்கள் வரலாறு. p. 76.
- ↑ செந்தமிழ்ச் சொற்பிறப்பியல் பேரகரமுதலி. p. 45.
- ↑ Martial races of undivided India. p. 272.
- ↑ Beyond the Myth Indian Business Communities in Singapore. pp. [132].
- ↑ கள்ளர்_பட்டப்_பெயர்களும்_அரச_மரபினரும் (PDF). p. 5.
- ↑ சோழ மண்டலத்து வரலாற்று நாயகர்களின் சிற்பங்களும் ஓவியங்களும். p. 135.
- ↑ வாண்டையார் வரலாறு.
- ↑ அறந்தாங்கித் தொண்டைமான்கள். p. 85.
- ↑ Avanam Journal Collections. p. 116.
- ↑ தஞ்சாவூர் வட்டக் கல்வெட்டுகள். p. 88.