பரமக்குடி

பரமக்குடி (ஆங்கிலம்:Paramakudi), இந்தியாவின் தமிழ்நாடு மாநிலத்தில் அமைந்துள்ள இராமநாதபுரம் மாவட்டத்தில் இருக்கும் ஒரு நகராட்சி ஆகும்.இது வைகை நதியின் கரையில் அமைந்திருக்கிறது. மதுரை ராமேஸ்வரம் தேசிய நெடுஞ்சாலை எண் 49 இன் மத்தியில் உள்ளது.

பரமக்குடி
—  முதல் நிலை நகராட்சி  —
பரமக்குடி அமைவிடம்: பரமக்குடி, தமிழ்நாடு , இந்தியா
ஆள்கூறு	9°32′38″N 78°35′28″E
நாடு	இந்தியா
மாநிலம்	தமிழ்நாடு
மாவட்டம்	இராமநாதபுரம்
ஆளுநர்
முதலமைச்சர்
மாவட்ட ஆட்சியர்	சிம்ரன்சித் சிங் காலோன், இ. ஆ. ப
நகராட்சித் தலைவர்
சட்டமன்றத் தொகுதி	பரமக்குடி -
சட்டமன்ற உறுப்பினர்	எச். முருகேசன் (திமுக)
மக்கள் தொகை • அடர்த்தி	1,03,776 (2011) • 6,486/km2 (16,799/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு	16 சதுர கிலோமீட்டர்கள் (6.2 sq mi)
குறியீடுகள் • அஞ்சல் குறியீட்டு எண் • 623707 • தொலைபேசி • +04564 • வாகனம் • TN65

வரலாறு

வரலாற்று ரீதியாக இந்த பகுதி பாண்டியர்களின் வம்சத்தால் ஆட்சி செய்யப்பட்டது, இது எந்த அரசரின் தலைமையிடமல்ல, ஆனால் பாண்டியர்களாலும் பின்னர் ராமநாதபுரம் ராஜா சேதுபதியின் ஆட்சியினாலும் ஆட்சி செய்யப்பட்டது. பண்டைய காவிய ராமாயணத்தின் படி, ராம ராமாவுக்கு எதிராக ராவணனுக்கு எதிரான போர் தொடங்கியது, இங்கு 45 நிமிடங்கள் பயணம் செய்யும் சேது கால்வாய். 1964 ஆம் ஆண்டில் பரமக்குடி, எமனேஸ்வரம் ஆகிய இரு நகரங்களையும் இணைத்து பரமக்குடி நகராட்சி உருவாக்கப்பட்டது.

மக்கள் வகைப்பாடு

இந்திய 2011 மக்கள் தொகை கணக்கெடுப்பின்படி 103776 மக்கள் இங்கு வசிக்கின்றார்கள். இவர்களில் 52704 ஆண்கள், 51072 பெண்கள் ஆவார்கள். பரமக்குடி மக்களின் சராசரி கல்வியறிவு 82% ஆகும், இதில் ஆண்களின் கல்வியறிவு 86%, பெண்களின் கல்வியறிவு 78% ஆகும். இது இந்திய தேசிய சராசரி கல்வியறிவான 59.5% விட கூடியதே. பரமக்குடி மக்கள் தொகையில் 9% ஆறு வயதுக்குட்பட்டோர் ஆவார்கள்.

போக்குவரத்து வசதிகள்

பரமக்குடி நகரானது ரயில் மற்றும் பேருந்து வசதிகளின் மூலம் மற்ற ஊர்களுடன் இணைக்கப்பட்டுள்ளது. கொச்சி - ராமேஸ்வரம் தேசிய நெடுஞ்சாலை (NH 49) நகரின் குறுக்கே அமைந்துள்ளது ,மதுரை-பரமக்குடி நான்குவழிச்சாலையும் இந்நகரத்தில் அமைந்துள்ளது . இங்கிருந்து சென்னை, ராமேஸ்வரம், மதுரை, கன்னியாகுமரி, கோவை, திருப்பதி, ஒக்ஹா, புவனேஸ்வர் , வாரனாசி உள்ளிட்ட நகரங்களுக்கு நேரடி ரயில் வசதி உள்ளது.பரமக்குடி ரயில் நிலையம் மாவட்டத்தின் முக்கிய ரயில் நிலையத்தின் ஒன்றாக கருதப்படுகிறது. இங்கிருந்து பெரும்பாலான ஊர்களுக்கு அரசு மற்றும் தனியார் பேருந்து வசதிகள் உள்ளன.அருகில் உள்ள விமான நிலையம் மதுரை ஆகும். இது பரமக்குடி இல் இருந்து 83கி மீ தொலைவில் உள்ளது.

வழிபாட்டுத் தலங்கள்

1. ஸ்ரீ முத்தாலபரமேஸ்வரி அம்மன் கோவில்
2. மேலப்பள்ளிவாசல்
3. கீழப்பள்ளிவாசல்
4. எமனேஸ்வரம் பள்ளிவாசல்
5. ஸ்ரீ சுந்தரராஜ பெருமாள் கோவில்
6. ஸ்ரீ சந்திர சேகர சுவாமி கோவில் ( ஈஸ்வரன் கோவில் )
7. ஸ்ரீ சுப்பிரமணியசுவாமி கோவில்
8. ஸ்ரீ மீனாட்சி அம்மன் கோவில்
9. மஸ்ஜிதே நூர் மசூதி (தெற்குப்பள்ளிவாசல்)
10. மாதவன் நகர் பள்ளிவாசல்
11. பாரதி நகர் பள்ளிவாசல்
12. ஐந்துமுனை முருகன் கோவில்
13. எமனேஸ்வரமுடையவர் கோவில்
14. டி.இ.எல்.சி சர்ச்
15. ஆர்.சி.யாதவா சர்ச்
16. அன்வாருல் ஹுதா ஜும்மா மஸ்ஜித்(நேரு நகர்)
17. சுந்தர்ராஜ பட்டிணம் ஜும்மா பள்ளிவாசல்
18. ஸ்ரீ வரதரராஜ பெருமாள் கோவில் ( எமனேஸ்வரம் )

சிறப்புகள்

பரமக்குடி மற்றும் அதன் சுற்றுவட்டார பகுதிகளில் சிவப்பு குடை மிளகாய் விளைச்சலில் சிறப்பு பெற்றதாகும். இங்கு விளைவிக்கப்படும் பருத்தி இந்தியா முழுவதும் ஏற்றுமதி செய்யப்படுகிறது.மொத்த தமிழகத்திற்குமான மிளகாய் விலை இங்கு தான் நிர்ணயிக்கப்படுகிறது.

பரமக்குடி மற்றும் எமனேஸ்வரம் பகுதிகளில் உள்ள ஆயிரக்கணக்கான சௌராஷ்டிரா இன மக்கள் அசல் பட்டு ஜரிகை மற்றும் அனைத்து வித கைத்தறி சேலைகளை உற்பத்தி செய்கின்றனர். இங்கு உற்பத்தி செய்யப்படும் சேலைகள் இந்தியா மட்டுமின்றி மலேசியா , சிங்கப்பூர் போன்ற வெளிநாடுகளுக்கும் ஏற்றுமதி செய்யப்ப்படுகிறது.

அரசியல்

சட்டமன்ற தொகுதி - பரமக்குடி (தனித்தொகுதி); நாடாளுமன்ற தொகுதி - ராமநாதபுரம்