சாயல்குடி

சாயல்குடி பேரூராட்சி (Sayalgudi), இந்தியாவின் தமிழ்நாடு மாநிலத்தில் அமைந்துள்ள இராமநாதபுரம் மாவட்டம், கடலாடி வட்டத்தில் இருக்கும் ஒரு பேரூராட்சி ஆகும். சாயல்குடி பேரூராட்சி கிழக்கு கடற்கரை சாலைப் பகுதியில் அமைந்துள்ளது. இது இராமநாதபுரத்திலிருந்து 60 கிமீ தொலைவிலும், பரமக்குடியிலிருந்து 50 கிமீ தொலைவிலும் உள்ளது.

சாயல்குடி பேரூராட்சி
சாயல்குடி பேரூராட்சி இருப்பிடம்: சாயல்குடி பேரூராட்சி , தமிழ்நாடு , இந்தியா
அமைவிடம்	9°28′08″N 78°26′42″E
நாடு	இந்தியா
மாநிலம்	தமிழ்நாடு
மாவட்டம்	இராமநாதபுரம்
வட்டம்	கடலாடி
ஆளுநர்
முதலமைச்சர்
மாவட்ட ஆட்சியர்	சிம்ரன்சித் சிங் காலோன், இ. ஆ. ப
பேரூராட்சி தலைவர்
மக்கள் தொகை • அடர்த்தி	14,801 (2011) • 1,213/km2 (3,142/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு	12.20 சதுர கிலோமீட்டர்கள் (4.71 sq mi)
குறியீடுகள் • அஞ்சல் குறியீட்டு எண் • 623120 • தொலைபேசி • +04576 • வாகனம் • TN 65
இணையதளம்	www.townpanchayat.in/sayalkudi

2011-ஆம் ஆண்டு மக்கள்தொகை கணக்கெடுப்பின்படி, இந்த நகராட்சி 3,617 வீடுகளும், 14,801 மக்கள்தொகையும் கொண்டது.

இது 12.20 சகிமீ பரப்பும், 15 வார்டுகளும், 53 தெருக்களும் கொண்ட சாயல்குடி பேரூராட்சியானது முதுகுளத்தூர் (சட்டமன்றத் தொகுதி)க்கும், இராமநாதபுரம் மக்களவைத் தொகுதிக்கும் உட்பட்டது.

அகழ்வாராய்ச்சி

இங்கு மேற்கொள்ளப்பட்ட அகழ்வாராய்ச்சியில் அங்கு ஈராயிரம் ஆண்டுகளுக்கு முன்பே இரும்பு உருக்காலைகள் அமைந்திருந்ததற்கான ஆதாரங்கள் கிடைத்துள்ளன. சங்க காலத்தைச் சேர்ந்த இரும்பாலைகளின் உருக்குலைந்த பகுதிகள் கிடைக்கப்பட்டுள்ளன. இரும்புத்தாது, உடைந்த பானையின் ஓடுகள், குறியீடுள்ள பானை ஓடுகள், சுடுமண்ணால் ஆன தாய்த் தெய்வ பொம்மை, கெண்டியின் மூக்குப்பகுதி என பல தொல்பொருட்கள் கிடைத்துள்ளன. உடமைக்குறி என நம்பப்படும் அடையாளங்களுடன் சில ஓடுகளும் கிடைத்துள்ளன.