வெள்ளலூர்

**வெள்ளலூர்**
	வெள்ளலூர்
	— பேரூராட்சி —
	வெள்ளலூர் அமைவிடம்: வெள்ளலூர், தமிழ்நாடு , இந்தியா
ஆள்கூறு	10°58′02″N 77°01′40″E / 10.96722°N 77.02778°E
நாடு	இந்தியா
மாநிலம்	தமிழ்நாடு
மாவட்டம்	கோயம்புத்தூர்
ஆளுநர்
முதலமைச்சர்
மாவட்ட ஆட்சியர்
மக்கள் தொகை	17,294 (2001)
நேர வலயம்	இந்திய சீர் நேரம் (ஒ.ச.நே + 05:30)
• அஞ்சல் குறியீட்டு எண்	• 641111
• தொலைபேசி	• +0422 241
• வாகனம்	• TN 37

வெள்ளலூர் (ஆங்கிலம்: Vellalur or Vellalore), இந்தியாவின் தமிழ்நாடு மாநிலத்தில் அமைந்துள்ள கோயம்புத்தூர் மாவட்டத்தில் இருக்கும் ஒரு பேரூராட்சி ஆகும். அருகில் போத்தனூர், செட்டிபாளையம் கிராமம், சிங்காநல்லூர் ஆகியவற்றை அருகே கொண்டுள்ளது. ரோமானியர்களின் வணிகத்தில் இந்த ஊர் மிகவும் முக்கிய வணிக பகுதியாக இருந்துள்ளது. கொங்கு காலை களஞ்சியத்தை சார்ந்த அதிகாரி ஜெகதீசன் என்பவர் தமிழகத்தில் கண்டெடுக்கபட்ட ரோமேனியா நாணயங்களில் 80 % இங்கே தான் கிடைத்துள்ளது என்கிறார். மேலும் அவ்வணிகம் முதலாம் நூற்றாண்டுக்கு முன்னரே நடந்ததாக அவர் கூறுகிறார். ^[3] இந்த ஊர் , நொய்யல் ஆற்றின் தென் கரையில் அமைந்துள்ளது.

மக்கள் வகைப்பாடு

இந்திய 2001 மக்கள் தொகை கணக்கெடுப்பின்படி 17,294 மக்கள் இங்கு வசிக்கின்றார்கள்.^[4] இவர்களில் 50% ஆண்கள், 50% பெண்கள் ஆவார்கள். வெள்ளாளூர் மக்களின் சராசரி கல்வியறிவு 64% ஆகும், இதில் ஆண்களின் கல்வியறிவு 70%, பெண்களின் கல்வியறிவு 59% ஆகும். இது இந்திய தேசிய சராசரி கல்வியறிவான 59.5% விட கூடியதே. வெள்ளாளூர் மக்கள் தொகையில் 8% ஆறு வயதுக்குட்பட்டோர் ஆவார்கள்.

கோயில்கள்

வெள்ளலூர் பல பழமையான பெருமை வாய்ந்த கோயில்களை கொண்டுள்ளது. கரி வரதராஜா பெருமாள் கோயில், தேனீஸ்வரர் கோயில், பேச்சியம்மன் கோயில், பெரிய விநாயகர் கோயில், எமதர்ம ராஜா கோயில் போன்ற பல திருக்கோயில்கள் இவ்வோரில் அமைந்து உள்ளன.