செயலை மரம்

சங்ககாலத்தில் குறிஞ்சிநிலத்தில் வளர்ந்த மரங்களில் ஒன்று செயலை மரம். இது செந்நிறத் தளிர்களைக் கொண்டது. ஆண்கள் இதன் தளிர்களைத் தலையிலும், காதுகளிலும் அணிந்துகொண்டனர். மார்பில் மாலையாகக் கட்டிப் போட்டுக்கொண்டனர். மகளிர் தழையாடை பின்னி இடையில் அணிந்துகொண்டனர். செயலை மரங்களில் ஊசல் கட்டி ஆடினர். பூவாகப் பறித்துக் குவித்து விளையாடினர். காமன் கணையாகப் பயன்படுத்தும் ஐந்து மலர்களில் ஒன்று இந்தச் செயலை. இந்தச் செய்திகளைச் சங்கப்பாடல்கள் நெரிவிக்கின்றன.

செயலைத் தளிரின் நிறம் சிவப்பு

செயலைத் தழை நெருப்பு நிறம் கொண்டது. காட்டுச் செயலையின் தளிர் பவள நிறம் கொண்டதாக இருக்கும். சிவந்த நிறம் கொண்டிருப்பதால் இந்த மரத் தளிர்களுக்குச் 'செயலை' என்று பெயர். இது மகளிர் கால் கைகளில் செம்பஞ்சுக் குழம்பு ஊட்டியது போல் செந்நிறம் கொண்டிருக்கும். செயலைத் தளிர் போன்று இருந்த தலைவியின் மேனிநிறம் பசலை பாய்ந்து இருந்தது. செயலைத் தளிர் போன்று இருந்த தலையின் மேனிநிறம் பசலை பாய்ந்து மாறிவிட்டதாம்.

செயலை விளையாடு பொருள்

செயலை மரத்தில் ஊஞ்சல் கட்டி ஆடுவர். கார்காலத்தில் மகளிர் குவித்து விளையாடிய மலர்களில் ஒன்று செயலை

ஆண்கள் சூடல்

ஆண்மகன் செயலை மாலையை மார்பில் அணிந்திருந்தான். ஆண்கள் தலையில் அணியும் பூக்களில் ஒன்று செயலை. முருகப்பெருமான் காதுகளில் செயலைத் தளிரை வைத்திருந்தான்.

மகளிர்க்குத் தழையாடை

மகளிர் இடையில் தழையாடை உடுத்திக்கொண்டனர். இக்காலத்தில் காதலுக்குப் பூச்செண்டு வழங்குவது போல அக்காலத்தில் 'செயலை'தழையால் செய்யப்பட்ட தழையாடையை வழங்கினர். தழையாடை செய்யப் பறித்துப் பறித்துச் செயலை மரத்தில் இலை இல்லாமல் போகவே அருகில் இருந்த தரலை மரத்து இலைகளைத் தழையாடைக்குப் பறித்துக்கொண்டார்களாம்.

திருமாலிருஞ்சோலை மலையின் மரக் கிளைகளில் செயலை மலர்ந்திருந்தனவாம். . காமன் கணையின் ஐந்து மலர்களில் ஒன்று செயலை

வேறுபாடு

இந்த மரத்தின் இனங்கள்

• நெட்டிலிங்க மரம்
• அசோக மரம்