லதாங்கி
லதாங்கி கருநாடக இசையின் 63ஆவது மேளகர்த்தா இராகம். இரவில் பாடுவதற்கு ஏற்றது. அசம்பூர்ண மேளபத்ததியில் இந்த இராகத்திற்கு கீதப்பிரியா என்று பெயர்.[1][2]
இலக்கணம்
| ஆரோகணம்: | ஸ ரி2 க3 ம2 ப த1 நி3 ஸ் |
| அவரோகணம்: | ஸ் நி3 த1 ப ம2 க3 ரி2 ஸ |
- "ருத்ர" என்றழைக்கப்படும் 11ஆவது சக்கரத்தில் 3 ஆவது மேளம்.
- இந்த இராகத்தில் ஷட்ஜம், சதுஸ்ருதி ரிஷபம் (ரி2), அந்தர காந்தாரம் (க3), பிரதி மத்திமம் (ம2), பஞ்சமம், சுத்த தைவதம் (த1), காகலி நிஷாதம் (நி3) ஆகிய சுரங்கள் வருகின்றன.
சிறப்பு அம்சங்கள்
- சர்வ ஸ்வர கமக வரிக ரக்தி இராகம் ஆகும்.
- பிரத்தியாகத கமகம் இந்த இராகத்திற்கு அழகைத் தருகின்றது.
- மேசகல்யாணியின் பூர்வாங்கமும், காமவர்த்தனியின் உத்தராங்கமும் சேர்ந்தால் கிடைப்பது லதாங்கி.
- இதன் நேர் சுத்த மத்திம மேளம் 27ஆவது மேளமாகிய சரசாங்கி ஆகும்.
- மூர்ச்சனாகாரக மேளம். இதன் பஞ்சம, நிஷாத மூர்ச்சனைகள் முறையே சூர்யகாந்தம் (17), சேனாவதி (7) ஆகிய மேளங்களைத் தோற்றுவிக்கின்றன.
உருப்படிகள்
- கிருதி : தினமே சுதினமு - மிஸ்ரசாபு - தியாகராஜர்.
- கிருதி : மரிறே - கண்ட சாபு - பட்டணம் சுப்பிரமணிய ஐயர்.
- கிருதி : தெரிசித்தளவில் - மிஸ்ர ஜம்பை - முத்துத் தாண்டவர்.
- கிருதி : கைகூட வேணுமே- மிஸ்ர ஜம்பை - கோடீஸ்வர ஐயர்.
- கிருதி : பிறவா வரம் - ஆதி - பாபநாசம் சிவன்.
ஜன்ய இராகங்கள்
லதாங்கியின் ஜன்ய இராகங்கள்:
லதாங்கி இராகத்தில் அமைந்த திரையிசைப் பாடல்கள்
லதாங்கி இராகத்தில் அமைந்த திரையிசைப் பாடல்கள்:
- தோகை இளமயில்
- பாடிப் பறந்த கிளி :- கிழக்கு வாசல்